თბილისში ყაჩაღობის ბრალდებით 20 წლის მამაკაცი დააკავეს

0

შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, ჩატარებული საგამოძიებო მოქმედებების შედეგად, 1999 წელს დაბადებული ი.მ. ყაჩაღობის ბრალდებით დააკავეს. ინფორმაციას უწყების პრესსამსახური ავრცელებს.

დანაშაული 5-დან 7 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ ი.მ. თბილისში, აკაკი წერეთლის გამზირზე მდებარე  ერთ-ერთ სუპერმარკეტში, მოლარეს სიცოცხლის მოსპობით დაემუქრა და იგი აიძულა  სალარო გაეხსნა, რათა მისთვის ფული და სიგარეტი მიეცა.  საპატრულო პოლიციის  თანამშრომლებმა ბრალდებული შემთხვევის ადგილზევე დააკავეს, სიგარეტები კი  ნივთმტკიცებად ამოიღეს.

საგამოძიებო მოქმედებების მიმდინარეობისას, ასევე, დადგინდა, რომ ი.მ.-მ  იმავე დღეს, დილის საათებში,   დიდუბე-ჩუღურეთის რაიონში მდებარე ერთ-ერთ  მაღაზია დააყაჩაღა.

გამოძიება ყაჩაღობის ფაქტზე მიმდინარეობს, სისხლის სამართლის კოდექსის  179-ე მუხლით.

Leave A Reply

Your email address will not be published.