ასწლოვანი ტიტასა და ევკალიპტის შემდეგ, აჭარიდან შეკვეთილში მაგნოლია გადააქვთ
ასწლოვანი ტიტისა და ევკალიპტის ხის შემდეგ, აჭარიდან შეკვეთილში მაგნოლიის ხე „მიემგზავრება“. მაგნოლიის ხე გურიის დენდროლოგიურ პარკში დაირგვება.
მცენარის ტრანსპორტირება საავტომობილო გზით გუშინ დაიწყეს და ამ დროისთვის მაგნოლიის ხე ბობოყვათის რკინიგზასთან არის გაჩერებული. სამუშაოებს კომპანია „ზიმო“ ახორციელებს.
კომპანიის წარმომადგენლების ინფორმაციით, „საქართველოს რკინიგზასთან“ შეთანხმებას უკვე მიაღწიეს და რამდენიმე საათით სარკინიგზო მაგისტრალის ელექტროგადამცემი ხაზები ჩაიხსნება, რათა მაგნოლიის ხე ზღვამდე მიიტანონ.
მათივე თქმით, აღნიშნულ პროცედურას დაახლოებით, ორი საათი სჭირდება და ამით რკინიგზას პრობლემას არ შეუქმნიან.
არსებული ინფორმაციით, უახლოეს დღეებში აჭარიდან შეკვეთილში კიდევ სამი ხის გადატანა იგეგმება.