თურქეთში აშშ-ს საელჩოსთან სროლის ხმა ისმის

თურქეთში რუსეთის ელჩზე თავდასხმის შემდეგ ანკარაში, ამერიკის შეერთებული შტატების საელჩოსთან სროლის ხმა ისმოდა. ხელისუფლებამ საელჩოს დახურვის გადაწყვეტილება მიიღო.

აშშ-ს სახელმწიფო დეპარტამენტმა საკუთარი მოქალაქეები ,,ტვიტერით“ გააფრთხილა.

„მივიღეთ ინფორმაცია, რომ ანკარაში, ამერიკის შეერთებული შტატების საელჩოსთან სროლა იყო. ამერიკის მოქალაქეებს ვურჩევთ, მოერიდონ საელჩოს ტერიტორიას“,- ნათქვამია აშშ-ს დეპარტამენტის „ტვიტერის“ გვერდზე.

რუსეთის ფედერაციის ელჩი თურქეთში, რომელზე თავდასხმაც განხორციელდა, გარდაიცვალა.

ადგილობრივი მედიის ცნობით, თავდამსხმელმა გასროლის შემდეგ წარმოთქვა სიტყვები: „ჩვენ დავიხოცეთ ალეპოში, თქვენ დაიხოცეთ აქ“.

Leave A Reply

Your email address will not be published.