თბილისში მამა და მისი მცირეწლოვანი შვილი მოკლული ნახეს

თბილისში მამა-შვილი მოკლული ნახეს. აღნიშნული ფაქტი „ინფო 9“-ს შსს-ს პრესსამსახურში დაუდასტურეს.

მათი ინფორმაციით, გამოძიება სსკ-ის 109-ე მუხლით მიმდინარეობს, რაც დამამძიმებელ გარემოებებში ჩადენილ განზრახ მკვლელობას ითვალისწინებს.

შსს-ში მომხდარის დეტალებზე ამ ეტაპზე არ საუბრობენ.

„რუსთავი 2“-ის ცნობით, მკვლელობა გამთენიისას ფერაძის ქუჩაზე მოხდა.

27 წლის მამაკაცი და 5 წლის ბავშვი მათივე საცხოვრებელი სახლის სადარბაზოს შესასვლელთან ნახეს.

წინასწარი ინფორმაციით, ბავშვი გაგუდულია, მამაკაცი კი თავში დარტყმის შედეგადაა მოკლული.

მეზობლების განცხადებით მათ ხმაური გაიგეს, გარეთ გამოსულებმა კი მოკლული მამა-შვილი ნახეს.

ბავშვის დედა და ოჯახის სხვა წევრები დაკითხვაზე იმყოფებიან. ცხედრებს კი ექსპერტიზა უტარდება.

Leave A Reply

Your email address will not be published.