1752675416

შსს-ს შიდა ქართლის დეპარტამენტის უფროსმა, მომხდარის დეტალებზე ისაუბრა."შიდა ქართლის პოლიციის თანამშრომლებს, რომლებიც სამსახურებრივ მოვალეობას ასრულებდნენ, გორის სოფელ ხელთუბანში თავს რამდენიმე მოქალაქე დაესხა და ცივი იარაღის, კერძოდ დანისა და ცულის გამოყენებით მიაყენეს მათ სხვადასხვა დაზიანება. აღნიშნულ ფაქტზე დაკავებულია 5 პირი, დაშავებული პოლიციელები კი კლინიკაში იმყოფებიან. ამჟამად მათი მდგომარეობა საბედნიეროდ სტაბილურია. ყველა პოლიციის თანამშრომელი იყო ფხიზელი, ამას სრული პასუხისმგებლობით ვაცხადებ", - აღნიშნავს შსს-ს შიდა ქართლის დეპარტამენტის უფროსი, კახა ბუხრაშვილი.მომხდარზე გამოძიება სისხლის სამართლის კოდექსის 353-ე პრიმა მუხლის მეორე ნაწილით მიმდინარეობს.

1752567728

"პაციენტს აღენიშნებოდა ქალა-სარქვლის მოტეხილობა, თხემის ძვლის იმპრესიული მოტეხილობა. მისი მდგომარეობა შემოსვლისას იყო სტაბილური. იყო კონტაქტური, ადეკვატური, თუმცა საყურადღებო. გადაყვანილია რეანიმაციულ განყოფილებაში, უგრძელდება შესაბამისი მკურნალობა, ინტენსიური მეთვალყურეობა და მოვლა. აღნიშნული ტრავმული დაზიანება, საბედნიეროდ, ოპერაციულ მკურნალობას არ საჭიროებს“, - აცხადებს "გლობალ მედის" საუნივერსიტეტო კლინიკის გენერალური დირექტორი სოფო ბაბუციძე.

1752520891

"მოყვანილია კლინიკაში ქალბატონი, 49 წლის, სასწრაფო დახმარების ბრიგადის მიერ. ამჟამად მიმდინარეობს კლინიკო-ლაბორატორიული გამოკვლევები. ქალბატონი კონტაქტურია,  ადეკვატური, გადაღებულია მაღალტექნოლოგიური კვლევები. ამჟამად, პაციენტის მდგომარეობა დამაკმაყოფილებელია.პოლიტრამვის დიაგნოზით არის პაციენტი შემოყვანილი, თხემი-ძვლის დაზიანება აქვს. პირველადი ცნობებით, თხემი-ძვლის იმპრესიული მოტეხილობაა. ამჟამად, ნეიროქირურგის მეთვალყურეობის ქვეშ იმყოფება. სავარაუდოდ, პირველადი ცნობებით, ოპერაციულ მკურნალობას არ საჭიროებს" - ამბობს "გლობალმედის" საუნივერსიტეტო კლინიკის გენერალური დირექტორი, სოფიო ბაბუციძე.თევდორე მღვდლის ქუჩაზე ძებნა-შველის ოპერაცია ამ წუთებშიც გრძელდება. სამაშველო სამსახურის წარმომადგენლები მობილიზებულები არიან სპეცაღჭურვილობებით, სპეცტექნიკით და მიმდინარეობს შემთხვევის ადგილის გაწმენდითი სამუშაოები.ბოლო მონაცემებით, შემთხვევას ორი ადამიანი ემსხვერპლა. 

1752043623

პირველი საუნივერსიტეტო კლინიკიდან პაციენტის გაყვანამდე რამდენიმე საათით ადრე, რიჟვაძის ჯანმრთელობის მდგომარეობა სამედიცინო დაწესებულების ხელმძღვანელმა შეაფასა. ლევან რატიანის თქმით, მდგომარეობა სტაბილურად მძიმეა, თუმცა შენარჩუნებულია დადებითი დინამიკა და მართვითი სუნთქვიდან მალე უნდა მოიხსნას.გულ-მკერდში მიყენებული ცეცხლნასროლი ჭრილობით, აჭარის მთავრობის ყოფილი ხელმძღვანელი კლინიკაში სამი დღის წინ შეიყვანეს.პარალელურად, თორნიკე რიჟვაძის, სავარაუდოდ, თვითმკვლელობის მცდელობის საქმეზე გამოძიება გრძელდება. სხვა საგნებთან ერთად, ექსპერტიზა უტარდება იმ წერილსაც, რომელიც, გავრცელებული ინფორმაციით, რიჟვაძემ თვითმკვლელობის მცდელობამდე დაწერა.რაც შეეხება ალექსი ახვლედიანს, რომლის სახლშიც და რომლის იარაღიდანაც მოხდა გასროლა - სასამართლომ ის, 30 000-ლარიანი გირაოს საფუძველზე, გუშინ, დღის ბოლოს, დარბაზიდან გაათავისუფლა. მას ცეცხლსასროლი იარაღის დაუდევრად შენახვას ედავებიან, რამაც მძიმე შედეგები გამოიწვია.

1751991909

"პაციენტის ზოგადი მდგომარეობა ამ ეტაპზე არის დადებითი დინამიკით, კლინიკა გაუმჯობესებულია. კლინიკის გაუმჯობესება ნიშნავს იმას, რომ ტრავმულ-გემორაგიული შოკის კლინიკა აღარ არსებობს, ანუ ალაგებულია. ფილტვის ხელოვნური ვენტილაციის პარამეტრები, რეჟიმები გამარტივებულია. ნევროლოგიური სტატუსის მხრივ კონტაქტი მყარდება. კონტაქტურია, ადეკვატურია, ასრულებს მარტივ დავალებებს. გრძელდება დაგეგმილი მკურნალობა პროტოკოლის გათვალისწინებით," -განაცხადა ლევან რატიანმა.

1751885872

"მძიმე ტრავმა აქვს მიღებული, ცეცხლსასროლი ჭრილობა აქვს მიყენებული. შესაბამისად, ჩაუტარდა გადაუდებელი ღონისძიებები. ქირურგიული ოპერაცია იქვე ადგილზე ჩაუტარდა. ყველა საჭირო პროცედურა იქნა განხორციელებული საიმისოდ, რომ სასიცოცხლოდ მნიშვნელოვანი პარამეტრები აღდგენილიყო. ეს წარმატებით მოხერხდა. შემდეგ მიღებული იქნა გადაწყვეტილება აქ, პირველ საუნივერსიტეტო კლინიკაში გადმოყვანასთან დაკავშირებით. ის ამჟამად იმყოფება რეანიმაციულ განყოფილებაში, ვინაიდან ძალიან მძიმე ტრავმები არის სახეზე. რა თქმა უნდა, სჭირდება ინტენსიური მკურნალობა. ბუნებრივია, ამ დროს აუცილებელია გარკვეული პრევენციული ღონისძიების ჩატარება, სამედიცინო თვალსაზრისით. რაც აუცილებელია სიცოცხლის გადარჩენისთვის, ჯანმრთელობის შენარჩუნებისთვის, უკლებლივ ყველაფერი უკეთდება ბატონ თორნიკეს," - განაცხადა მიხეილ სარჯველაძემ.აჭარის მთავრობის ყოფილი თავმჯდომარე საგარეჯოდან თბილისში დილით გადმოიყვანეს. მას ცეცხლნასროლი ჭრილობა გულის არეში აქვს. საქმე თვითმკვლელობამდე მიყვანის მუხლით არის აღძრული.

1751884656

ცნობისთვის, აჭარის მთავრობის ყოფილი თავმჯდომარე, თორნიკე რიჟვაძე საგარეჯოდან თბილისში პირველ საუნივერსიტეტო კლინიკაში გადაიყვანეს. მას ცეცხლნასროლი ჭრილობა გულის არეში აქვს მიყენებული. საქმე თვითმკვლელობამდე მიყვანის მუხლით არის აღძრული.შემთხვევა კახეთში, რიჟვაძის ნათესავის, საზღვაო ტრანსპორტის სააგენტოს უფროსის სახლში მოხდა. ალექსი ახვლედიანი დაკავებულია, მას ცეცხლსასროლი იარაღის დაუდევრად შენახვას ედავებიან.

1751884093

"გვიან ღამით შეიყვანეს საგარეჯოს კლინიკაში ბატონი თორნიკე. მძიმე ტრავმა აქვს მიღებული. ცეცხლნასროლი ჭრილობა აქვს მიყენებული, შესაბამისად, ჩაუტარდა გადაუდებელი ღონისძიებები, ქირურგიული ოპერაცია იქვე, ადგილზე. ყველა საჭირო პროცედურა განხორციელდა საიმისოდ, რომ სასიცოცხლოდ საჭირო პარამეტრები აღდგენილიყო. ამჟამად რეანიმაციულ განყოფილებაში იმყოფება, ვინაიდან მძიმე ტრავმები აქვს. ყველაფერი უკეთდება, რაც საჭიროა სიცოცხლის გადარჩენისთვის. ძალიან მძიმე, შოკის მომგვრელი ამბავი იყო ყველასთვის. ერთი ჭრილობა აქვს და საბედნიეროდ მხოლოდ ფილტვია დაზიანებული და სხვა სასიცოცხლოდ მნიშვნელოვან ორგანოებს არ შეხებია“, - აღნიშნა სარჯველაძემ.შსს-ს ინფორმაციით, აჭარის მთავრობის ყოფილი თავმჯდომარე თორნიკე რიჟვაძე დღეს საგარეჯოს "ჯეოჰოსპიტალსში“ გულმკერდის არეში ცეცხლნასროლი ჭრილობით შეიყვანეს.საქმეზე გამოძიება თვითმკვლელობამდე მიყვანას მუხლით მიმდინარეობს. ცეცხლსასროლი იარაღის დაუდევრად შენახვისთვის დაკავებულია ალეკო ახვლედიანი.მომხდარის შემდეგ საგარეჯოში ჩავიდა და ადგილზე გაეცნო სიტუაციას შინაგან საქმეთა მინისტრი გეკა გელაძე. კახეთში ჩავიდა ჯანდაცვის მინისტრიც, რომელიც საავადმყოფოში იმყოფებოდა.