კახა კალაძე: არც ერთ „ქინძს“, „ქინძების“ პარტიას არ ექნება საშუალება, სახელმწიფოში გადატრიალებები მოაწყოსას არ ექნება საშუალება, სახელმწიფოში გადატრიალებები მოაწყოს

ენერგეტიკის მინისტრი კახა კალაძე ამერიკის სახელმწიფო დეპარტამენტის ოფიციალური წარმომადგენლის ჯონ კირბის „რუსთავი 2″-თან დაკავშირებით გაკეთებულ განცხადებას გამოეხმაურა. კალაძის თქმით, ხელისუფლება მიესალმება იმ განცხადებებს, რომლებიც უცხოელი პარტნიორის მხრიდან კეთდება.

„აბსოლუტურად ვეთანხმებით ყველა იმ განცხადებას, არავის არ აქვს უფლება, ჩაერიოს მიმდინარე სასამართლო პროცესებში, არც „ნაციონალურ მოძრაობას”, არც გარკვეულ დაჯგუფებებს. ჩვენ მაქსიმალურად უნდა გავმიჯნოთ პოლიტიკა და სასამართლო პროცესები, ეს არის ორ სუბიექტს შორის დავა, რომელიც ჯერ კიდევ გრძელდება”, – განაცხადა კალაძემ.

მისი თქმით, სასამართლო უნდა იყოს დამოუკიდებელი და ხელისუფლება ზუსტად ასეთ სახელმწიფოს აშენებს, სადაც დემოკრატიული ინსტიტუტების გაძლიერება, სასამართლოს დამოუკიდებლობა არის პრინციპულად მნიშვნელოვანი.

„ძალიან მნიშვნელოვანია სიტყვის თავისუფლება, თქვენ რომ შეგეძლოთ თავისუფლად მუშაობა ყოველგვარი ზეწოლის გარეშე. ზუსტად ეს არის ის მიმართულებები, რასაც ჩვენ ვისმენთ ჩვენი მეგობარი ქვეყნებიდან და რასაც აბსოლუტურად ვეთანხმებით. საქართველო მათი სტრატეგიული პარტნიორი, მეგობარი ქვეყანაა და ეს პროცესები რაც მიდის, თუნდაც „რუსთავი 2″-თან მიმართებაში, თქვენ იცით, რომ დიდი ინტერესია ამ სასამართლო პროცესებთან დაკავშირებით. გარკვეულ დაჯგუფებებს და პირდაპირ შეიძლება ითქვას, „ნაციონალურ მოძრაობას” აქვს სურვილი, ეს პროცესი სათავისოდ გამოიყენოს, სათავისოდ გამოიყენოს „რუსთავი 2″-ის ჟურნალისტები. ეს მათ ნამდვილად არ გამოუვათ. ჩვენ მოვისმინეთ ის ფარული ჩანაწერები, რომლებიც უკრაინაში იქნა გავრცელებული და არც ერთ „ქინძს”, „ქინძების” პარტიას არ ექება იმის საშუალება, რომ სახელმწიფოში გადატრიალებები მოაწყოს. არ მივცემთ იმის საშუალებას, რომ თქვენ, ჟურნალისტები ბრმა იარაღად იყოთ გამოყენებული”, – განაცხადა კახა კალაძემ.

Comments
Loading...