ხანძარი თბილისის ძველ უბანში

თბილისის ძველ უბანში გუშინ, გვიან ღამით ხანძარი გაჩნდა. ასკანის ქუჩაზე ცეცხლი, სავარაუდოდ, ელექტროენერგიის გაყვანილობას გაუჩნდა. ცეცხლი ძველი ტიპის სამსართულიან სახლს ეკიდა.

ხანძრის შედეგად მსუბუქი დაზიანება ერთ-ერთმა ადგილობრივმა და მეხანძრემ მიიღეს.

ადგილზე 5 სამაშველო მანქანა მუშაობდა. ხანძრის შედეგად 120 კვადრატულ მეტრამდე ფართობი დაიწვა.

კრწანისის გამგებლის, გიორგი კოპალეიშვილის, თქმით, დაზარალებულები სასტუმროში გადაიყვანეს. ზარალის დათვლის შემდეგ კი მათ გამგეობა დაეხმარება.

Comments
Loading...