პარლამენტის კომიტეტში დღეს ეროვნული ბანკის საბჭოს წევრის თანამდებობაზე ასარჩევად წარდგენილ ნათია თურნავას მოუსმენენ

დღეს, პარლამენტის საფინანსო საბიუჯეტო კომიტეტის სხდომაზე ეროვნული ბანკის საბჭოს წევრის თანამდებობაზე ასარჩევად წარდგენილ ნათია თურნავას მოუსმენენ. თურნავას კანდიდატურა პრეზიდენტის წარდგინებით პარლამენტში მაისის ბოლოს შევიდა და საკითხი განსახილველად დარგობრივი ეკონომიკისა და საფინანსო-საბიუჯეტო კომიტეტებს გადაეცა.

ეროვნული ბანკის საბჭოს წევრებს პრეზიდენტის წარდგინებით პარლამენტი 7 წლის ვადით ირჩევს. დღესვე, პარლამენტს, ეროვნული ბანკის მიერ წარმოდგენილ 2021 წლის წლიურ ანგარიშს კობა გვენეტაძე წარადგენს, ასევე საკანონმდებლო ორგანო კონკურენციის ეროვნული სააგენტოს თავმჯდომარეს, ირაკლი ლექვინაძეს, დარგობრივი ეკონომიკისა და ეკონომიკური პოლიტიკის კომიტეტის სხდომაზე წლიური ანგარიშის წარდგენისას მოუსმენს.

Comments
Loading...