გარდაცვლილი მეშახტის ოჯახის წევრი: “ამ ყველაფერზე კომპანიამ პასუხი უნდა აგოს”

ტყიბულში, მინდელის სახელობის შახტაში უბედური შემთხვევის შედეგად დაღუპული, ლაშა ფორჩხიძის ბიძაშვილი აცხადებს, რომ შახტაში უსაფრთხოების ზომები დაცული არ აყო.

“დაახლოებით 6 წელი მუშაობდა შახტში, უსაფრთხოების ზომები, რომ დაცული ყოფილიყო  – ეს არ მოხდება.  კომპანიაა პასუხისმგებელი და ყველამ პასუხი უნდა აგოს. ამდენი სიცოცხლით სავსე ადამიანი რომ განოაკლდება ამ პატარა ქალაქს,  რაზე უნდა ვილაპარაკოთ?! შახტის დახურვა გამოსავალი არ არის, რადგან ეს ერთდერთი შემოსვალია ტყიბულისთვის.  რა გახდა ამ შახტის გაკონტროლება , ისე,  რომ შეძლონ ადამიანებმა მუშაობა და სიკვდილის არ ეშინოდეთ”, – განაცხადა მან.

შეგახსენებთ, მინდელის შახტის ერთ-ერთ გვირაბში  გუშინ, გამთენიისას, აფეთქება  მოხდა. შემთხვევის შედეგად   4 ადამიანი  გარდაიცვალა, ხოლო   6  დაშავდა.

 

Comments
Loading...