1794460674

"არაერთი კითხვა, არაერთი დაზუსტება იყო კონკრეტულ საკითხებთან, მათ შორის, დოქტრინულ საკითხებთან დაკავშირებით, რა პრინციპები უნდა იყოს გამოყენებული არაკონსტიტუციური პარტიების საქმიანობის შეფასებასთან დაკავშირებით და ჩვენი მხრიდან თითოეულ კითხვას ამომწურავი პასუხი გაეცა. როდესაც კონკრეტული დანაშაულებრივი ქმედებების, კონკრეტული პარტიების დანაშაულებრივი ქმედებების მხილება ხდება, ეს ყველაფერი მათში იწვევს ხოლმე აგრესიას, შეურაცხყოფის მიყენების მცდელობები არის, უპატივცემულობის გამოხატვას საკონსტიტუციო სასამართლოს მიმართ და ამით ცდილობენ, რომ ისინი როგორმე გავიდნენ ფონს", - განაცხადა არჩილ გორდულაძემ.შეგახსენებთ, მმართველი გუნდი ოპოზიციური პარტიების არაკონსტიტუციურად ცნობას ითხოვს და ამის მიზეზად კონკრეტული პარტიების მიერ კონსტიტუციური წყობილების ძალადობით შეცვლის მცდელობებს, რევოლუციური სცენარების ორგანიზებასა და სახელმწიფო უსაფრთხოების წინააღმდეგ მიმართულ ქმედებებს ასახელებს.

1794457942

კიდევ ერთხელ აღვნიშნავ, პოლიტიკოსებსა და ბიუროკრატებს ირჩევენ, ისინი გარკვეული პერიოდის განმავლობაში იკავებენ თანამდებობებს, შემდეგ კი მიდიან, მაგრამ ევროპა და ევროკავშირი დარჩება. ჩვენთვის ევროპული სივრცის განუყოფელ ნაწილად ყოფნა უმნიშვნელოვანესი გადაწყვეტილებაა. ეს ჩვენი სურვილი მრავალი საუკუნის განმავლობაში იყო და იგი ღრმად არის ფესვგადგმული ჩვენს ტრადიციებში, კულტურასა და ქრისტიანულ მემკვიდრეობაში. სწორედ ამიტომ გვაქვს ასეთი მტკიცე სურვილი, გავხდეთ ევროპული სივრცისა და ევროკავშირის ნაწილი.ამასთან, ოპტიმისტურად ვართ განწყობილი და გვჯერა, რომ ევროპელი პოლიტიკოსები და ბიუროკრატები საქართველოს მიმართ დამოკიდებულებას შეცვლიან. ვიმედოვნებთ, რომ მომავალში ისინი აღარ ჩაერევიან ჩვენს დემოკრატიულ პროცესებში და აღარ შეეცდებიან, საქართველოს არასასურველი სცენარებისკენ უბიძგონ", - განაცხადა მთავრობის მეთაურმა.

1794457817

"რა თქმა უნდა, უკრაინის წინააღმდეგ ომი რუსეთმა დაიწყო. თუმცა მიმაჩნია, რომ შესაძლებელი იყო როგორც უკრაინაში პირველი, ისე მეორე ომის თავიდან აცილება. ცხადია, ეს ომები რუსეთმა დაიწყო, განსხვავებით საქართველოში ომისგან, რომელიც, ჩემი შეფასებით, საქართველოს ხელისუფლებაში ოფიციალური სტატუსის მქონე უცხოეთის აგენტებმა დაიწყეს. ამავდროულად, დარწმუნებული ვარ, რომ სამივე ომის თავიდან აცილება შესაძლებელი იყო - როგორც 2008 წლის რუსეთ-საქართველოს ომის, ისე რუსეთ-უკრაინის ორივე ომის. სამწუხაროდ, არსებობდნენ გავლენიანი ადამიანები, რომლებსაც ამ ომების თავიდან აცილება არ სურდათ", - განაცხადა ირაკლი კობახიძემ.

1794394403

პარლამენტის საპროცედურო საკითხთა კომიტეტის თავმჯდომარის, დავით მათიკაშვილის განცხადებით, ხელისუფლებას დედაეკლესიის მიმართ განსაკუთრებული დამოკიდებულება აქვს და ნებისმიერ საკითხზე დიალოგისთვის მზად არის."ჩვენს ხელისუფლებას გააჩნია განსაკუთრებული და გამორჩეული დამოკიდებულება დედაეკლესიის მიმართ. ამიტომ, თუ რომელიმე მეუფეს აინტერესებს კონკრეტული საკითხი, დიალოგისთვის, საკითხის დეტალებში გარკვევისთვის ჩვენ ყოველთვის ვართ მზად. კიდევ ერთხელ ხაზს ვუსვამ და ვამბობ, რომ არის ძალიან სამწუხარო და სრულიად დაუშვებელი, როდესაც ამბიონი და ეკლესია გამოიყენება მცდარი ნარატივების გასავრცელებლად", - აცხადებს პარლამენტის საპროცედურო საკითხთა კომიტეტის თავმჯდომარე დავით მათიკაშვილი.

1794390485

„როდესაც პარტიის წარმომადგენლები და მთავარი გადაწყვეტილების მიმღები პირები გამოდიან და ამბობენ ერთ კონკრეტულ საქმესთან დაკავშირებით, რომ ეს ადამიანი იყო დამნაშავე და ეს კონკრეტული დამნაშავე, რომელსაც ჯაშუშს უწოდებენ მიუხედავად იმისა, რომ არცერთი საგამოძიებო მოქმედებით დადასტურებული არ არის, ეჭვიც კი არ არსებობს ამ ადამიანის მოკვდინება და წამება, თურმე, გამართლებული იყო, აი ამას ამბობენ დღესაც, ერთი წლის წინ ან ორი წლის წინ კი არ ამბობდნენ, მე გეუბნებით დაახლოებით ორი კვირის წინ გაკეთებულ განცხადებებსაც. საკონსტიტუციო სასამართლოს დარბაზში გაჟღერებულ სიტყვებზე ვამბობ, რომ თურმე პენიტენციურ დაწესებულებაში ადამიანის უფლებები არ ირღვეოდა, ზოგიერთი იმასაც საუბრობს, რომ საერთოდ არ მესმის, სისტემური და სისტემატური წამება რა არისო, და პირდაპირ ეწინააღმდეგებიან სტრასბურგის სასამართლოს მიერ დადასტურებულ ფაქტსა და მსჯელობას. როდესაც ამ ყველაფერს ჩვენ ვისმენთ აქ, პლენუმის მიმდინარეობისას და პლენუმის წინაშე მათ მიერ წინა დროში გაკეთებული განცხადებები, რომ თითქოს, რაღაც გადაცდომები გვქონდა... გადაცდომებზე კი არ არის საუბარი, აქ სისტემურ და სისტემატურ დანაშაულებზეა [საუბარი]. ერთი არის ნათქვამი და მეორეა, რას აკეთებენ და რას ამბობენ: რომ ახალისებენ ექსტრემიზმს, ახალისებენ ბულინგს, ახალისებენ ადამიანის ღირსების შელახვას. პირდაპირ ისევ და ისევ, დღესაც კი მათი მიზანი, როგორც ასეთი, დემოკრატიის დაზიანება, წარსულში გაკეთებული ერთ-ერთის განცხადება ვერანაირად ვერ იქნება მათი ინდულგენცია. რა თქმა უნდა, უმნიშვნელოვანესია, რა განცხადებას აკეთებს პოლიტიკური პარტიის წარმომადგენელი, მაგრამ ამაზე კიდევ უფრო მეტად მნიშვნელოვანია, რას აკეთებს. და როდესაც მისი ქმედება პირდაპირ არღვევს კონსტიტუციას ახლა, აწმყოში, არათუ სამომავლო საფრთხეს ქმნის, არამედ ეს სამომავლო საქმე აწმყოში უკვე რეალიზებულია, რა თქმა უნდა, ეს უფრო მეტად აჩენს იმის რეალურ რისკს, რომ ის, რომ ხელისუფლებაში მოვიდეს ან მას რომ ჰქონდეს ისეთი შესაძლებლობა, რომ არ არსებობდეს, ქვეყანაში მაგალითად, სამართალდამცავი ორგანოები მყარად რომ არ იდგნენ ისე გადაატრიალებენ ძალადობრივად, სახელმწიფო წყობილებას დაამხობენ და ძალადობით შეცვლიან, რომ პირიქით, ამის შედეგებს ზოგიერთი დაელოდება და ამის მიხედვით გადაწყვეტს, პარლამენტში შევიდეს თუ არ შევიდეს“,- განაცხადა გორდულაძემ.

1794380856

მათივე შეფასებით, ის უცხოელი აქტორები, რომლებიც საქართველოში მოლოტოვის კოქტეილების სროლასა და პოლიციაზე თავდასხმას ახალისებდნენ, საკუთარ ქვეყნებში ანალოგიურ დარღვევებს უკვე ტერორსა და მკვლელობის მცდელობას უწოდებენ."ვაწყდებით მოცემულობას, როდესაც ევროკავშირის ქვეყნებში მოლოტოვის კოქტეილის სროლა არის დანაშაული მათი სამართალდამცავი ორგანოების შეფასებით და საკმაოდ სოლიდური პასუხისმგებლობით ისჯება, ხოლო საქართველოში იყო მცდელობა, რომ ანალოგიური ქმედება გაესაღებინათ აზრის თავისუფლად გამოხატვის მოცემულობაში, რაც ბუნებრივია, ძალიან საწყენია. ეს არის ის ორმაგი სტანდარტი, რომლითაც არ იღლება ევრობიუროკრატია ქართულ რეალობასთან მიმართებით", - აცხადებს პარლამენტის საპროცედურო საკითხთა კომიტეტის თავმჯდომარე დავით მათიკაშვილი. 

1794300217

ჩვენ ღია ვართ დისკუსიებისთვის თანასწორობის პრინციპით, ჩვენი სურვილია ევროინტეგრაცია, მაგრამ არა სუვერენიტეტის სანაცვლოდ.დიალოგის საწყისი პირობა უნდა იყოს საქართველოს დამოუკიდებლობის, კონსტიტუციური წესრიგისა და მოქალაქეთა დემოკრატიული არჩევანის პატივისცემა. ეს არ არის არჩევანი ევროპასა და საქართველოს შორის.ეს არის მოთხოვნა, რომ ევროპული მომავალი შენდებოდეს სუვერენულ სახელმწიფოზე და არა მისი უფლებამოსილებების გაუფასურებაზე. ჩვენ გვჭირდება მშვიდობა, უსაფრთხოება, სამართლის უზენაესობა და პარტნიორობა, რომელიც ურთიერთპატივისცემას ეფუძნება. საქართველოს ევროპული გზა უნდა იყოს ღირსეული, დამოუკიდებელი საქართველოს გზა", - განაცხადა კირცხალიამ.

1794300125

რატომ არის ეს მნიშვნელოვანი? ჩვენ, როგორც შუა დერეფნის ერთ-ერთი მნიშვნელოვანი შემადგენელი რგოლი, მათ შორის, მნიშვნელოვან როლს ვთამაშობთ ევროკავშირის სხვადასხვა ქვეყნის ეკონომიკურ თუ ენერგო უსაფრთხოებაში, მათ შორის, ჩეხეთის შემთხვევაშიც. ჩეხეთი ნედლი ნავთობის იმპორტის 40%-ს იღებს აზერბაიჯანიდან საქართველოს გავლით. სულ ახლახან, ჩეხეთსა და აზერბაიჯანს შორის გაფორმდა ხელშეკრულება გაზის მიწოდებასთან დაკავშირებით, რომელიც ასევე შუა დერეფნის, საქართველოს გავლით ჩავა საბოლოო ჯამში ჩეხეთში. ამიტომ, მნიშვნელოვანია, რომ ეს ორმხრივი ურთიერთობები იყოს რაც შეიძლება ახლო და მეგობრული. ჩვენ, ჩვენი მხრიდან ყველას ვაჩვენებთ საიმედო პარტნიორობას და ამ მხრივ გვიხარია, რომ ჩეხეთის რესპუბლიკასთანაც სათანადო პარტნიორული ურთიერთობა გვაქვს.ამ შეხვედრების ფონზე, მნიშვნელოვანია საპარლამენტო თანამშრომლობაც. მე ჩემი კოლეგა მოვიწვიე საქართველოში და იმედი მაქვს, რომ უახლოეს მომავალში პარლამენტის თავმჯდომარე გვეწვევა საქართველოში და გვექნება შესაძლებლობა უკვე საქართველოში გავაგრძელოთ ცვენი საუბარი", - განაცხადა პარლამენტის თავმჯდომარემ.

1794297364

მისივე შეფასებით, ოპოზიცია ცდილობს ფაქტები დაამახინჯოს და ფაქტზე დაფუძნებული სწორი ინფორმაციის საზოგადოებისთვის მიწოდება ცენზურად და თავისუფალ მედიაზე თავდასხმად წარმოაჩინოს."ეს ის ვალდებულებებია, რომლებიც მედიას ჯერ კიდევ 17 წლის წინ ჰქონდა ნაკისრი, თუმცა, ვინაიდან პარტიული დანაყოფები და მათთან დაკავშირებული მედიასაშუალებები ამ ვალდებულებებს არ ასრულებდნენ, მათი შესრულება უკვე კანონმდებლობით განისაზღვრა.ამ ცვლილებებთან დაკავშირებით დღეს გვესმის შეფასებები, თითქოს ეს მედიაზე ზეწოლა იყოს. თურმე საზოგადოებისთვის ფაქტებზე დაფუძნებული და სწორი ინფორმაციის მიწოდება ცენზურა და თავისუფალ მედიაზე თავდასხმა ყოფილა. სწორედ ასეთი ინტერპრეტაციის დამკვიდრებას ცდილობს კოლექტიური "ნაცმოძრაობა", მისი პარტიული დანაყოფები და მათ უკან მდგომი ე.წ. ბიუროკრატიული წარმომადგენლები - სხვადასხვა სახელისა და გვარის მქონე უცხოელი თანამდებობის პირები.ფაქტი ერთია, ხოლო რეალობის სხვაგვარად წარმოჩენა - მეორე. ამას კი ისევ და ისევ ეს პოლიტიკური ძალები ცდილობენ. მათ, ფაქტობრივად, პარალელური სამყარო აქვთ შექმნილი, სადაც სალომე ზურაბიშვილი კვლავ პრეზიდენტია, სადაც მათ და არასამთავრობო ორგანიზაციების წარმომადგენლებს ე.წ. ტექნიკური მთავრობა ჰყავთ ჩამოყალიბებული და სადაც, როგორც ჩანს, ურჩევნიათ, ჩვენს ქვეყანაში ბომბების წვიმა ცვიოდეს, მაშინ, როდესაც ქვეყანაში მშვიდობაა უზრუნველყოფილი. სწორედ ასეთ რეალობაში ცხოვრობენ და ცდილობენ, ეს წარმოსახვითი სამყარო საზოგადოებას არსებულ რეალობად შესთავაზონ", - განაცხადა გორდულაძემ.

1794297253

საკონსტიტუციო სასამართლოში 5 ოპოზიციური პარტიის აკრძალვის შესახებ სარჩელის განხილვა დღეს განახლდება. სხდომები კითხვა-პასუხის რეჟიმში გაგრძელდება. მოსარჩელე მხარე დარწმუნებულია, რომ ოპოზიცია, რომელსაც სამართლებრივი არგუმენტები არ აქვს, კვლავ დროის გაჭიანურებას შეეცდება. მმართველი პარტიის განცხადებით, ყველა ბრალდება დასაბუთებული და სამართლებრივად გამართულია."ქართული ოცნების" სარჩელის არსებითი განხილვა საკონსტიტუციო სასამართლომ 21 ოქტომბერს დაიწყო. მხარეებმა უკვე გაიარეს მტკიცებულებების წარდგენის, შუამდგომლობებზე მსჯელობის და ახსნა-განმარტებების ეტაპები. ბრალდებები მძიმეა - საქართველოს ინტერესების წინააღმდეგ მიმართული ქმედებები, კონსტიტუციური წყობილების ხელყოფის მცდელობა, სისტემური დანაშაულები, საბოტაჟი და მოქმედება ეროვნული ინტერესების წინააღმდეგ.