1793529722

ამასთან, აშშ-ის საკონსულოსთან Palestine Action-ის მხარდამჭერი აქცია შოტლანდიის ქალაქ ედინბურგშიც გაიმართა. მედიის ინფორმაციით, მონაწილეებს ლონდონში გამართული აქციის მსგავსი შინაარსის პლაკატები ეჭირათ.ადგილზე დაკავების შემთხვევები არ დაფიქსირებულა, თუმცა შოტლანდიის პოლიციის განცხადებით, მიმდინარეობს გამოძიება იმ ადამიანების იდენტიფიცირების მიზნით, რომლებიც აკრძალული ორგანიზაციის მხარდამჭერი მაისურებითა და ბანერებით გამოჩნდნენ."მტკიცებულებები განიხილება და საჭიროების შემთხვევაში შემდგომი ზომები იქნება მიღებული“, - ნათქვამია პოლიციის განცხადებაში.ცნობისთვის, გასულ წელს, გაერთიანებული სამეფოს მთავრობამ Palestine Action-ი ტერორისტულ ორგანიზაციად გამოაცხადა და აკრძალა. ამ აკრძალვის თანახმად, ორგანიზაციის წევრობა ან მის მიმართ მხარდაჭერის გამოხატვა სისხლის სამართლის დანაშაულია, რომელიც 14 წლამდე თავისუფლების აღკვეთით ისჯება.

1793529670

როგორც მედია წერს, 17 ოქტომბრის ძალადობრივმა მოვლენებმა ფრანგების უკმაყოფილება კიდევ უფრო გაამწვავა. ამ ფონზე, ფრანგებში ყველაზე გავრცელებული ემოცია არც უძლურების განცდაა (19%) და მით უმეტეს, არც შიში (12%). პირველ ადგილზე ბრაზი და აღშფოთებაა - ეს განცდა გამოკითხულთა 67%-მა დაასახელა.როგორც კვლევაშია აღნიშნული, ეს ბრაზი მხოლოდ არეულობის მონაწილეების წინააღმდეგ არ არის მიმართული - ის პოლიტიკურ კლასზეც ვრცელდება და კიდევ უფრო ასუსტებს პრეზიდენტისა და მისი მთავრობის პოზიციებს.სახელმწიფოს მეთაური 17 ოქტომბრის არეულობისა და ვანდალური ქმედებების შემდეგ საჯაროდ გამოვიდა და განცხადება გააკეთა. თუმცა, გაელ სლიმანის შეფასებით, ამას შედეგი არ მოჰყოლია.სოციოლოგის აზრით, პრეზიდენტის გამოსვლამ მოსალოდნელის საპირისპირო შედეგი გამოიღო.„საჯარო განცხადების გაკეთებით - ან როგორც ზოგი იტყოდა, "უშინაარსო საუბრით" - პრეზიდენტმა არა მხოლოდ ვერ შეძლო ფრანგების დარწმუნება, არამედ შექმნა განცდა, რომ მისი გულგრილობა და უმოქმედობა მას დამნაშავეს ხდის", - აღნიშნავს სლიმანი.

1793529631

მისი თქმით, უკრაინის კონფლიქტის მოსაგვარებლად ევროპის წარმომადგენლები მოლაპარაკებების მაგიდასთან უნდა იყვნენ, მაგრამ არა რუსეთის მიმართ ამჟამინდელი მიდგომით.პესკოვმა ხაზი გაუსვა, რომ ევროპის ამჟამინდელი მიდგომა, რომელიც რუსეთის დამარცხების აუცილებლობას ემხრობა, მასთან მოლაპარაკებებს შეუძლებელს ხდის."ეს ძალიან რთული სიტუაციაა. ერთი მხრივ, ისინი მოლაპარაკებების მაგიდასთან უნდა იყვნენ. მაგრამ რაში გვჭირდებიან ისინი იქ, ამ მიდგომით? ეს უსარგებლოა. სწორედ ამიტომ არ არიან ისინი ახლა იქ", - განაცხადა დიმიტრი პესკოვმა.

1793529596

თუმცა დადგენილია, რომ მათი მიწოდება შესაძლოა მხოლოდ რამდენიმე წლის შემდეგ დაიწყოს. ჩვენ ამერიკელ პარტნიორებს ვთხოვთ, იპოვონ გამოსავალი იმ პერიოდისთვის, როდესაც არსებობს რეალური საფრთხე და PAC-3-ის რაკეტების გამოყენების რეალური საჭიროება", - აღნიშნა ზელენსკიმ.ზელენსკიმ ხაზი გაუსვა, რომ ზამთრის მოახლოების წინ, რუსეთმა ფართომასშტაბიანი დარტყმების კამპანია წამოიწყო იმ სასიცოცხლოდ მნიშვნელოვანი ინფრასტრუქტურის წინააღმდეგ, რომლის გამართული მუშაობაც უკრაინის ქალაქებისა და ადგილობრივი თემების ფუნქციონირებას უზრუნველყოფს.სამიზნე გახდა ელექტროენერგიის, გათბობისა და წყალმომარაგების ობიექტები, ასევე ხიდები.მისი თქმით, მხოლოდ ოქტომბრის ბოლო ორ კვირაში რუსეთის ძალებმა უკრაინის ელექტროენერგეტიკული ქსელის მნიშვნელოვან ობიექტებზე 30-ზე მეტი დარტყმა განახორციელეს.

1793529560

საფრანგეთის პრეზიდენტობის კანდიდატებმა, მარინ ლე პენმა („ეროვნული გაერთიანება“) და ბრუნო რეტაიომ („რესპუბლიკელები“), რომელიც ქვეყნის ყოფილი შსს მინისტრია, მომხდარი "მიუღებელ ქმედებად" შეაფასეს.მედიის ცნობით, პოლიტიკოსებმა განცხადება მას შემდეგ გააკეთეს, რაც გავრცელდა კადრები, რომლებშიც ჩანს, როგორ ესვრიან სამართალდამცველს "მოლოტოვის კოქტეილს" პარიზში გამართული დემონსტრაციისას."ამ თავდასხმის ჩამდენი პირები უნდა იპოვონ და უმკაცრესად დაისაჯონ", - დაწერა მარინ ლე პენმა სოციალურ ქსელ X-ზე და სამართალდამცველებს მობილიზებისა და გაწეული სამსახურისთვის მადლობა გადაუხადა."ვინც ეს ჩაიდინა, პასუხი უნდა აგოს. ეს მკვლელობის მცდელობაა", - დაწერა ბრუნო რეტაიომ.

1793521742

მანამდე, აშშ-ის სახელმწიფო მდივანმა მარკო რუბიომ არ გამორიცხა, რომ ვოლოდიმირ ზელენსკის ფლორიდაში დაგეგმილ სამიტზე მიიწვევდნენ.აშშ-ის სახელმწიფო დეპარტამენტის ხელმძღვანელმა განმარტა, რომ ეს შესაძლებელია იმ შემთხვევაში, თუ დონალდ ტრამპი ჩათვლის, რომ უკრაინის მაღალი რანგის წარმომადგენლის შეხვედრაში მონაწილეობას გარკვეული დადებითი ეფექტი ექნება.სექტემბერში ცნობილი გახდა, რომ ვაშინგტონმა რუსეთის პრეზიდენტი ვლადიმერ პუტინი "დიდი ოცეულის" სამიტზე მიიწვია."პრობლემების გადასაჭრელად, საჭიროა შეხვდეთ იმ ადამიანებს, ვისთანაც უთანხმოება ან დაძაბულობა გაქვთ", - თქვა მაშინ რუბიომ.

1793519974

სარჩელის ავტორები იმასაც ამბობენ, რომ ეროვნულ და საერთაშორისო დონეზე დადასტურებულ დანაშაულებს, 5 პოლიტიკური სუბიექტი მტკიცებულებებს ვერც მომავალში დაუპირისპირებს."ჩვენ დღემდე მოვისმინეთ აბსოლუტურად მტკიცებულებებისგან დაცლილი არგუმენტები, არანაირი ფაქტობრივი მტკიცებულება მოპასუხე მხარისგან. მცდელობა, გააჭიანურონ პროცესი მაშინ, როდესაც მოსარჩელე მხარის სასარჩელო განცხადება არის გაჯერებული იმ ფაქტობრივი მტკიცებულებებით, რომელიც იცის მთელმა საზოგადოებამ. თუმცა, ეს ის მოცემულობაა, როდესაც ჩვენთვის და მთლიანად საზოგადოებისთვის ძალიან მნიშვნელოვანი დემოკრატიული პროცესი განვითარდება. არაკონსტიტუციური პარტიების აკრძალვა, რა თქმა უნდა, ქვეყანაში გამოიწვევს დემოკრატიული პროცესის კიდევ უფრო მეტად განვითარებას, რაც ქვეყანაში კონსტრუქციული ოპოზიციის გაჩენას გულისხმობს", - განაცხადა პარლამენტის საპროცედურო საკითხთა კომიტეტის თავმჯდომარემ დავით მათიკაშვილმა.

1793519936

ერთ-ერთი მოქალაქის განცხადებით, ისინი პოლონეთის ღირსების დასაცავად გამოვიდნენ, რადგან პრეზიდენტის მიმართ განხორციელებული მოპყრობა ევროპულ სივრცეში უპრეცედენტო და სირცხვილია."ჩვენ აქ პოლონეთის ღირსების დასაცავად მოვედით, რადგან გუშინ მომხდარი ყველასთვის სირცხვილია. ის მოპყრობა, რაც ჩვენი პრეზიდენტის მიმართ განხორციელდა, სავარაუდოდ, სხვა არცერთ ევროპულ ქვეყანაში არ მომხდარა. ეს არის მომენტი, როდესაც ყველამ უნდა თქვას "საკმარისია" და მშვიდობის სულისკვეთებით უნდა გავაგრძელოთ მუშაობა ჩვენი ქვეყნისთვის," - განაცხადა ერთ-ერთმა მოქალაქემ.კიდევ ერთი მოქალაქის შეფასებით, ქვეყანაში მიმდინარე პროცესები რეალურად სახელმწიფო გადატრიალებას წარმოადგენს."რა ხდება პოლონეთში? ეს, უბრალოდ, სახელმწიფო გადატრიალებაა. სამთავრობო ინსტიტუტებსა და სახელმწიფო ორგანოებს ერთმანეთის მიყოლებით იკავებენ ის პირები, რომლებიც ჩვენი ერის საზიანოდ მოქმედებენ," - აღნიშნა ერთ-ერთმა მოქალაქემ.

1793519867

მარსელში ფეხსაცმლის მაღაზიის გაძარცვის მცდელობისთვის ხუთი ადამიანი დააკავეს.ბუშ-დიუ-რონის პრეფექტურის პოლიციის განცხადებით, ისინი დანაშაულის ჩადენის პროცესში დააკავეს, როდესაც ქალაქში მდებარე Foot Locker-ის მაღაზიის საწყობებში შეღწევას ცდილობდნენ.ბოლო კვირებში საფრანგეთში გამართული წინა მასშტაბური საპროტესტო აქციების დროს მაღაზიების ძარცვა ერთ-ერთი მთავარი პრობლემა იყო. ქვეყნის მასშტაბით ასობით მაღაზია გახდა თავდასხმისა და დაზიანების სამიზნე.შეგახსენებთ, გასულ კვირას ქვეყნის მასშტაბით გამართული საპროტესტო აქციების დროს სულ 1 314 ადამიანი დააკავეს, ხოლო 17 ოქტომბერს ჩატარებული დემონსტრაციების შემდეგ დაკავებულთა რაოდენობამ 2 628 შეადგინა.

1793519818

როგორც მედია წერს, გერმანიის ქალაქებში გამართულ საპროტესტო აქციებში ათასობით ადამიანი მონაწილეობდა. დემონსტრაციები ორგანიზებული იყო ახალგაზრდული ორგანიზაცია Gen Z regelt-ის მიერ. აქციის მონაწილეები აპროტესტებდნენ სკოლების არასაკმარის დაფინანსებას, ცხოვრების მაღალ ფასს, სახელმწიფო ხარჯების შემცირებასა და სავალდებულო სამხედრო სამსახურს.მედიის ცნობით, ფრანკფურტის მთავარი სავაჭრო ქუჩის დიდი ნაწილი პოლიციამ გადაკეტა. პოლიციის წარმომადგენლის განცხადებით, ქალაქში არაერთი ადამიანი დააკავეს.ფრანკფურტის, მიუნხენისა და ბერლინის ხელისუფლებების ინფორმაციით, აქციებში 18 000-მდე ადამიანი მონაწილეობდა - დაახლოებით ნახევარი იმ რაოდენობისა, რასაც ორგანიზატორები საკუთარ ვებგვერდზე ვარაუდობდნენ.Gen Z regelt-ის წარმომადგენელმა, ლინა ფრიდრიხმა განაცხადა, რომ დემონსტრაციების მიზანი იყო "მშვიდობისა და თავისუფლებისთვის ბრძოლა და არა ომისა და იძულების მხარდაჭერა".