“ვბრძანებ, ბიძინა ივანიშვილი დაჯილდოვდეს საქართველოს ანტიკორუფციული პალატის თავმჯდომარის ბრწყინვალების მედლით”

“ვბრძანებ, ბიძინა ივანიშვილი დაჯილდოვდეს საქართველოს ანტიკორუფციული პალატის თავმჯდომარის ბრწყინვალების მედლით”,-ამის შესახებ საქართველოს ანტიკორუფციული პალატის თავმჯდომარე, გენერალური ანტიკორუფციონერი, სამართლის დოქტორი, პროფესორი პაატა შაავაძე  სოციალურ ქსელში წერს.

“ბიძინა ივანიშვილის საქართველოს ანტიკორუფციული პალატის თავმჯდომარის უმაღლესი ჯილდოთი-ბრწყინვალების მედლით დაჯილდოების შესახებ.

ვბრძანებ:

დამოუკიდებელი ქართული სახელმწიფოს აღორძინების საქმეში შეტანილი განსაკუთრებით თვალსაჩინო პიროვნული წვლილისათვის, საჯარო სამსახურებისა და სახელმწიფო ინსტიტუტების განვითარებაში გამოჩენილი განსაკუთრებული დამსახურებისათვის, სამების ტაძრის და უამრავი ეკლესია -მონასტრის მშენებელი თუ რეკონსტრუქტორი, ქართული კულტურის, თეატრების და მუზეუმების გადამრჩენი , აღმდგენი, თუ
შემნარჩუნებელი , ათასობით თანამოქალაქის სიცოცხლის და ჯანმრთელობის დამცველი, წართმეული ღირსების გრძნობის დამბრუნებელი, საქართველოს ანტიკორუფციული პალატისა და ანტიკორუფციული მოძრაობის დიდი ქომაგი, საქართველოს ყოფილი პრემიერ-მინისტრი, ბიზნესმენი, უდიდესი მეცენატი და ქველმოქმედი:

ბიძინა ივანიშვილი დაჯილდოვდეს საქართველოს ანტიკორუფციული პალატა-ის თავმჯდომარის ბრწყინვალების მედლით.

ბიძინა ივანიშვილს ბრწყინვალების მედალი გადასცეს საქართველოს ანტიკორუფციული პალატის თავმჯდომარემ.

პაატა შავაძე-საქართველოს ანტიკორუფციული პალატის თავმჯდომარე, გენერალური ანტიკორუფციონერი, სამართლის დოქტორი, პროფესორი.

ბათუმი, 04/01/2023 წ. ბრძანება # 14/09”,-ნათქვამია ბრძანებაში.

Comments
Loading...