„არ ვიცი ცალკეული საჯარო მოხელე რა განცხადებას აკეთებს“, – ეკა ბესელია

ამერიკის დაზვერვის სამსახურის ხელმძღვანელის მიერ საქართველოს შესახებ სენატში საუბრის თემას ეხმაურებიან თბილისში. ანგარიში საფრთხეების შეფასებას დაეთმო და ერთ-ერთ საკითხად ოფიციალური თბილისის პოლიტიკური ორიენტაციის ცვლილება დასახელდა. უმრავლესობის წევრთა ნაწილი ამ შეფასებას არ იცნობს.

“მე არ ვიცი ცალკეული, კონკრეტული საჯარო მოხელე და პირი რა განცხადებას აკეთებს, მაგრამ არასდროს სახელმწიფო დეპარტამენტს, როგორც ჩვენს სტრატეგიულ პარტნიორ ქვეყანას, არცერთ ევროპულ სტრუქტურას და მეგობარ-პარტნიორ ქვეყანას არ უთქვამს, რომ საქართველომ გადაუხვია გზას,“ – აცხადებს ადამიანის უფლებათა დაცვის კომიტეტის თავმჯდომარე ეკა ბესელია.

შს მინისტრის მოადგილის, არჩილ თალაკვაძის განმარტებით, ყველასთვის ნათელია, რომ ხელისუფლებისთვის ევროატლანტიკური მისწრაფება პრიორიტეტია.

Comments
Loading...