ვირუსულ ინფექციების გამო სასწრაფო დახმარების გამოძახების რაოდენობა დღე-ღამეში 2 000-მდეა

“ამ პერიოდში, დაახლოებით, ზაფხულის პერიოდთან შედარებით, მომატებულია გამოძახების საერთო რაოდენობა 1500-დან 2000 გამოძახებამდე დღე-ღამეში. აღნიშნული სტატისტიკა და პერიოდულობა ახასიათებს, ზოგადად, ვირუსულ ინფექციებს ამ პერიოდში ანუ იწყება დაახლოებით, ნოემბრის დასაწყისიდან, გრძელდება მარტის თვემდე, პიკს აღწევს დეკემბერ-იანვრის პერიოდში. სასწრაფო, პირველ რიგში, მიდის ისეთი კატეგორიების პაციენტებთან, რომლებისთვისაც ძალიან მნიშვნელოვანი და კრიტიკული მდგომარეობაა, სადაც წუთებია განმსაზღვრელი მისი სიცოცხლის და ჯანმრთელობისთვის. რაც შეეხება მაღალ ცხელებაზე მისვლას, ეს, რა თქმა უნდა, უფრო დაბალ პრიორიტეტული გამოძახებაა და შესაბამისად, შეიძლება მოხდეს დაგვიანება. თუმცა, რაც შეეხება, კრიტიკულ გამოძახებებს, ყველა მისამართზე სასწრაფო მიდის დროულად და მაქსიმალურად სწრაფად,“ – განაცხადა სოლომონ როსტომაშვილმა.