„ერთი რამ ნიშანდობლივია ამ ვნებათაღელვის ფონზე” – საქართველოს პრეზიდენტი განცხადებას ავრცელებს

 საქართველოს პრეზიდენტი სალომე ზურაბიშვილი განცხადებას ავრცელებს ,რომელსაც უცვლელად გთავაზობთ:

ერთი რამ ნიშანდობლივია ამ ვნებათაღელვის ფონზე: ყველამ, პოზიციამ თუ ოპოზიციამ აიტაცა და აღიარა ეროვნული თანხმობის აუცილებლობა (რაზედაც ცოტა ხნის წინ ყველა მედავებოდა, ასეთი რამ შეუძლებელიაო), თუმცა გამოცხადებულ გეგმებს – კობახიძისეულს („თავისუფლად ანტიევროპულად მოსაუბრე“ ტრიუმვირატის შექმნისთანავე ევრო-რეკომენდაციების შესრულების ერთპარტიული გეგმა), თუ რადიკალური ოპოზიციის არახალი „გადადექი და მე გადმოვდგები“ გეგმა – არაფერი საერთო აქვთ არც ნამდვილ ეროვნულ თანხმობასთან და არც ევროპის კანდიდატურის მიღებისათვის აუცილებელ სამოქმედო გეგმასთან. ხალხის ევროპული სულისკვეთების გამოხატვა დიდი ძალაა და ჩვენი ქვეყნის ღირსებას იცავს. მას არ უნდა შეეცვალოს გეზი… ჩვენ ყველანი კი, ვისაც პასუხისმგებლობა აკისრია, ვალდებული ვართ, საზოგადოების მოლოდინს ვუპასუხოთ საქმით, სამოქმედო გეგმის ირგვლივ ჩამოყალიბებული რეალური და არა სიტყვიერი ეროვნული თანხმობით და გამოჩნდება, ვის რა უნდა: ევროპა, თუ ძალაუფლება!“, – წერს სალომე ზურაბიშვილი.

 

Comments
Loading...