რუსთავი 2-ის თანამშრომელი შსს-ში დაკითხვაზე იმყოფება

“რუსთავი 2”-ის ფინანსური დირექტორის მძღოლი კახა კუბლაშვილი შინაგან საქმეთა სამინისტროში დაკითხვაზე იმყოფება. ის უწყებაში ადვოკატთან ერთად მივიდა.

შსს-ს ცნობით, ტელეკომპანიის თანამშრომელი მედიაში გავრცელებული ინფორმაციის საფუძველზე გასაუბრებაზე დაიბარეს, რათა დამატებითი დეტალები გაირკვეს.

“რუსთავი 2”-ის მიერ 8 დეკემბერს გავრცელებული ინფორმაციით კახა კუბლაშვილს სახელმწიფო უსაფრთხოების სამსახურის (სუს) წარმომადგენლები მის გადაბირებას ცდილობდნენ. ისინი კუბლაშვილის ხელფასითაც დაინტერესდნენ და თანხმობის შემთხვევაში, პირობების გაუმჯობესებასაც დაჰპირდნენ.

Leave A Reply

Your email address will not be published.