სალომე ზურაბიშვილი: “ჩემსა და ჩემ შვილებზე მუქარას ყოფილი სამხედროები ახორციელებენ”

“მუქარა რეალურია რამეთუ ავტორები იდენტიფიცირებული პირები არიან, ყოფილი სამხედროები, ისინი დაკავშირებულები არიან თავისივე სტატუდებიდან გამომდინარე “ნაციონალურ მოძრაობასთან” და მის მეთაურებთან. ძალიან შეურაცხმყოფელია ქვეყნისთვის, რომ ასეთი ადამიანები, ვინც ემუქრებიან ქალს და მის შვილებს, მანიპულირებენ სამხედრო ძალის სახელით, იმ ძალის, რომელიც ჩვენს ქვეყანაში, ჩემთვის პირადად, ქართული ვაჟკაცობის, ღირსებისა და თავდადების სიმბოლოა.

სოციალურ ქსელებში თანხვედრილი იდენტური ტექსტები მიუთითებენ, იმასაც რომ სხვადასხვა პირებისგან წარმოთქმული მუქარები რეალურად ერთ კოლექტიურ გეგმაში იწერება.

ამ ქმედებებით კიდევ ერთი ნაბიჯი გადაიდგა ქვეყანაში დაძაბულობის, შუღლის, სიძულვილის გარემოს დაფუძნებისათვის.

რაშიც მონაწილეობდნენ და მონაწილეობენ ყოველდღიურად ერთპოლიტიკური მოძრაობის შიდა თუ გარე ლიდერები, ტელეწამყვანები და ზოგი მათი მხარდამჭერი.”, – განაცხადა სალომე ზურაბიშვილმა.