კალიფორნიაში ტყის ხანძრის გამო მოსახლეობის ევაკუაცია მიმდინარეობს

კალიფორნიის ხელისუფლებამ საკრამენტოს ჩრდილოეთით, ცენტრალურ ხეობაში გაჩენილი ტყის ხანძრის გამო 50 ათასი ადამიანის ევაკუაცია გამოაცხადა,  იუწყება გამოცემა Paradise Post-ი მხარის შერიფ, კორი ჰონიზე დაყრდნობით.

მან ასევე განაცხადა, რომ ხანძრის შედეგად რამდენიმე ადამიანი დაიღუპა, თუმცა მათი ზუსტი რაოდენობა უცნობია. შერიფის განმარტებით, დაღუპულთა შორისაა რამდენიმე ადგილობრივი მცხოვრები და ორი მეხანძრე.

სახანძრო-სამაშველო სამსახურის ხელმძღვანელმა დარენ რიდმა განაცხადა, რომ ამჟამად არსებული მონაცემებით, ხანძარმა დაახლოებით 1000 საცხოვრებელი სახლი გაანადგურა.

როგორც გამოცემა იუწყება,  ხანძარი 8 ოქტომბერს დილით დაიწყო. ამჟამად ცეცხლი 7 ჰექტარზე მეტ ფართობზეა გავრცელებული. ხელისუფლებამ მიმდებარე დასახლებებიდან სრული ევაკუაციის შესახებ განაცხადა.

Comments
Loading...