რატომ გაძვირდა სიგარეტი

ზოგიერთი სიგარეტის ფასის მატებასთან დაკავშირებით, ფინანსთა სამინისტროში განმარტავენ, რომ ეს ფაქტი ამ დასახელების სიგარეტის მიწოდება-მოთხოვნის მოცულობის დისბალანსის გამო ხდება და თამბაქოს ნაწარმზე აქციზის ზრდასთან კავშირი არ აქვს.

“ზოგიერთი დასახელების სიგარეტის მნიშვნელოვან გაძვირებასთან არანაირი პირდაპირი კავშირი არ აქვს თამბაქოს ნაწარმზე აქციზის გადასახადის განაკვეთის ზრდას. ის ცალსახად უკავშირდება ბაზარზე ამ დასახელების სიგარეტის მიწოდება-მოთხოვნის მოცულობის დისბალანსს“, – აცხადებენ ფინანსთა სამინისტროში.

ახალი წლიდან, საქართველოში თამბაქოს ნაწარმი საგრძნობლად გაძვირდა. ფასმა ძირითადად კომპანია „ომეგას“ მიერ შემოტანილ სიგარეტებზე მოიმატა.

პირველი იანვრიდან აქციზის ფიქსირებული განაკვეთი გაიზარდა. პარლამენტის გადაწყვეტილებით, ფილტრიან სიგარეტზე აქციზი – 0,2 ლარის ოდენობით გაიზარდა, უფილტრო სიგარეტზე – 0,05 ლარით, ერთ ღერ სიგარაზე – 0,4 ლარით, 20 ღერ სიგარაზე – 0,5 ლარით, ყალიონით მოსაწევ და ერთ კგ საღეჭ, ან საყნოს თამბაქოზე – 5 ლარით.

Comments
Loading...