1793001511

"კიდევ ერთხელ დადასტურდება, რომ ისინი სხვადასხვა სახელისა და ნომრის მქონე პარტიები არიან, მაგრამ რეალურად ერთი განაყარია, ერთი და იმავე განზრახვით მოქმედებენ.ყველა ის ქმედება, რომელსაც ვხედავ 2021 წლიდან, გახარიას პარტიის ჩამოყალიბების შემდეგ - არადემოკრატიული, არასახელმწიფოებრივი ქმედებები, პროცესზე იქნება ხაზგასმული, ნაწილ შემთხვევაში დამოუკიდებლად, ნაწილ შემთხვევაში კი, ერთად.ამავდროულად, მათაც შეერაცხებათ ის ქმედებები, რომელსაც არ გაემიჯნენ და კოალიციაში შესვლით დაეთანხმნენ.ერთი არის მათ მიერ გაკეთებული განცხადებები, რეალობა არის მეორე - მათ მიერ გადადგმული ნაბიჯები, რომელიც არის ანტისახელმწიფოებრივი", - განაცხადა არჩილ გორდულაძემ.

1792998990

როგორც თენგიზ შარმანაშვილმა აღნიშნა, მათმა ოპონენტებმა ძალიან კარგად გაიაზრეს, თუ რას ედავება მმართველი გუნდი."დღეს ჩვენი მომხსენებელი გამოვა და სასამართლოს წარუდგენს მტკიცებულებას. თავად მოსამართლემაც ახსნა, რას ედავებიან მათ. ასე რომ, ძალიან კარგად იციან, რას ვედავებით.რაც მალე გამოვლენ ილუზიიდან, რომ მათ მოსახლეობის ფართო მხარდაჭერა აქვთ, მით უკეთესი იქნება მათთვის, როგორ ადამიანებისთვის, ასევე პოლიტიკოსებისთვის.ილუზიებში ცხოვრება ძალიან რთულია და კარგი იქნება, თუ ამ ილუზიებს თავს დაანებებენ", - განაცხადა თენგიზ შარმანაშვილმა.

1792998836

"ვდებთ მათთან შეთანხმებას, თუ საბოლოოდ გავანადგურებთ?" - ეს არის ერთადერთი კითხვა, რომელიც მაწუხებს", - აცხადებს ტრამპი.მისი განმარტებით, ჰორმუზის სრუტეს აშშ აკონტროლებს, ირანი კი არაფერს იღებს იქიდან."ჩვენ ახლა ჰორმუზის სრუტეს ვაკონტროლებთ. ჩვენ ყველაფერს ვიღებთ და ისინი არაფერს იღებენ. ამასთან, აშშ-მა ზუსტად იცის, რა ხდება პიკაქსის მთაზე, (ირანის მნიშვნელოვან ბირთვულ ობიექტზე, რომელზეც თავდასხმა ჯერ არ განხორციელებულა). ჩვენ იქ შეგვიძლია, ნებისმიერი პირის პერანგზე დაკიდებული ბეიჯიც კი გავარჩიოთ", - განაცხადა პრეზიდენტმა.

1792997237

დემონსტრანტები განათლების სისტემაში არსებულ პრობლემებს, უმუშევრობასა და სამთავრობო კორუფციას აპროტესტებენ, ითხოვენ პრემიერ-მინისტრის გადადგომას. ედი რამა თანამდებობის დატოვებას გამორიცხავს და არეულობის აღსაკვეთად კანონმდებლობის გამკაცრებას აანონსებს.პრემიერ-მინისტრის მიერ წარდგენილი ახალი ინიციატივით, ძალადობრივ პროტესტში მონაწილეობა დაახლოებით 6 000 დოლარით დაჯარიმდება; გამკაცრდება სოციალური ქსელების კონტროლიც და ონლაინსივრცეში ძალადობისკენ მოწოდებებზე სისხლის სამართლებრივი დევნა დაიწყება.პარალელურად, ამოქმედდება კომპენსაციის მექანიზმი იმ მცირე ბიზნესებისთვის, რომლებიც არეულობის დროს დაზარალდნენ.

1792776705

მედიის ცნობით, შეთანხმების მიზანია ჰუმანიტარული დახმარების მიწოდების უზრუნველყოფა და ფრონტის ხაზთან ახლოს ჩარჩენილი მშვიდობიანი მოსახლეობის ევაკუაცია.თეთრი სახლის ინფორმაციით, ლოკალური ცეცხლის შეწყვეტის რეჟიმი 29 ოქტომბერს უნდა ამოქმედდეს. ორივე მხარე შეთანხმდა, რომ უკრაინის სამხრეთში მდებარე ქალაქში სამხედრო მოქმედებებს შეაჩერებს და შექმნის სპეციალურად განსაზღვრულ უსაფრთხო დერეფანს იმ პირებისთვის, რომლებსაც ქალაქის დატოვება სურთ.ოლეშკი, მდინარე დნეპრის აღმოსავლეთ ნაპირზე, რუსეთის მიერ ოკუპირებულ ტერიტორიაზე, უკრაინის კონტროლქვეშ მყოფ ქალაქ ხერსონის მოპირდაპირედ მდებარეობს.რუსეთის სრულმასშტაბიან შეჭრამდე ქალაქში დაახლოებით 24 000 ადამიანი ცხოვრობდა. თეთრი სახლის შეფასებით, ამჟამად იქ მხოლოდ 1 700-დან 2 000-მდე მცხოვრებია დარჩენილი, მათ შორის, დაახლოებით 50 ბავშვია.

1792767583

ემანუელ მაკრონის გადაწყვეტილებით, შაბათს ქვეყნის მასშტაბით დემონსტრაციები შეიზღუდება, გამონაკლისი მხოლოდ ოფიციალური პროფკავშირების ორგანიზებული მსვლელობები იქნება. დემონსტრაციები სრულად აიკრძალა დიდ ქალაქებში. ღამით მოქმედებს კომენდანტის საათი."დამრბევების, მაროდიორებისა და ძალადობრივ აქტებში მონაწილე პირების მიმართ სრულიად შეურიგებელნი ვიქნებით. ეს ეხება ულტრამემარცხენე და რადიკალურ მემარცხენე პოლიტიკურ დაჯგუფებებსაც. სამართალდამცველებმა მაქსიმალური სიმკაცრე უნდა გამოიჩინონ. დამნაშავეთა დასაკავებლად მკაცრად იმოქმედებენ. თითოეულ შემთხვევას შესაბამისი მსვლელობა მიეცემა და კანონდამრღვევებს სამართლებრივი პასუხისმგებლობა დაეკისრებათ. მინდა გავაფრთხილო ყველა, ვინც მართლსაწინააღმდეგო ქმედებებში მონაწილეობას გეგმავს: კანონდარღვევის შემთხვევაში რეაგირება უკომპრომისო იქნება. ჩვენ განსაკუთრებული სიმკაცრით ვიმოქმედებთ", - აცხადებს საფრანგეთის შინაგან საქმეთა მინისტრი ლორან ნუნიესი.