ფრაქცია „საქართველოს პატრიოტების“ წევრების ვენეციის კომისიის პრეზიდენტ ჯანი ბუკიკიოს შეხვედრისას ძირითადი ყურადღება მაჟორიტარული სისტემის გაუქმების საკითხზე გამახვილდა. ფრაქციის თავმჯდომარემ, გიორგი ლომიამ კომისიის პრეზიდენტს საკითხის მომზადების არსი გააცნო და აღნიშნა, რომ გაერთიანებული ოპოზიციის მიერ მომზადებული კანონპროექტი ჯერ კიდევ წინა მოწვევის პარლამენტს წარედგინა, მაგრამ მისი კენჭისყრა და მაჟორიტარული სისტემის გაუქმება არ მომხდარა.