საპარლამენტო ფრაქ ცია ”ნაციონალურ მოძრაობას” სახელწოდება ეცვლება და მას სავარაუდოდ ”ევროპული საქართველო” დაერქმევა.
როგორც „ინტერპრესნიუსს“ დეპუტატმა სერგი კაპანაძემ განუცხადა, ფრაქციის ახალ სახელწოდებასთან დაკავშირებით რამდენიმე ვარიანტი განიხილება, თუმცა ერთ-ერთი ყველაზე რეალური ვერსია არის ”ევროპული საქართველო”.
პარტია ”ნაციონალური მოძრაობის” შემდგენლობიდან გასული წევრები ფრაქციისთვის სახელწოდების შეცვლისა და ფრაქციის ახალი თავმჯდომარის არჩევის საკითხზე დღეს დანიშნულ ფრაქციის სხდომაზე იმსჯელებენ.
ამასთან, როგორც კაპანაძემ ”ინტერპრესნიუსთან” საუბრისას აღნიშნა, დღევანდელ შეხვედრაზე გადაწყდება პირადად ის, ელენე ხოშტარია, ოთარ კახიძე და გიორგი ტუღუში შეინარჩუნებენ თუ არა ფრაქციას, რომელშიც ისინი არიან გაერთიანებული.
ცნობისთვის, აღნიშნული პირები ფრაქცია ”ნაციონალური მოძრაობა – საქართველოს წინსვლისთვის” წევრები არიან. აღნიშნული ფრაქცია 6 წევრისგან შედგება, რომელთაგან ორი: სალომე სამადაშვილი და რომან გოცირიძე პარტია ”ნაციონალური მოძრაობის” შემდგენლობაში დარჩა. შესაბამისად, აღნიშნული ფრაქცია შესაძლოა დაიშალოს.