1793880564

ზარქუა ასევე, პრემიერ-მინისტრის, ირაკლი კობახიძის „ევრონიუსთან“ ინტერვიუს გამოეხმაურა და ჟურნალისტს ტყუილში დასდო ბრალი, რომ თითქოს ევროკავშირის ოცდაშვიდივე სახელმწიფო საქართველოს მთავრობის წინააღმდეგია. საპასუხოდ ზარქუამ მარტა კოსის განცხადება გაიხსენა, რომელმაც თქვა, რომ „ევროკავშირის სახელმწიფოების უმრავლესობა არ არის თანახმა, ივანიშვილი, კობახიძე და პაპუაშვილი დასანქცირდნენ“„მინდა გამოვეხმაურო ასევე ჩვენი პრემიერის ღირსეულ პასუხებს იმ დისკუსიაზე, სადაც ანგაჟირებული ჟურნალისტი დაუსვეს, არაკომპეტენტური, ჩანდა კიდეც, ისე გადადიოდა სხვადასხვა თემებზე, პასუხები არ ჰქონდა, რომ იქ გაეგრძელებინა დისკუსია და მინდა პრემიერს მადლობა ვუთხრა იმ აკადემიური და არგუმენტიანი პასუხებისთვის. მან [ჟურნალისტმა] მოიტყუა და თქვა, რომ 27-ვე სახელმწიფო არის თქვენს წინააღმდეგო. დღეს რა განცხადება გააკეთა მარტა კოსმა, როცა ჰკითხეს, რატომ არ ასანქცირებთო ლიდერებს?! - არიან სახელმწიფოები, რომლებიც უარს ამბობენ და კიდევ ერთხელ მე მინდა იმ სახელმწიფოებს მადლობა ვუთხრა, რომლებიც გონივრულად უდგებიან, აანალიზებენ, რომ საქართველოს უბრალოდ ჩაგრავენ და აქ უნდათ, რომ რევოლუციის შემდეგ აგენტურა დასვან და შემდეგ ის გააკეთებინონ, რაც უკრაინაში ხდება. ომის პოლიგონად აქციეს და მეტი არაფერი. თვითონ რუსეთს სანქციებს უხსნიან. ამერიკის შეერთებული შტატები უკვე ნავთობპროდუქტებით ვაჭრობს და საქართველო უნდა შეეწიროს, მეორე ფრონტი უნდა გახსნილიყო. ეს იყო მათი ამოცანა, არ დავუჯერეთ და გავიმარჯვეთ იმიტომ, რომ მართლები ვართ და ამაში გვენდო ჩვენი ქართველი ხალხი. ხოლო ბატონ ჰერჩინსკის მე კიდევ ერთხელ მოვუწოდებ, პასუხი გასცეს ჟურნალისტების კითხვებს, იმ კითხვებს, რაც გვაწუხებს და მერე ვიმსჯელებთ მის შესახებ,“- განაცხადა ირაკლი ზარქუამ.ცნობისთვის, გაფართოების საკითხებში ევროკომისარმა, მარტა კოსმა განაცხადა, რომ ევროკავშირის სახელმწიფოების უმრავლესობა არ არის თანახმა, ბიძინა ივანიშვილი, ირაკლი კობახიძე და შალვა პაპუაშვილი დასანქცირდნენ.

1793874397

შეფასებები კეთდება მმართველ გუნდშიც, სადაც თვლიან, რომ ოპოზიციას ლეგიტიმაცია დაკარგული აქვს და ახლა ყურადღების ცენტრში დარჩენას ამ გზით ცდილობენ.პარტია "ერთიანი ნაციონალური მოძრაობის" მმართველი საბჭოს წევრის, ანა წითლიძის განცხადებით, პარტიის მხრიდან ალიანსის დატოვებაზე გადაწყვეტილება პოლიტსაბჭოს უნდა მიეღო, რაც არ მომხდარა."ჩვენ არ დაგვიტოვებია, ჩვენ გავიგეთ გუშინ, რომ გავირიცხეთ ალიანსიდან მას შემდეგ, რაც გამოქვეყნდა, რომ ლოგოზე არ ვიყავით და მკაფიოდ ვამბობ, "ნაციონალურ მოძრაობას" რომ დაეტოვებინა [ ალიანსი], პოლიტსაბჭოს გადაწყვეტილება უნდა ყოფილიყო, მას შემდეგ, რაც მიხეილ სააკაშვილზე თავდასხმები განსაკუთრებული სიხშირით მიმდინარეობდა და ა.შ. ჩვენ ისედაც აქტიური ალიანსში არ ვიყავით, მაგრამ ჩვენ არ დაგვიტოვებია ალიანსი. ახლა რა დროს ეს ჩვენი გარიცხვა იყო", - განაცხადა ანა წითლიძემ.

1793874147

რაც შეეხება თვითნებურად დაკავებულებს, გუშინ ჩვენ მოვისმინეთ მისი განცხადება, რომ ის არ აპირებს გვითხრას, ვინ არის თვითნებურად დაკავებული. ანუ, ერთის მხრივ, ის მოგვიწოდებს, რომ თვითნებურად, ანუ უკანონოდ დაკავებულები გათავისუფლდნენ და როცა ვეკითხებით: ვინ? ის არ ამბობს კონკრეტულ გვარებს, მათ შორის გუშინ ვნახეთ, ჟურნალისტებმა ჰკითხეს - აი ამას ხომ არ გულისხმობთ კონკრეტულ ადამიანებს, არ პასუხობს. იცით რატომ? რა მომენტშიც ის კონკრეტულ გვარებს დაასახელებს, იმ მომენტში ხომ გამოჩნდება, რომ მაგალითად დღეს სასჯელს იხდის სამი ადამიანი, რომელმაც მოლოტოვის კოქტეილი ესროლა პოლიციას და ცოცხლად აპირებდნენ მათ დაწვას. ამ სამი ადამიანიდან ერთ-ერთის გვარიც რომ ამოიკითხოთ და სამივესიც რომ ამოიკითხოთ, ხომ მორჩება? ხომ დამთავრდება და ყველა უკვე გაიგებს, რომ დიახ, სწორედ ძალადობის მფარველი არის დღეს ბრიუსელი საქართველოში, ამიტომ ის ამას არ ამბობს.ამიტომ, კიდევ ერთხელ, აქვე ჩვენ ერთი წერტილი უნდა დავსვათ. ან ბატონი ჰერჩინსკი და ბრიუსელი წარმოადგენს სიას, ვის მიიჩნევს ის თვითნებურად დაკავებულებად, ან კიდევ ერთხელ ამით დადასტურდება, რომ ისინი არიან მოძალადეების მფარველები. ბატონი ჰერჩინსკი რომ არის მოძალადეების მფარველი, მან ეს არაერთხელ დაადასტურა. ის, რომ ის მოძალადეებთან ერთად მოძალადეებს ხვდება, ის, რომ მოძალადეებს აფინანსებს, სიძულვილის ენის გამავრცელებლებს აფინანსებს, მათ დაკრულზე ცეკვავს და ვნახეთ ჩვენ, რომ ფულს უხდის და იქირავებს ადამიანებს, რომლებიც ვერბალურად ძალადობენ საქართველოს მოსახლეობაზე. ასე რომ, კიდევ ერთხელ, არ იქნება სია, არ იქნება ჰერჩინსკის განხილვა, როგორც მოძალადეების არამხარდამჭერი და პირიქით განიხილება, როგორც მხარდამჭერი." - აცხადებს შალვა პაპუაშვილი.

1793874027

მისივე თქმით, აბსოლუტურად სპეკულაციურია ის განცხადებები, რომელიც კეთდება აქციზთან დაკავშირებით."თან გადასახადები შედის ბიუჯეტში და საბოლოო ჯამში, ისევ ხალხს ხმარდება. ამიტომ არის აბსოლუტურად სპეკულაციური ის განცხადებები, რომელიც კეთდება აქციზთან დაკავშირებით,"- აღნიშნა პრემიერმა.

1793769410

"ევროპის არაერთ ქალაქში ათასობით ადამიანია დაკავებული არეულობის და იმ დანაშაულების გამო, რომლებსაც ჩადიოდნენ, მათ შორის საფრანგეთში, ადამიანი, რომელმაც "მოლოტოვის კოქტეილი" ისროლა, ის ბრალდებული არის ადამიანის დაწვის და მკვლელობის მცდელობაში და როდესაც ამას ვუყურებთ საფრანგეთის შემთხვევაში, ხოლო საქართველოს შემთხვევაში პირიქით, იწყალებდნენ, ახალისებდნენ, აგულიანებდნენ გრიგორიადისს, რომელმაც ასევე "მოლოტოვის კოქტეილი" ისროლა, თავისთავად ერთადერთი აზრი, რაც გვიჩნდება არის, რომ სწორედ ამ დანაშაულის თანამონაწილეები არიან ყველა ის ევროპელი პოლიტიკოსი თუ ბიუროკრატი, რომელიც ლაზარე გრიგორიადისს აგულიანებდა და ამხნევებდა", - განაცხადა პარლამენტის ვიცე სპიკერმა ნინო წილოსანმა.

1793769182

ძლიერი ხანძარი ე.წ. გადასასვლელ ხიდზე ერთ-ერთ მაღაზიაში ორი დღის წინ გაჩნდა და მალევე სხვა ობიექტებზეც გავრცელდა."მე მქონდა პრემიერ-მინისტრთან საუბარი აღნიშნულ საკითხთან დაკავშირებით და პრემიერმა დაგვავალა, რომ დეტალურად შევისწავლოთ აღნიშნული საკითხი. შესაბამისად, ვიცე-მერი ბატონი გიორგი ტყემალაძე მზად არის შეხვდეს საინიციატივო ჯგუფს, ამ ადამიანებს, მოვუსმინოთ, მოგისმინოთ და დავიწყოთ დეტალური მოკვლევა. ჩვენ, რა თქმა უნდა, ჩვენი შესაძლებლობების ფარგლებში დაგეხმარებით, გვერდით დაგიდგებით და პრობლემების პირისპირ არ დაგტოვებთ", - განაცხადა კახა კალაძემ.

1793710029

"ეს ყველაფერი არის ტაქტიკა - ტაქტიკა, სადაც ყველას აქვს თავისი როლი - არიან ისინი, რომლებიც უნდა შევიდნენ პარლამენტში, არიან ისინი, რომლებიც არ უნდა შევიდნენ პარლამენტში, ვინც უნდა იყოს რადიკალი, ვინც უნდა იყოს შედარებით არარადიკალი, დააკვირდით ყველაზე კარგი ამის ილუსტრაცია არის საკონსტიტუციო სასამართლოს განხილვები. პირველი ხედავთ, რომ 5 მოპასუხიდან 4 შევიდა დარბაზში, 1 არ შევიდა დარბაზში, იგივე თამაშია. დარბაზში შესული 4 მოპასუხიდან ვხედავთ, რომ ზოგი რადიკალურად იქცევა, მეორე უფრო კულტურულად და მორიდებულად იქცევა, ეს ყველაფერი არის თამაში კიდევ ერთხელ, რომ სხვადასხვა კალათაში ჩადონ კვერცხები და თქვან, რომ აი, თუ რადიკალს ერჩის ვინმე, თქვან, რომ აი, არიან არარადიკალებიც, თუ ერჩი ვიღაცას სხვა ერთი მიზეზის გამო აქეთ არიან მეორენაირები, ეს იმდენად ხელისგულზე დევს ეს ტაქტიკა, რომელიც პირდაპირ გადმოკოპირებული ჰყავთ, რომელიღაცა მათი უცხოელი სპეცსამსახურის კურატორების მხრიდან, რომელიც სადღაც რომელი ქვეყანაში შეიძლება წარმატებით განახორციელეს, მაგრამ ხომ ხედავენ, რომ ქართველებზე არ მოქმედებს ეს ყველაფერი?!. ასე რომ, ეს არის ტაქტიკა და სწორედ ამ ტაქტიკას ვამხელთ ჩვენ საკონსტიტუციო სასამართლოში ჩვენი სარჩელით, რომ ერთიანი ორგანიზმია და, რაღაც მომენტებში, სხვადასხვა ქცევა - ესეც პროგრამირებულია და ჩადებულია ამ ერთიან ორგანიზმში", - აცხადებს შალვა პაპუაშვილი.

1793698684

"უკრაინაში ახლაც და ზოგადად უმძიმესი ვითარება რომ არის, ამას დიდი დაკვირვება არ სჭირდება, მაგრამ განსაკუთრებით სულისშემძვრელია ის ფაქტები განსაკუთრებით, რაც ახლა გავიგეთ და შევიტყვეთ ყველამ.უკრაინელ ხალხზე და უკრაინაზე საუბარს იცით, ჩვენ ყოველთვის თავს ვარიდებთ, განსაკუთრებით 2022 წლის შემდეგ, რადგან ომშია ქვეყანა. მაგრამ ამ ქვეყანას ჰყავს თავისი მმართველობითი რგოლი, მმართველობითი ორგანოები, მმართველები და პასუხისმგებელი პირები, რომლებიც თითოეულ განვითარებულ მოვლენაზე ომის პერიოდში თუ მშვიდობის პერიოდში პასუხისმგებლები არიან თავის ქვეყანაში.რა გასაკვირია, როდესაც მიხეილ სააკაშვილი გყავს თანამდებობაზე და „ნაცმოძრაობის“ ყოფილი წევრები თანამდებობაზე გყავს უკრაინაში და აი ამ რეჟიმის წარმომადგენლებს და მწამებლებს ადეიშვილი და ძმანი და დანი მათნი გყავს და უცხოეთში დაატარებს სხვადასხვა წარმომადგენლად, ქვეყანა წარმოადგინოს რატომ გვიკვირს, რომ სადმე სარდაფში ჯარისკაცს ან ადამიანს აწამებენ? რატომ გვიკვირს ეს ყველაფერი? ეს იყო ხალხი, რომელმაც 2012 წლამდე საქართველოში წამების გენერალური რეპეტიცია გაიარა, თუ რას ნიშნავს, როგორ უნდა დაუსახიჩრო ადამიანს სული და როგორ უნდა დაასახიჩრო ყველაფერი ის, რაც შენ ბინძურ კონკრეტულ მიზანს არ ემსახურება.ვინც გაექცა ეგრეთ წოდებული ნაკარნახები კოჰაბიტაციის დროს, და ყველამ კარგად ვიცით, თუ რა პერიოდში მოვიდა ბიძინა ივანიშვილი თავის გუნდთან ერთად და რა კოალიციით მოვიდა, სამწუხაროდ, რამდენიმე ადამიანმა მოახერხა ქვეყნიდან წასვლა, მაგრამ ვიცით, რომ ყველა მსჯავრდებულია და კანონს ვერავინ გაექცა ჩვენს ქვეყანაში", - განაცხადა ირაკლი კირცხალიამ.ცნობისთვის, კიევთან ახლოს მდებარე სოფელ პეტროპავლოვსკაია ბორშჩაგოვკაში ასობით ადამიანი შეიკრიბა და ერთ-ერთ სახლში უკრაინელ სამხედროების წამება გააპროტესტა.მოქალაქეების ინფორმაციით, სახლში 40-ზე მეტი პირი ჰყავდათ გამოკეტილი, რომლებიც არაადამიანური მოპყრობის მსხვერპლი იყვნენ.

1793691586

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, რატი იონათამიშვილის განცხადებით, ის ძალადობა, რომელსაც ევრობიუროკრატები საქართველოში აქეზებდნენ და ახალისებდნენ, დღეს მათ საკუთარ ქალაქებში მიიღეს, რაც ბუნებრივი და კანონზომიერი ფაქტია."ჩვენ ხშირად გვაკრიტიკებდნენ, უსამართლოდ, "დემოკრატიის უკუსვლის" გამო, დღეს კი ვხედავთ, რომ დემოკრატია დასაცავი ევროპაში გახდა და ამ ევროპაში დემოკრატიის დაცვის პროცესში საქართველო მათთვის უკვე მაგალითადაც კი იქცა. რასაკვირველია, სინამდვილეში, ცვლილებები, რომელიც ჩვენ შეგვქონდა მანიფესტაციების შესახებ კანონში, გამჭვირვალობის კანონში, სხვა მიმართულებით, სწორედ დემოკრატიის დასაცავად იყო მიღებული და ის ძალადობა, რომელსაც ეს ევრობიუროკრატები აქ აქეზებდნენ და ახალისებდნენ, დღეს მათ საკუთარ ქალაქებში მიიღეს, რაც ბუნებრივი და კანონზომიერი ფაქტია. მაგრამ, თუნდაც ის, რომ დღეს საკუთარ ქვეყნებში მათი შეხედულებები, გადაწყვეტილებები, შეფასებები რადიკალურად განსხვავდება იმ ყველაფრისგან, რაც საქართველოს მიმართებით ჰქონდათ, ვფიქრობ, პირველ რიგში, ამ ევრობიუროკრატებს, თუ უნდათ, რომ საკუთარი რეპუტაცია გადაარჩინონ, ბოდიში უნდა მოუხადონ საქართველოსა და ქართველ ხალხს", - განაცხადა რატი იონათამიშვილმა.

1793624299

თბილისის მერმა მადლობა გადაუხადა ცხოველთა მონიტორინგის სააგენტოს თანამშრომლებს, რომლებიც მისივე თქმით, აგრესიული ჯგუფების მხრიდან თავდასხმებისა და მუქარების მიუხედავად, ემსახურებიან დედაქალაქს და ზრუნავენ მიუსაფარ ცხოველებზე."სპეკულაციები და ტყუილები, თითქოს ცხოველთა მონიტორინგის სააგენტო მიუსაფარ ცხოველებს ხოცავს ან სულაც ცოცხლად მარხავს, თბილისის მერიის დისკრედიტაციას და საზოგადოებაში ნეგატიური მუხტის გაჩენას ემსახურება. მოსახლეობას კი მოვუწოდებ, არ აჰყვეთ გადაუმოწმებელ ინფორმაციას, დაეყრდენით მხოლოდ ოფიციალურ, გადამოწმებულ წყაროს. თუ დააკვირდებით, ის ადამიანები, რომლებიც ყველაზე მეტად აქტიურობენ, იმ პოლიტიკური პროცესების თანამონაწილეები არიან, რომლებიც ყოველთვის მარცხდებიან. გამოდიან რაღაც ტყუილებით, სისულელეებით, სიბინძურეებით. ვიცით, როგორ ხდება, საიდან იმართება ზოგადად პოლიტიკური აქტივობები, ვინ არიან მათი პატრონები. ყველა ტყუილი, სიცრუე და ცილისწამება განწირულია მარცხისთვის", - განაცხადა კახა კალაძემ.