ტოვებს თუ არა თენგიზ ცერვცაძე პოსტს – ინფექციური საავადმყოფოს დირექტორი პირველ კომენტარს აკეთებს

თბილისის ინფექციური საავადმყოფოს დირექტორის, თენგიზ ცერცვაძის განცხადებით, ის თანამდებობაზე რჩება. ამის შესახებ თენგიზ ცერცვაძემ „მოამბეში“ განაცხადა.

კითხვაზე, რჩება თუ არა თბილისის ინფექციური საავადმყოფოს დირექტორის თანამდებობაზე, თენგიზ ცერცვაძემ განაცხადა, რომ რჩება.

მისივე განცხადებით, მან საზოგადოებისგან უპირობო მხარდაჭერა იგრძნო.

„დიახ, ვრჩები. ერთი, რამაც მაფიქრებინა, რომ ის განცხადება ემოციური იყო და შეიძლება, საქმისთვის და ქვეყნისთვის სჯობს, დავრჩე არის ის, რომ ძალიან საინტერესო იყო რეაქცია. მე რომ მეგონა თავიდან, მთელი ქვეყანა დაინგრა და ჩემს წინააღმდეგ არის, აღმოჩნდა, რომ ეს არის საზოგადოების ძალიან მცირე ნაწილი, იმდენად მცირე, რომ მე ეს განწყობები და მსგავსი შეფასებები ვერსად ვიგრძენი, ვერც სამსახურში, ვერც ყოფით პირობებში. საზოგადოებისგან ვიგრძენი ცალსახა და უპირობო მხარდაჭერა, ამან მაფიქრებინა, რომ მე კი არ უნდა ვტოვებდე სამსახურს, ეს ხალხი უნდა ტოვებდეს“, – განაცხადა თენგიზ ცერცვაძემ.

Comments
Loading...