გიორგი გახარია: ბიუჯეტი გვაძლევს პენსიების გაზრდის საშუალებას

პრემიერ-მინისტრობის კანდიდატის, გიორგი გახარიას განცხადებით, რომ საპენსიო რეფორმის შედეგებამდე, რომელიც გრძელვადიანი რეფორმაა, მიმდინარე დროშიც შესაძლებელია პენსიების გაზრდა და საბიუჯეტო რესურსები ამის შესაძლებლობას იძლევა. “დღეს არსებობს კონკრეტული სოციალური ჯგუფი, პენსიონერები, რომლის წინაშეც სახელმწიფოს აქვს პირდაპირი ვალდებულება. ბიუჯეტი გვაძლევს იმის საშუალებას, რომ მათ განსაკუთრებით მივაქციოთ ყურადღება და გავზარდოთ პენსიები. თუმცა, კიდე უფრო მნიშვნელოვანი არის უფრო ფუნდამენტური სისტემური ცვლილება და მათი საპენსიო უზრუნველყოფის გარკვეული წესების შექმნა საკანონმდებლო დონეზე. ჩვენ ვეცდებით აქაც გარკვეული ცვლილებები შევიტანოთ, თუმცა გვაქვს საერთაშორისო ვალდებულებები და იმ შემთხვევაში, თუ შევძლებთ ჩვენი პოზიციის დაცვას სავალუტო ფონდთან მოლაპარაკებებში, ვეცდებით ინდექსაციის გარკვეული ფორმები შემოვიტანოთ, რომ საპენსიო უზრუნველყოფის ზრდა არ იყოს პოლიტიკური სპეკულირების თემა და პირდაპირ იყოს მიბმული ეკონომიკურ ზრდასთან. ეს არის საკმაოდ სერიოზული წინგადადგმული ნაბიჯი _ ეს იქნება პრინციპების დონეზე გარკვეული წესების დანერგვა სახელმწიფოს სოციალური პასუხისმგებლობის კონტექსტში პენსიონერების წინაშე და ვთვლი რომ ამ თემით ჩვენ პარლამენტს დავუბრუნდებით ბიუჯეტის დამტკიცების ფარგლებში”, _ განაცხადა გიორგი გახარიამ

www.gurianews.com

Comments
Loading...