“როდესაც მეხანძრეები ცეცხლს ებრძოდნენ, ბორჯომის ტყეში ხეების ჭრა არ შეჩერებულა

თიბისი ბანკის სამეთვალყურეო საბჭოს თავმჯდომარე, მამუკა ხაზარაძე თავის სოციალურ ქსელში აცხადებს, რომ სასწრაფდ და რადიკალური ზომებია მოსაღები ტყის ჭრის შესაჩერებლად, წინააღმდეგ შემთხვევაში, მხოლოდ ბორჯომის კურორტს კი არა, მინერალურ წაყლასაც დავკარგავთ.

“გუშინ ბორჯომის კომპანიის თანამშრომლებთან ერთად ბორჯომის პლატოზე 2500 ძირი ხის ნერგი დავრგეთ. იმავე დროს ბაკურიანის გზაზე, ტყიდან ხის ახლად მოჭრილი მორებით დატვირთული მანქანა გამოვიდა. ჩემს კითხვაზე, ადგილობრივი სატყეოს მუშაკებმა მიპასუხეს, რომ ეს სოციალური საჭიროებისთვის ხდებაო,

ვიღაცამ თქვა, სანიტარული ხის ჭრააო…

ეს ხდება იქ, სადაც სულ რაღაც ორი თვის წინ ხანძრის გამო ასეულობით ჰექტარი ტყე განადგურდა. ისიც უნდა ითქვას, რომ იმ დროსაც კი, როდესაც მეხანძრეები ცეცხლს ებრძოდნენ, ბორჯომის ხეობაში ხის ჭრა არ გაჩერებულა!!!
პირდაპირ მინდა განვაცხადო:

თუ ასე გაგრძელდა და თუ ამის აღსაკვეთად სასწრაფოდ რადიკალური ზომები არ იქნა მიღებული, არა მარტო ტყეს, არამედ ბორჯომის კურორტს და მინერალურ წყალსაც დავკარგავთ, რამეთუ სწორედ ბორჯომის ტყეა ის ძირითადი რესურსი და სიმდიდრე, რომელიც ბორჯომის უნიკალურ მინერალურ წყალს ქმნის!” – წერს მამუკა ხაზარაძე.

Comments
Loading...