1794460638

ზელენსკის თქმით, უკრაინას დონბასის დათმობას სთავაზობენ. მისი განცხადებით, ასე საუბარი უკრაინასთან შეუძლებელია."შეერთებული შტატები მიიჩნევს, რომ ომის დასასრულებლად უკრაინელები თავიანთი ტერიტორიიდან უნდა გავიდნენ. ისინი უკრაინას დონბასის დათმობას სთავაზობენ.ამერიკული მხარე მუდმივად აყენებს ამ საკითხს და ტერიტორიულ დათმობებს ომის დასრულების გზად მიიჩნევს. ჩვენთან ასეთი ფორმით საუბარი შეუძლებელია", - განაცხადა ზელენსკიმ.

1794460600

პროფკავშირების ცნობით, საყოველთაო გაფიცვაში ოთხი მილიონი ესპანელი მუშა მონაწილეობდა.ადამიანებმა საპროტესტო ჯაჭვები შექმნეს. პროტესტის მთავარი მიზეზი ქვეყანაში საცხოვრებლების გაძვირება და კრიზისია - ეს ყველაფერი კი ვადამდელ საპარლამენტო არჩევნებამდე სამი კვირით ადრე ხდება.ეს 2012 წლის შემდეგ (ევროზონის ვალების კრიზისის დროინდელი აქციების მერე) პირველი ასეთი მასშტაბური გაფიცვაა. აქციას მხარს უჭერს ესპანეთის ორი უმსხვილესი პროფკავშირი (UGT და CCOO), რომლებიც მილიონზე მეტ მუშას აერთიანებს.

1794460271

მედიის ინფორმაციით, ამ დროისთვის მაშველები ნანგრევებში სხვა შესაძლო დაზარალებულებს ეძებენ.ნიუ-იორკის სახანძრო სამსახურის ხელმძღვანელის, ჯონ ესპოზიტოს განცხადებით, ჩამოინგრა 1930 წელს აშენებული, ოთხბინიანი საცხოვრებელი შენობა და გვერდით მდებარე სამშენებლო მოედანზე გადავარდა, სადაც მიწის გათხრითი სამუშაოები მიმდინარეობდა.მისივე თქმით, შემთხვევის მიზეზს შესაბამისი სამსახურები იკვლევენ.ოფიციალური პირების განცხადებით, ჯერჯერობით უცნობია, რამდენი ადამიანი იმყოფებოდა სახლში ნგრევის მომენტში, რომელიც ადგილობრივი დროით 16:00 საათზე მოხდა. მათ ასევე არ დაუკონკრეტებიათ, რამდენი მუშა იმყოფებოდა სამშენებლო მოედანზე შენობის ჩამონგრევის დროს.

1794402584

როგორც Bloomberg-ი წერს, აშშ-ისა და ისრაელის საჰაერო დარტყმების შედეგად ირანის რეგულარული შეიარაღებული ძალების სამხედრო შესაძლებლობები დიდწილად განადგურებულია. თუმცა, დასავლელი ოფიციალური პირის განცხადებით, რომელიც სამხედრო დაზვერვის ანგარიშებს ეყრდნობა, ირანს, სავარაუდოდ, სულ მცირე 1 700 ბალისტიკური რაკეტა აქვს და ახალ რაკეტებსაც აწარმოებს, თუმცა ომამდე არსებულ ტემპთან შედარებით უფრო ნელა."ირანის ისლამური რევოლუციის გუშაგთა კორპუსმა" (IRGC), რომელიც ქვეყნის სამხედრო სტრუქტურაში ყველაზე გავლენიან და ძლიერ ძალას წარმოადგენს, სამშაბათს ვიდეომასალაც გაავრცელა. კადრებში, როგორც თავად უწყება აცხადებს, ნაჩვენებია ახალი მიწისქვეშა "სარაკეტო ქალაქის" გახსნა.ლონდონის კინგსის კოლეჯის ომის კვლევების დეპარტამენტის მოწვეული მკვლევრისა და CIA-ს ყოფილი ანალიტიკოსის, ჯიმ ლამსონის განცხადებით, რომელიც ირანისა და ახლო აღმოსავლეთის საკითხებშია სპეციალიზებული, ირანის არსენალში შესაძლოა ათასობით "შაჰედის“ ტიპის დამრტყმელი უპილოტო საფრენი აპარატი (დრონი) იყოს დარჩენილი.მისი განმარტებით, ბალისტიკური რაკეტებისა და "შაჰედის" ტიპის დრონების ზუსტი რაოდენობის დადგენა რთულია. "უცნობია, რამდენად დიდი იყო ირანის იარაღის მარაგი ომამდე და რა მასშტაბით შეძლო ქვეყანამ უკვე გაშვებული, ან განადგურებული რაკეტების მარაგის შევსება", - აღნიშნა მან.

1794402537

Reuters-ის მიერ ნანახი წერილის ასლის თანახმად, იტალიაში მიღებულ ელექტრონულ შეტყობინებას ხელს აწერს მიხაილ ანდროპოვი, რომელიც საკუთარ თავს "მიზოგინისტანის ვილაიეთის ლიდერს" უწოდებს.მედიის ინფორმაციით, იმავე სავარაუდო ავტორმა პასუხისმგებლობა აიღო ირლანდიასა და ბულგარეთში მედიასაშუალებებისთვის ელექტრონული ფოსტით გაგზავნილ მუქარაზე.იტალიის თავდაცვის მინისტრმა გვიდო კროზეტომ მუქარებთან დაკავშირებით განაცხადა, რომ "ეს უკვე საკმაოდ მკაფიო სტრატეგიის ნაწილია - შიშის გავრცელებისა და ადამიანებში შფოთვის გაღვივების მიზნით“."ასეთი ქმედებების უკან ყოველთვის უცხო სახელმწიფოები ან მტრული ორგანიზაციები არ დგანან. არსებობენ ყურადღების მაძიებელი ადამიანებიც და შეშლილებიც, რომლებიც ასეთ დროს ცდილობენ ქალაქში ან რეგიონში ტერორის დათესვის შესაძლებლობა ხელიდან არ გაუშვან“, - დასძინა მან.რომის პოლიციის წარმომადგენლის განცხადებით, მომხდარს იტალიის სამართალდამცავი ორგანოები იძიებენ.

1794402496

"ჩვენ გვჭირდება, რომ ევროპელები მოლაპარაკებების მაგიდასთან იყვნენ", - განაცხადა კუშნერმა POLITICO-ს კითხვის საპასუხოდ."ჩვენ პრეზიდენტ პუტინსა და მის გუნდს რამდენჯერმე პირდაპირ გადავეცით, რომ ამ საქმის ბოლომდე მიყვანის ერთადერთი გზა მათი ჩვენ გვერდით ყოფნაა და ვფიქრობ, მათ ამის მიმღებლობა აქვთ"."ვიმედოვნებ, ხვალ მოსკოვში სტივი და მე წარმატებას მივაღწევთ და პრეზიდენტი პუტინი ამის განხორციელებაზე კურთხევას გასცემს. ვფიქრობ, თუ ის ამას დათანხმდება, ჩვენ შევძლებთ გაცილებით მეტი პროგრესის მიღწევას მნიშვნელოვან საკითხებზე".კუშნერმა ასევე განაცხადა, რომ რუსეთი და უკრაინა შეთანხმდნენ ტყვეთა გაცვლაზე, რომელიც, სავარაუდოდ, ომის დაწყების შემდეგ ყველაზე მასშტაბური იქნება. რიცხვები ხუთშაბათს დადასტურდება, დასძინა მან.მისივე თქმით, მთლიანობაში, აბუ-დაბიში გამართული ორდღიანი მოლაპარაკებები შინაარსიანი და რთული იყო.

1794398495

მედიის ინფორმაციით, საფრანგეთის შეშფოთება იმ ფონზე გამოიკვეთა, როდესაც გერმანია - გაერთიანებულ სამეფოსთან, პოლონეთთან, ჩრდილოეთ და ბალტიისპირეთის ქვეყნებთან ერთად მნიშვნელოვნად აძლიერებს შორი მოქმედების იარაღის არსენალს. ამ ნაბიჯის მიზანი მოსკოვის შეკავებისა და ევროპის თავდაცვისუნარიანობის გაძლიერებაა.ბერლინი სახმელეთო ბაზირების სხვადასხვა ტიპის რაკეტებს ყიდულობს და ავითარებს. მათი მოქმედების სიშორე 500-დან 2 000 კილომეტრზე მეტს აღწევს, რაც გერმანიის შეიარაღებულ ძალებს რუსეთის ტერიტორიის სიღრმეში მდებარე სამიზნეებზე დარტყმის შესაძლებლობას მისცემს."ეს გერმანიის ძალისხმევის ნაწილია, რომლის მიზანიც ევროპაში გადაიარაღების პროცესის ლიდერობაა. აღნიშნული პროცესი პასუხია, როგორც რუსეთის მიერ უკრაინაში დაწყებულ სრულმასშტაბიან შეჭრაზე, ისე პრეზიდენტ დონალდ ტრამპის მმართველობის პირობებში, აშშ-ის მიერ ევროპის უსაფრთხოების მიმართ ნაკისრი ვალდებულებების ერთგულების საკითხში არსებულ კითხვის ნიშნებზე", - წერს Financial Times-ი.

1794392643

"არაფერი შეცვლილა", - განაცხადა ევროკავშირის ერთ-ერთმა დიპლომატმა უკრაინულ მედიასთან, უნგრეთის პოზიციის კომენტირებისას.ამასთან, მედიის ინფორმაციით, მე-4 და მე-5 კლასტერების გახსნის საკითხი მოლდოვისთვისაც არ დამტკიცებულა.უკრაინისა და მოლდოვის ევროკავშირში გაწევრიანების შესახებ მოლაპარაკებების ფარგლებში გასახსნელი მხოლოდ ორი კლასტერი დარჩა. ესენია: მე-4 კლასტერი - "მწვანე დღის წესრიგი და მდგრადი დაკავშირებადობა"; მე-5 კლასტერი - "რესურსები, სოფლის მეურნეობა და თანმიმდევრობის პოლიტიკა".

1794390737

რამდენიმე წყარო ადასტურებს, რომ სატელეფონო საუბარი განსაკუთრებით რთული და დაძაბული იყო. ერთ-ერთმა მას "ჯოჯოხეთური ყვირილის შეჯიბრიც" კი უწოდა.მედიის ინფორმაციით, ისრაელის პრემიერ-მინისტრის ოფისი ამგვარ შეფასებებს კატეგორიულად უარყოფს და ამტკიცებს, რომ საუბარი სულაც არ ყოფილა რთული."ყალბი ამბავია, სრული სისულელე", - აცხადებენ ნეთანიაჰუს ოფისში.ისრაელის ერთ-ერთმა მაღალჩინოსანმა ასევე დაადასტურა, რომ სატელეფონო საუბარი შედგა, თუმცა ხაზგასმით აღნიშნა, რომ ის "რთული არ ყოფილა".

1794386764

საცხოვრებელთან დაკავშირებული კრიზისის გამო საზოგადოებაში უკმაყოფილებამ სექტემბერში იფეთქა, მას შემდეგ, რაც მადრიდში ხანდაზმული ქალი საცხოვრებლიდან გამოასახლეს. ის ამ სახლში 1956 წლიდან ცხოვრობდა.ამის შემდეგ ქვეყნის მასშტაბით გამართულ საპროტესტო აქციებში ასობით ათასი ადამიანი მონაწილეობდა. პროტესტის ფონზე, პრემიერ-მინისტრმა პედრო სანჩესმა ესპანეთის პარლამენტს საცხოვრებელთან დაკავშირებული კანონპროექტი წარუდგინა, რომლის განხილვაც დიდი ხნის განმავლობაში გადადებული იყო. მას შემდეგ, რაც კანონმდებლებმა კანონპროექტი უარყვეს, სანჩესმა ვადამდელი არჩევნების დანიშვნა გადაწყვიტა.„თითოეულ თაობას თავისი ბრძოლა აქვს. ჩვენი თაობის ბრძოლა საცხოვრებლის საკითხია და ჩვენ ამ პრობლემას ხალხის მხარდაჭერით გადავჭრით“, - განაცხადა სანჩესმა ვადამდელი არჩევნების დანიშვნის გამოცხადებიდან მალევე გამართულ წინასაარჩევნო შეხვედრაზე.