იტალიის დედაქალაქ რომში ძლიერი მიწისძვრა მოხდა.
უცხოური მედიის ინფორმაციით, მიწისძვრის სიმძლავრემ 5.4 მაგნიტუდა შეადგინა. მიწისქვეშა ბიძგები რომის გარდა, ლაციოში, აბრუცოსა და მარშეში იგრძნობოდა.
მიწისძვრა ადგილობრივი დროით 10:25 საათზე, ჩრდილოეთ რომიდან 10 კილომეტრში მოხდა.
მიწისძვრის ეპიცენტრი ქალაქებს – ლაქუილასა და რიეტს შორის იყო, სადაც 2009 წელს მომხდარმა მიწისძვრამ 300 ადამიანის სიცოცხლე იმსხვერპლა.
მსხვერპლისა და ნგრევის შესახებ ინფორმაცია ჯერჯერობით არ ვრცელდება.