სერგეენკოს ავტომობილი უკვე პაციენტებს ემსახურება

რესპუბლიკურ საავადმყოფოში საოჯახო მედიცინის მესამე ცენტრი გაიხსნა.

ცენტრი ვირუსით ინფიცირებულ პაციენტებს 24 საათის განმავლობაში მოემსახურება.

ჯანდაცვის მინისტრის დავით სერგეენკოს გადაწყვეტილებით, ცენტრს ჯანდაცვის სამინისტროსგან დამატებით, 10-ზე მეტი მანქანა გადაეცა. მათ შორისაა დავით სერგეენკოს პირადი ავტომობილიც, რომლითაც მინისტრი გადაადგილდებოდა.

რესპუბლიკურ საავადმყოფოში იზოლირებული პალატები დღეს ჯანდაცვის მინისტრის მოადგილემ ზაზა სოფრომაძემ დაათვალიერა. გრიპის ვირუსის შემთხვევების მატების მიუხედავად, სოფრომაძე საზოგადოებას სიმშვიდისკენ მოუწოდებს.

ჯანდაცვის სამინისტროს ინფორმაციით, 24 საათიან რეჟიმში მომუშავე სამედიცინო დაწესებულებებია: “საოჯახო მედიცინის ეროვნული სასწავლო ცენტრი” – მის: წინამძღვრიშვილის ქ.57; კლინიკა “მედსი” – მის: ქიაჩელის ქ.N18; თბილისის რესპუბლიკური საავადმყოფო – მის: ვაჟა-ფშაველას გამზ. N29 და კლინიკა “მედკაპიტალი” – მის: გლდანი, ვეკუას ქ.N18.

Comments
Loading...