გვარამია იმკის იმას, რაც დათესა 10 წლის წინ. კეთილი ინებოს და მიირთვას ნაყოფი

უფლებადამცველი და ადვოკატი ლია მუხაშავრია ნიკა გვარამიას მიმართავს და ამბობს, რომ გვარამია იმკის იმას, რაც დათესა.
„მე, როგორც უფლებადამცველს და ადვოკატს ძალიან კარგად მახსოვს ნიკა გვარამია, როგორც ბრალმდებელი, როდესაც „ასამართლებდნენ“ უზენაესი სასამართლოს მოსამართლეებს. მე ამ მოსამართლეებს ვიცავდი, გვარამია კი იყო ბრალმდებელი. ახლა რომ გაახსენდა, სამართლიანი სასამართლოს გარანტიების არსებობა და მის დაცულობას მოითხოვს, მაშინ სწორედ ეს პრინციპები არ იყო მისთვის მისაღები. მაშინ გვარამია იყო მარტო, ჩვენ ვიყავით გუნდი და თან ვიყავით იმ ადამიანების წარმომადგენლები, რომლებიც თავად ძალიან კარგი იურისტები არიან, ეს მოსამართლეები შეიარაღებულნი იყვნენ პრაქტიკით, მაღალი ინტელექტით, აზროვნებით და პროფესიონალიზმით, გვარამია კი-მხოლოდ ძალაუფლებით, რაც დღეს აღარ აქვს. ზუსტად 10 წლის წინ ხდებოდა ეს ყველაფერი და ჩვენ მას ვეუბნებოდით-არ შეიძლება ასე მოექცეთ მოსამართლეებს, განსაკუთრებით საუკეთესო მოსამართლეებს, ვინც ამ სისტემას ჰყავს, იმიტომ, რომ თქვენ რომ დაგჭირდებათ სასამართლო და წახვალთ სასამართლოში, იქ დაგხვდებათ უმსგავსი მოსამართლეები და თქვენ ინანებთ ამ საქციელს. მე ძალიან მომწონს ის, რომ დღეს სანანებელი აქვს ნიკა გვარამიას, მაგრამ ის იმკის იმას, რაც დათესა 10 წლის წინ და კეთილი ინებოს და მიირთვას ის ნაყოფი, რაც დათესა და ნუ იქნება ასეთი აღშფოთებული“.

Comments
Loading...