რუსეთში ბავშვებისთვის ციფრების, სასვენი ნიშნებისა და სალანძღავი სიტყვების დარქმევა აიკრძალა

რუსეთის პრეზიდენტმა, ვლადიმერ პუტინმა ხელი მოაწერა კანონს, რომლითაც ბავშვის სახელის რეგისტრაციისას იკრძალება ციფრების, სალანძღავი სიტყვების, სასვენი ნიშნებისა და თანამდებობების აღმნიშვნელი სიტყვების გამოყენება.

სახელმწიფო სათათბირომ მიიღო და ფედერაციის საბჭომ დაამტკიცა საოჯახო კოდექსში ცვლილება იმის შესახებ, რომ ბავშვისთვის სახელის შერჩევისას იკრძალება ციფრები, ასო-ბგერა-ციფრების აღნიშვნა და სიმბოლოები (გარდა დეფისისა), ასევე სალანძღავი სიტყვები, რანგის მითითება, თანამდებობები და ტიტული.

სააგენტო „რია ნოვოსტის“ ინფორმაციით, აქამდე მშობლები არასოდეს ყოფილან შეზღუდულები ბავშვებისთვის ის სახელი დაერქმიათ, რასაც მოისურვებდნენ და შესაბამისი ორგანოები იძულებულები იყვნენ მშობლებისთვის სასურველი სახელი დაერეგისტრირებინათ. სააგენტო აღნიშნავს, რომ მხოლოდ მოსკოვში არსებობს დარეგისტრირებული სახელები: ხრისტამრირადოსი, დელფინი, პრინცესა დანიელა, ოკეანა და ა.შ.

წყარო: interpressnews.ge

Comments
Loading...