დღეს ათათურქის აეროპორტიდან ბათუმის მიმართულებით ავიარეისები გაუქმდა

სტამბოლში ქარბუქის გამო დღეს, ათათურქის აეროპორტიდან ბათუმის მიმართულებით ავიარეისები ვერ შესრულდება.

როგორც „ინტერპრესნიუსს“ ბათუმის საერთაშორისო აეროპორტში განუცხადეს, ათათურქის აეროპორტიდან ბათუმის მიმართულებით რეისი 16.45 საათზე უნდა შესრულებულიყო, ხოლო ბათუმის აეროპორტიდან სტამბოლის მიმართულებით – 17.55 საათზე, თუმცა უამინდობის გამო ორივე ავიარეისი გაუქმდა.

როგორც ბათუმის საერთაშორისო აეროპორტში აცხადებენ, ხვალ იგივე საათებში დაგეგმილი ავიარეისების გაუქმების ბრძანება ჯერ არ გაცემულა და სავარაუდოდ, შესრულდება.

თურქული გამოცემა Daily Sabah-ის ინფორმაციით, ქარბუქის გამო სტამბოლის ათათურქისა და საბიჰა გიოქჩენის აეროპორტებში 395 რეისი გაუქმდა.

Leave A Reply

Your email address will not be published.