ქმრისა და შვილის მკვლელობისათვის უვადოდ მსჯავრდებული მაგდა პაპიძის საჩივარიო თბილისის სააპელაციო სასამართლომ დაუშვებლად ცნო. მაგდა პაპიძე თბილისის საქალაქო სასამართლოს მიერ გამოტანილ განაჩენს ასაჩივრებდა, რომლის მიხედვითაც მას 2016 წლის 6 ივლისს უვადოდ თავისუფლების აღკვეთა მიუსაჯეს.
მაგდა პაპიძის საქმეს თბილისის საქალაქო სასამართლოში თორმეტი ნაფიცი მსაჯული განიხილავდა, რომლებმაც გამამტყუნებელი ვერდიქტი გამოიტანეს, მოსამართლე ეკატერინე გაბრიჩიძემ კი მაგდა პაპიძეს უვადოდ თავისუფლების აღკვეთა მიუსაჯა.
მამა-შვილის მკვლელობა 2015 წლის 19 დეკემბერს ქ. თბილისში მოხდა. მაგდა პაპიძე სამართალდამცავებმა 2015 წლის 20 დეკემბერს ბრალდებულის სახით დააკავეს ქმრისა და 5 წლის შვილის დამამძიმებელ გარემოებებში ჩადენილი მკვლელობის ბრალდებით.
newposts.ge