13 ივნისს დაზარალებულებისთვის განკუთვნილი ჰუმანიტარული დახმარება საწყობებში ფუჭდება

13 ივნისს დაზარალებულებისთვის განკუთვნილი ჰუმანიტარული დახმარება, რომელიც საწყობებში ფუჭდება-ერთ–ერთი ასეთი საწყობი დიღომში მდებარეობს, სადაც დღეს პროდუქტს ახარისხებდნენ, თუმცა ამ დრომდე გაუგებარი დარჩა საიდან მიიღო მერიამ ეს დახმარება და როდის გადანაწილდება ის ადრესატებზე.

თბილისის მთავრობაში აცხადებენ, რომ წითელ ჯვართან ერთად დახმარება დაზარალებულებს ურიგდებათ. მერიის მიერ გაკეთებულ განცხადებას არ ადასატურებენ წითელ ჯვარში. ორგანიზაციაში აცხადებენ, რომ დაზარალებულებისთვის დახმარება ჯერ არ მიუტანიათ.

თავად დაზარალებულები კი სრულიად საპრისპიროს აცხადებენ. ბოლოს პროდუქტი მათ მერიიდან სექტემბერში მიაწოდეს.

კიდევ ერთი გაუგებრობა თავად საწყობს უკავშირდება, რომელსაც თბილისის მერიის დაცვა იცავს და მუნიციპალიტეტში აცხადებენ, რომ ეს ფართი მათ კომპანია ბელუქსმა დაუთმო, თუმცა ბელუქსი ამ საწყობთან რაიმე კავშირს უარყოფს.

Comments
Loading...