დიმიტრი ქუმსიშვილი ჩინეთის სახალხო რესპუბლიკას ეწვია

საქართველოს ეკონომიკისა და მდგრადი განვითარების მინისტრი, დიმიტრი ქუმსიშვილი სამუშაო ვიზიტით დღეს ჩინეთის სახალხო რესპუბლიკას ეწვია.

ეკონომიკის სამინისტროს ცნობით, ვიზიტის ფარგლებში, ქუმსიშვილი მონაწილეობას მიიღებს საქართველო-ჩინეთის მთავრობათაშორისი კომისიის სხდომაში და ხელს მოაწერს მემორანდუმს ჩინეთთან თავისუფალი ვაჭრობის შეთანხმების საკითხზე მოლაპარაკების დაწყების შესახებ.

“ასევე დაგეგმილია შეხვედრები ჩინეთის ტურიზმის ეროვნულ ადმინისტრაციასა და აბრეშუმის გზის ფონდში. გარდა ამისა, საქართველოს ეკონომიკისა და მდგრადი განვითარების მინისტრი შეხვედრებს გამართავს ჩინეთის ბიზნეს-წრეების წარმომადგენლებთან”, – აცხადებენ უწყებაში.

Leave A Reply

Your email address will not be published.