ყველა მინისტრს უფლებამოსილება შეუწყდება

იმ შემთხვევაში, თუ საქართველოს პრემიერ-მინისტრი თანამდებობას დატოვებს, ავტომატურად უფლებამოსილება ყველა მინისტრს შეუწყდება.

აღნიშნულს საქართველოს კონსტიტუცია ითვალისწინებს. პრემიერის მიერ თანამდებობის დატოვების შემთხვევაში, მინისტრთა კაბინეტის წევრები მინისტრის მოვალეობის შემსრულებლები გახდებიან, _ კონსტიტუციონალისტი დავით ზედელაშვილი.

მისივე თქმით, კონსტიტუციის თანახმად, პრემიერის გადადგომის შემდეგ, უკვე საქართველოს პრეზიდენტმა საპარლამენტო უმრავლესობასთან ერთად უნდა იმსჯელოს ახალი პრემიერ-მინისტრის კანდიდატურის შესახებ და არაუგვიანეს 7 დღის ვადისა, უნდა დაასახელოს კანდიდატი.

თავის მხრივ, პრემიერ-მინისტრობის კანდიდატი შვიდი დღის ვადაში მინისტრთა კანდიდატურებს შეარჩევს და ნდობის მისაღებად პარლამენტს წარუდგენს სამთავრობო პროგრამასთან ერთად.