1788953448

იტალიური საინფორმაციო სააგენტო ANSA-ს ინფორმაციით, საუბარია რობერტა პინოტიზე, რომელიც თავდაცვის მინისტრის პოსტს მატეო რენცისა და პაოლო ჯენტილონის ცენტრისტულ-მემარცხენე მთავრობებში იკავებდა, რომელთა შეხედულებები ამჟამინდელი იტალიის მთავრობისგან განსხვავებული იყო.მედიის ცნობით, ექსპერტთა ჯგუფის შექმნის წინააღმდეგ საფრანგეთი და რიგი სხვა ქვეყნებიც გამოვიდნენ. მათ ხაზი გაუსვეს იმ ფაქტს, რომ საკითხი მინისტრთა დონეზე არ განხილულა და მოულოდნელი აღმოჩნდა ევროპის უმეტესი მთავრობებისთვის.ზეწოლა იმდენად ძლიერი იყო, რომ ევროპის საგარეო ქმედებათა სამსახური (EEAS) იძულებული გახდა ინიციატივაზე უარი ეთქვა.EEAS-ის პერსპექტივიდან გამომდინარე, ინიციატივის ექსპერტული და საკონსულტაციო ხასიათი ნიშნავდა, რომ ყველა ქვეყნის წარმომადგენლის მონაწილეობა საჭირო არ იყო და ყველაზე აშკარა კანდიდატები ყოფილი პოლიტიკური და სამხედრო ფიგურები იყვნენ.euronews-ის ინფორმაციით, ევროკავშირის სამმა წარმომადგენელმა, რომლებმაც საკითხის აქტუალურობის გამო ანონიმურობა ისურვეს, ინიციატივა შეაფასეს, როგორც "ცუდი მენეჯმენტი", "სამწუხარო შეცდომა" და "სრული წარუმატებლობა" (უცენზურო სიტყვების გამოყენებით), რაც ხაზს უსვამს იმას, თუ რამდენად მწვავე იყო უკმაყოფილება პროცესის მიმართ.

1788948677

გამოცემის ინფორმაციით, E1-ის ტერიტორიაზე მშენებლობას აშშ-ის ადმინისტრაციები - როგორც რესპუბლიკელები, ასევე დემოკრატები ეწინააღმდეგებოდნენ.დიდი ბრიტანეთის შემდეგ, კანადამ, დანიამ, ფინეთმა, საფრანგეთმა, ისლანდიამ, ირლანდიამ, ნორვეგიამ, პოლონეთმა, პორტუგალიამ, ესპანეთმა და შვედეთმა, "ეროვნული შეზღუდვების დაწესების და/ან ოკუპირებულ დასავლეთ სანაპიროზე ისრაელის დასახლებებთან საქონლის ვაჭრობაზე ევროპული შეზღუდვების მხარდაჭერის“ შესახებ განაცხადეს.საპასუხოდ, ნეთანიაჰუს მთავრობამ აღმოსავლეთ იერუსალიმში ბრიტანეთის საკონსულოს დახურვის შესახებ განაცხადა, რომელიც პალესტინის ეროვნულ ხელისუფლებასთან ურთიერთობებს აკონტროლებს. მან ასევე გააძევა ბრიტანელი დიპლომატები და სამხედრო პერსონალი, რომლებიც აშშ-ის ხელმძღვანელობით ღაზას რეგიონის სამუშაო ჯგუფში ირიცხებოდნენ. ასევე, დაასრულა ბრიტანეთის სამხედრო საწვრთნელი მისია დასავლეთ სანაპიროზე.გამოცემა აღნიშნავს, რომ სანქციების გამოცხადებამდე, დიდი ბრიტანეთის პრემიერ-მინისტრმა ენდი ბერნჰემმა პრეზიდენტ ტრამპს ინფორმაცია მიაწოდა.წყაროების ინფორმაციით, ტრამპს წინააღმდეგობა არ გაუწევია და ბერნჰემისთვის არ უთხოვია, რომ კურსი შეეცვალა.

1788942802

კოსის თქმით, ისტორიაში პირველად, გაფართოების პროცესის მოწინააღმდეგეები გამოჩნდნენ. კითხვაზე, თუ ვინ არიან ევროკავშირის მოწინააღმდეგეები, მარტა კოსმა უპასუხა: "რუსეთი ნამდვილად ერთ-ერთი მათგანია“."მაგრამ, ევროკავშირი ასევე გრძნობს ზეწოლას დასავლეთიდან, MAGA-ს იდეოლოგებისგან, რომლებიც ცდილობენ დაგვარწმუნონ, რომ ჩვენი ევროპული ცივილიზაცია და ჩვენი ეკონომიკა დაღმასვლის პროცესშია და, რომ ჩვენ არ გვაქვს სათანადო დემოკრატია", — განაცხადა მან.ამასთან, მარტა კოსმა ჩინეთი "განსხვავებულ შემთხვევად" აღწერა და განაცხადა, რომ პეკინს არ განუხორციელებია ისეთი დეზინფორმაციული კამპანიები, როგორიც მოსკოვმა მონტენეგროსა და დასავლეთ ბალკანეთის სხვა კანდიდატ ქვეყნებში განახორციელა.მისი განმარტებით, ჩინეთი ცდილობს კანდიდატ ქვეყნებთან ეკონომიკური კავშირების გაღრმავებას იმ მიზნით, რომ ევროკავშირში მათი გაწევრიანების შემდეგ ეკონომიკური სარგებელი მიიღოს.

1788937382

ისრაელის საგარეო საქმეთა მინისტრის, გედეონ საარის განცხადებით, ბრიტანეთმა უნდა დახუროს თავისი საკონსულო აღმოსავლეთ იერუსალიმში, რომელიც პალესტინის ხელისუფლებასთან არის აკრედიტებული, რაც ბრიტანეთის მიერ მდინარე იორდანეს დასავლეთ სანაპიროზე მდებარე ისრაელის დასახლებებისთვის სანქციების დაწესების საპასუხო ნაბიჯია.ამასთან, მედია წერს, რომ დიდი ბრიტანეთის შემდეგ, საფრანგეთმა და კანადამაც განაცხადეს, რომ დასახლებებიდან საქონლის იმპორტს აკრძალავენ.სიტუაციის შესახებ ინფორმირებული სამი წყაროს ცნობით, ისრაელის მთავრობა, რომელიც სანქციების დაწესებას ელოდა, ოთხშაბათს შეხვედრას გამართავს, რათა განიხილოს საპასუხო ზომები იმ ქვეყნების წინააღმდეგ, რომლებმაც მხარი დაუჭირეს დიდი ბრიტანეთის ინიციატივას.როგორც გამოცემა წერს, საფრანგეთსა და შვედეთს, რომლებმაც ბრიტანეთის ქმედებას მხარი დაუჭირეს, ასევე აქვთ იერუსალიმში საკონსულოები, რომლებიც პალესტინის ხელისუფლებასთან არიან აკრედიტებული.

1788936087

აღნიშნული ობიექტი ნოვოროსიისკის საზღვაო-სავაჭრო პორტის ნაწილია და მისი გამტარუნარიანობა წელიწადში დაახლოებით 4 მილიონ ტონას შეადგენს.მიყენებული ზიანის მასშტაბი არ კონკრეტდება.

1788932652

"ვაუ! გერმანიის პოპულისტურმა პარტიამ ახლახან მართლაც ძალიან დიდი წარმატება მოიპოვა. მათ საბოლოოდ მოჰბეზრდათ აბსოლუტურად საშინელი საიმიგრაციო წესები და რეგულაციები, რომლებმაც გერმანიას ძალიან ავნო", - დაწერა ტრამპმა Truth Social-ზე.ცნობისთვის, კვირას, საქსონია-ანჰალტის ფედერალურ არჩევნებში პარტია "ალტერნატივა გერმანიისთვის" (AfD) პირველი ადგილი დაიკავა, რითაც ულტრამემარჯვენე პარტიამ მეორე მსოფლიო ომის შემდეგ პირველად შეძლო რეგიონულ დონეზე ხელისუფლებაში მოხვედრა.

1788931140

"ირანის საპასუხო ქმედებები არაეფექტური იყო ინტეგრირებული საჰაერო და სარაკეტო თავდაცვის სისტემის წინაშე. ირანმა რაკეტები იორდანიის მიმართულებით ისროლა. აშშ-ის ძალები სრულად აკონტროლებენ სიტუაციას იორდანიაში, აშშ-ის ძალების ყველა ლოკაციაზე", - აღნიშნა ოფიციალურმა პირმა.ირანის მიერ სარაკეტო იერიში მას შემდეგ განხორციელდა, რაც აშშ-მა განაცხადა, რომ სამშაბათს ისლამური რევოლუციის გუშაგთა კორპუსის (IRGC) ხუთი ნავთობტანკერი გაანადგურა, რაც მათი განმარტებით, აშშ-ის საზღვაო ძალების სამხედრო ხომალდზე თავდასხმის მცდელობის საპასუხო ზომა იყო.მანამდე, იორდანიის შეიარაღებულმა ძალებმა განაცხადეს, რომ საჰაერო თავდაცვის სისტემებმა იორდანიის ტერიტორიის მიმართულებით გაშვებული 20 ბალისტიკური რაკეტა მოიგერიეს, მათგან 18-ის წარმატებით ჩაჭრა და განადგურება შეძლეს, ხოლო ორი რაკეტა შორეულ რაიონებში ჩამოვარდა.იორდანიის არმიის განცხადების თანახმად, ადამიანური დანაკარგები არ დაფიქსირებულა.

1788930118

მოთხოვნის შეუსრულებლობის შემთხვევაში, პირველადი ჯარიმა 70 ფუნტი იქნება, სამართლებრივი დევნის დაწყების შემთხვევაში კი 1 000 ფუნტამდე გაიზრდება. აღსანიშნავია, რომ შეზღუდვა არ ვრცელდება იმ შემთხვევებზე, როდესაც სახის დაფარვა რელიგიური კუთვნილების მიზეზით არის განპირობებული.საქალაქო საბჭოს გადაწყვეტილება ბოლო ერთ წელიწადში დაფიქსირებულ 180-ზე მეტ ინციდენტს უკავშირდება, სამართალდამრღვევები საკუთარი იდენტობის დასამალად სწორედ მსგავს ნიღბებს იყენებდნენ - მათ შორისაა გასული წლის ნოემბერში, საშობაო ბაზრობაზე ცივი იარაღით მომხდარი დაპირისპირებაც. მსგავსი აკრძალვები ბრიტანეთის სხვა ქალაქებში და ლონდონის ცალკეულ რაიონებში უკვე მოქმედებს. ინფორმაციას ბრიტანული მედია ავრცელებს.

1788929616

გამოყოფილი თანხა ევროკავშირის 2026-2027 წლების ფართომასშტაბიან მხარდაჭერის ნაწილია, რომლის ფარგლებშიც წელს უკრაინა ჯამში 28 მილიარდზე მეტ ევროს მიიღებს.პარალელურად, ნატო-ს გენერალურმა მდივანმა მოკავშირეებს სამხედრო დახმარების გაზრდისკენ მოუწოდა. უკრაინის მხარდამჭერი ჯგუფის შეხვედრაზე მარკ რუტემ განაცხადა, რომ პარტნიორებმა რესურსები მაქსიმალურად უნდა მოიზიდონ.

1788929539

ერთ-ერთი მათგანის ინფორმაციით, ამერიკულმა ძალებმა ის ირანული ტანკერები დაბომბეს, რომლებიც "ირანის ისლამური რევოლუციის გუშაგთა კორპუსთან" იყვნენ დაკავშირებული. მისი თქმით, დარტყმები აშშ-ის სამხედრო-საზღვაო ძალების ხომალდზე ირანის მხრიდან განხორციელებული სარაკეტო თავდასხმების მცდელობის საპასუხოდ განხორციელდა.მომხდართან დაკავშირებით ირანის ხელისუფლების მხრიდან ოფიციალური განცხადება ჯერჯერობით არ გაკეთებულა და თავდასხმის შესახებ კომენტარი არც აშშ-ის ცენტრალურ სარდლობას გაუკეთებია.