ბესელია: “მადლიერი ვარ ბიძინა ივანიშვილის”

იურიდიულ საკითხთა კომიტეტის ყოფილი თავმჯდომარის, ეკა ბესელიას განცხადებით, პარტია “ქართული ოცნება – დემოკრატიული საქართველოს” თავმჯდომარის ბიძინა ივანიშვილის სურვილია, მოსამართლეებთან დაკავშირებული პროცესი მშვიდ ვითარებაში წარიმართოს.

“პარტიის თავმჯდომარეს აქვს მზაობა და დიდი სურვილი, რომ პროცესი წარიმართოს მშვიდად, ერთმანეთთან დებატების გარეშე, დაძაბულობის გარეშე. ძალიან ცდილობდა დღეს და მე მართლა მადლიერი ვარ ბიძინა ივანიშვილის, რომ მართლა არ იყო ადვილი ამ პროცესის მედიაცია, მაგრამ ძალიან კარგად უძღვებოდა დღეს ამ პროცესს, როგორც ლიდერი. მისი მზაობა და პოზიციაა, რომ მოვნახოთ კონსესუსი შიგნით”, – განაცხადა ბესელიამ.
Comments
Loading...