პაატა ბურჭულაძე შსს-ში დაკითხვაზე იმყოფება

მოძრაობა ”სახელმწიფო ხალხისთვის” ლიდერი პაატა ბურჭულაძე უკვე შსს-ში იმყოფება. მისი დაკითხვა ბოლო დროს გავრცელებულ სატელეფონო საუბრებთან დაკავშირებით მოხდება, რომელიც მასსა და სამაუწყებლო კომპნაია „რუსთავი2“-ის გენერალურ დირექტორ ნიკა გვარამიას შორის შედგა.

პაატა ბურჭულაძის განცხადებით, ეს არის ზღვარი, რომელიც ხელისუფლებამ გადაკვეთა. მისი თქმით, ეს ყველაფერი დროულად უნდა შეიცვალოს.

”ეს ყველაფერი, რაც ჩვენი პარტიის ირგვლივ ხდება, ყველა ზღვარს გასცდა. მე ვეთანხმები „ქართულ ოცნებას“, ეს არ არის სუს-ის ამბავი, ეს არის КГБ-ს ქმედება, რომელიც შემოდის ჩვენს ქვეყანაში და უკვე მალე დაწესდება ოფიციალურად. ეს არის ზღვარი, რომელიც გადაკვეთა ჩვენმა ხელისუფლებამ და რომლის გაგრძელებაც აღარ შეიძლება”, – განაცხადა პაატა ბურჭულაძემ.
შსს-სთან ამ დროისთვის იმყოფებიან მოძრაობის ლიდერები და მათი მხარდამჭერები. 18:00 საათზე კი შსს-ში „რუსთვი2“-ის გენერალურ დირექტორ ნიკა გვარამიას ელოდებიან.

Comments
Loading...