ქართველმა მოფარიკავეებმა მსოფლიო თასზე გუნდური შეჯიბრება მეათე ადგილზე დაასრულეს

პოლონეთში, ვარშავაში, ხმლით მოფარიკავეთა მსოფლიო თასის გათამაშების “SABRE DE WOLODYJOWSKI”-ის ეტაპზე გუნდური შეჯიბრება დასრულდა

საქართველოს ხმლით მოფარიკავეთა ნაკრები გუნდმა, რომელიც ტოკიოს ოლიმპიური თამაშების ლიცენზიის მოსაპოვებლად იბრძვის, მეთექვსმეტედფინალში ეპანელებთან 45:28-ით გამარჯვების შემდეგ უაღრესად დასანანი მარცხი, ანგარიშით 44:45, განიცადა გერმანიასთან დამეცხრე-მეთექსმეტე ადგილებისთვის მებრძოლთა რიგებში აღმოჩნდა

პირველ მეტოქედ საქართველოს ნაკრებს იაპონის ჰყავდა. გადამწყვეტი მეცხრე შეხვედრის წინ იაპონია 40:33-ს იგებდა, მაგრამ იაპონელი კენტა ტოკუნანის მიერ გამარჯვების მოსაპოვებლად აუცილებელი 5 ჩხვლეტის მიყენებამდე სანდრო ბაზაძემ თავად მას მიაყენა 12 ჩხვლეტა და საქართველოს ნაკრებმა 45:44 გაიმარჯვა.

საქართველოს ნაკრების მეორე მეტოქე აშშ-ის გუნდი იყო. გადამწყვეტი, მეცხრე შეხვედრის წინ აშშ 40:35 იგებდა, თუმცა ამ შემთხვევაშიც სანდრო ბაზაძემ იმარჯვა, 10:4 დაამარცხა დარილ ჰომერი და საქართველოს ნაკრებს გამარჯვება მოუტანა – 45:44

მეცხრე ადგილისთვის რუმინელებთან მატჩის შვიდი შეხვედრის შემდეგ საქართველო დაწინაურდა 35:29, მაგრამ მერვე შეხვედრაში ბექა ბაზაძემ იულიან ტეოდოსიუსთან მოულოდნელი ანგარიშით იწვნია მარცხი (1:11) და გადამწყვეტ შეხვედრაში წინა სამი შეხვედრის ანალოგიური სიტუაცია განმეორდა – საქართველო 36:40-ს აგებდა. სანდრო ბაზაძემ ამჯერად ვეღარ შეძლო ჩამორჩენის აღმოფხვრა, მეტოქისთვის 5 ჩხვლეტის მიყენების შემდეგ თავადაც მიიღო მისგან მე-5 ჩხველეტა და საქართველო დამარცხდა – 41:45.

ამრიგად, მსოფლიო თასის გათამაშების “SABRE DE WOLODYJOWSKI”-ის ეტაპზე მე-13 ნომრად განთესილმა საქართველოს ნაკრებმა (სანდრო ბაზაძე, ბექა ბაზაძე, მიხეილ მარდალეიშვილი, საბა სულამანიძე) ასპარეზობა მე-10 ადგილზე დაასრულა.

მოამზადა რაულ კაპანაძემ

Comments
Loading...