დემურ სტურუას ოჯახის წევრები ბრალდებული პოლიციელის სახლთან აქციების გამართვას გეგმავენ

დემურ სტურუას ოჯახის წევრები, ბრალდებული პოლიციელის სახლთან აქციების გამართვას გეგმავენ. როგორც გარდაცვლილ დემურ სტურუას დედა ნონა ჯოჯუა ჟუტნალისტებთან საუბრისას აცხადებს, 2 დღეში დემურ სტრუას გარდაცვალებიდან 40 დღე გადის. თუ ბრალდებული გოდერძი თევზაძე 2 დღეში დაკავებული არ იქნება, ოჯახის წევრები აქციებს თევზაძის სახლის წინ გამართავენ.
,,2 დღეში ჩემი დემურის გარდაცვალებიდან 40 დღე გავა. არ ვიცი რა მიზეზით, მაგრამ თევზაძე ისევ თავისუფალია. თუკი ორ დღეში, მისი დაკავება არ მოხდება, ორმოცზე ვინც მოვა, აქციაზე მივიყვანთ, პოლიციელის სახლის წინ და ამას სისტემატურ სახეს მივცემთ“,-განაცხადა დემურ სტურუას დედამ, ნონა ჯოჯუამ.
მიმდინარე წლის 7 აგვისტოს, სოფელ დაფნარში 22 წლის დემურ სტურუამ სიცოცხლე თვითმკვლელობით დაასრულა. სიკვდილამდე მან წერილი დატოვა, სადაც გადაწყვეტილების მიზეზად, ადგილობრივი რაიონული პოლიციის თანამშრომლის, გოდერძი თევზაძის მხრიდან ზეწოლას ასახელებდა.

Comments
Loading...