“ირინა ენუქიძე უნდა გვახსოვდეს მუდამ, როცა მსგავსი ტიპის გადაწყვეტილებებს მივიღებთ”

თავდაცვის მინისტრ თინა ხიდაშელის განცხადებით, სააპელაციო სასამართლოში მოსამართლედ ლევან მურუსიძის დანიშვნა-არდანიშვნასთან დაკავშირებით, პოზიციის გამოხატვის უფლება არ აქვს.

როგორც ხიდაშელმა ჟურნალისტებთან საუბარში აღნიშნა, შესაძლოა, მისი სიტყვები ბევრმა სპეკულაციის საგნად აქციოს.

„მე ვარ დღეს აღმასრულებელი ხელისუფლების წარმომადგენელი და როგორი გულითაც არ უნდა მინდოდეს ამ თემაზე კომენტარის გაკეთება, ვერ გავაკეთებ. ნებისმიერი სიტყვა, რომელსაც ვიტყვი, შესაძლოა შემდეგ ბევრი სპეკულაციის საგანი გახდეს, რომ სასამართლო ხელისუფლების საქმიანობაში ვერევი. ერთადერთ რამეს ვიტყვი მხოლოდ – დღევანდელი დღე და ირინა ენუქიძე უნდა გვახსოვდეს მუდამ, როცა მსგავსი ტიპის გადაწყვეტილებებს მივიღებთ“, – განაცხადა ხიდაშელმა.

Leave A Reply

Your email address will not be published.