ოთხი ახალგაზრდა დაიღუპა და ერთი დაშავდა ურეკი-ბათუმის გზაზე მომხდარ ავტოავარიაში

მსუბუქი ავტომანქანის ოთხი ახალგაზრდა მგზავრი დაიღუპა და ერთი მძიმედ დაშავდა ურეკი-ბათუმის გზაზე მომხდარ ავტოავარიაში.

„პირველის“ კორესპონდენტის ცნობით, მსუბუქი ავტომანქანა ჯერ სატვირთო მანქანას შეეჯახა, შემდეგ ამოტრიალდა.

შემთხვევის ადგილზე პოლიცია და სასწრაფო დახმარების ბრიგადებია მობილიზებული.
დაშავებული საავადმყოფოში გადაიყვანეს. მისი მდგომარეობა მძიმეა.

შსს-ში პირველს განუცხადეს, რომ გამოძიება 276 მუხლის მეშვიდე ნაწილით მიმდინარეობს, რაც ისჯება თავისუფლების აღკვეთით ვადით რვიდან 12 წლამდე.

Leave A Reply

Your email address will not be published.