1782320276

მათივე ინფორმაციით, ეს ასახავს მზარდ შეშფოთებას ტრამპის მიმართ, მათ შორის, ზოგიერთი რესპუბლიკელის მხრიდანაც კი, 28 თებერვალს დაწყებული არაპოპულარული კონფლიქტის გამო, როდესაც აშშ-მ და ისრაელმა ირანზე თავდასხმა დაიწყეს.როგორც Reuters-ი წერს, 1973 წლის "საომარი უფლებამოსილებების შესახებ" კანონის მიღების შემდეგ, ეს იყო პირველი შემთხვევა, როდესაც კონგრესის ორივე პალატამ მიიღო რეზოლუცია, რომელიც პრეზიდენტს აშშ-ის სამხედრო ძალების საბრძოლო ოპერაციებიდან გაყვანისკენ მოუწოდებს.

1782316516

კაცის განცხადებით, მან ნათლად აუხსნა ისრაელის პოზიცია თავის ამერიკელ კოლეგას და ისრაელის პრემიერ-მინისტრმა, ბენიამინ ნეთანიაჰუმ ეს აშშ-ის პრეზიდენტ დონალდ ტრამპსაც დაუდასტურა.მედიის ცნობით, კაცის კომენტარები ისრაელსა და ლიბანს შორის ტრამპის ადმინისტრაციის ეგიდით მიმდინარე მოლაპარაკებების მეორე დღეს გაკეთდა.

1782311284

კონგოს დემოკრატიულმა რესპუბლიკამ ებოლას აფეთქების შესახებ გასულ თვეში განაცხადა, თუმცა ექსპერტები ვარაუდობენ, რომ ვირუსი ქვეყანაში რამდენიმე კვირით ადრე ცირკულირებდა.ცენტრალური აფრიკის ამ ქვეყანაში ვირუსით 260-ზე მეტი ადამიანი გარდაიცვალა, ინფიცირებულთა რაოდენობა კი 1000-ზე მეტია.

1782308150

ცნობილია, რომ ნეთანიაჰუმ სასამართლოში გამოსვლა პროკურატურის კრიტიკით დაასრულა. მან თავის წინააღმდეგ მიმდინარე გამოძიებას, ბრალდებასა და სასამართლო პროცესს "10-წლიანი ჯოჯოხეთი" უწოდა და განაცხადა, რომ საქმე პოლიტიკურადაა მოტივირებული.მედიის ინფორმაციით, პროკურატურის მიერ წაყენებულ ბრალდებებს შორისაა კორუფცია, თაღლითობა და ნდობის ბოროტად გამოყენება.სასამართლო პროცესი, რომელიც 2020 წლის მაისში დაიწყო, კიდევ რამდენიმე თვე გაგრძელდება, რადგან სასამართლომ დაცვის მხარის დარჩენილი მოწმეების ჩვენებები უნდა მოისმინოს.უსაფრთხოების ზომებიდან გამომდინარე, ნეთანიაჰუს დაკითხვა თელ-ავივის საოლქო სასამართლოში მიმდინარეობდა, რადგან იერუსალიმის სასამართლოში მისი დაცვის სათანადოდ უზრუნველყოფა ვერ ხერხდებოდა. ახლა კი პროცესი კვლავ იერუსალიმში გაგრძელდება.

1782306686

ნიუ-მექსიკოს შტატში გამართულ დემონსტრაციას, სადაც ლაზერული და მიკროტალღური იარაღის შესაძლებლობები წარმოაჩინეს, პიტ ჰეგსეტთან ერთად, პენტაგონის მთავარი ტექნიკური დირექტორი, ემილ მაიკლიც ესწრებოდა."ოქროს გუმბათის" კონცეფცია ასობით თანამგზავრისგან შემდგარი ქსელის შექმნას ითვალისწინებს, რომელთა მიზანიც მოახლოებული რაკეტების დროული აღმოჩენა, თვალთვალი და განეიტრალებაა.

1782306629

ამასთან, ტრამპი აღნიშნავს, რომ აშშ-ს ირანისთვის არც თანხა გადაუცია და არც მათი გაყინული აქტივები გაუთავისუფლებია."ჩვენ გავათავისუფლებთ ირანის კუთვნილი, ჩვენი სრული კონტროლის ქვეშ არსებული თანხების ნაწილს, რათა ჩვენი ფერმერებისა და მეცხოველეებისგან შევიძინოთ სიმინდი, ხორბალი, სოიო და სხვა პროდუქტები. ირანს სასიცოცხლოდ სჭირდება საკვები და ამ პროდუქტებს მისთვის ექსკლუზიურად შეერთებული შტატებიდან შევიძენთ", - წერს დონალდ ტრამპი. 

1782224848

მას შემდეგ, საუბრებში მუდმივად ფიგურირებდა კითხვა, თუ როდის განცალკევდებოდა კიშინიოვის გზა კიევისგან. თუმცა, საომარ მდგომარეობაში მყოფი ქვეყნის მოლოდინის რეჟიმში მარტო დატოვების იმიჯი პრობლემური აღმოჩნდა და პრაქტიკაში ეს დუეტი ერთიანობას ინარჩუნებდა.ბრიუსელში გამართულ სამიტის დასასრულს, ბლოკის ხელმძღვანელობამ მიანიშნა, რომ მათი განცალკევება შესაძლოა მალე გარდაუვალი გახდეს.“მას შემდეგ, რაც პირველი კლასტერი გაიხსნება, თითოეული კანდიდატი ქვეყანა თავად არის პასუხისმგებელი საკუთარ თავზე, რადგან მათ სხვადასხვა რეფორმების გატარება უწევთ, იმისდა მიხედვით, თუ რომელ კანდიდატ ქვეყანაზე ვსაუბრობთ“, -განაცხადა ევროკომისიის პრეზიდენტმა, ურსულა ფონ დერ ლაიენმა.

1782218122

მედიის ინფორმაციით, შვეიცარიაში შაბათ-კვირას დაწყებული მოლაპარაკებების სტატუსის შესახებ, ტრამპის მიერ გაკეთებული ურთიერთგამომრიცხავი განცხადებების ახალი ტალღა იყო. ორშაბათს, ვიცე-პრეზიდენტმა ჯ.დ. ვენსმა განაცხადა, რომ მიღწეულ იქნა "მნიშვნელოვანი ეტაპი", როდესაც ირანი ქვეყანაში ატომური ენერგიის საერთაშორისო სააგენტოს ინსპექტორების შეშვებას დათანხმდა.თუმცა, ვენსს არ დაუკონკრეტებია, თუ რა სახის წვდომა მიენიჭებოდათ მათ. რამდენიმე საათის შემდეგ, თეირანმა განაცხადა, რომ გაეროს ბირთვული ენერგიის მარეგულირებელ ორგანოსთან თანამშრომლობა "არსებული პროცედურების ფარგლებში" გაგრძელდება.ამასთან, თავის დღევანდელ განცხადებაში ტრამპმა დაადასტურა, რომ აშშ-ის მიერ ირანის პორტების ბლოკადა მოხსნილი დარჩება, რაც ირანთან გასულ კვირას ხელმოწერილი ურთიერთგაგების მემორანდუმის ერთ-ერთი დებულება იყო.ტრამპი ასევე ამტკიცებს, ირანისთვის შეთავაზებულ ნებისმიერ ფინანსურ დახმარებას გარკვეული პირობები მოჰყვება. კერძოდ: ტრამპის თქმით, გამოთავისუფლებული თანხები გამოყენებული იქნება საკვებისა და მედიკამენტების ექსკლუზიურად შეერთებული შტატებიდან შესაძენად, მათ შორის, სიმინდის, ხორბლისა და სოიოს შესაძენად."ეს ზუსტად ისაა, რაც ირანს განსაკუთრებით სჭირდება. ეს ჰუმანიტარული კრიზისია და მე მჯერა, რომ აუცილებელია დახმარება ახლა მოხდეს, სანამ ძალიან გვიან არ არის. მოლაპარაკებები კარგად მიმდინარეობს!" - წერს ტრამპი.

1782218071

რაც შეეხება დასავლეთთან სამომავლო კომუნიკაციას, თეირანში განმარტავენ, რომ ახალი დიალოგის დაწყება და მისი შემდგომი განვითარება პირდაპირ იქნება დამოკიდებული ურთიერთგაგების მემორანდუმის კონკრეტული პუნქტების იმპლემენტაციაზე. ბაღაის თქმით, ეს პუნქტები დისკუსიის დაწყების აუცილებელი წინაპირობაა, რომელთა ნაწილიც უკვე რეალიზებულია, ნაწილი კი შესრულების პროცესშია.''დაზიანებული ბირთვული ობიექტების ინსპექტირების გეგმა- ამ მიმართულებით, არსებითად, არანაირი პროცედურა ან მექანიზმი არ არსებობს. ირანის თავდაცვითი და სარაკეტო შესაძლებლობები კატეგორიულად არ ყოფილა ჩვენი მოლაპარაკებების ნაწილი და არც არასდროს გახდება რომელიმე მხარესთან მოლაპარაკების საგანი. ამ ორ საკითხზე მოლაპარაკებების დაწყება დამოკიდებულია ურთიერთგაგების მემორანდუმის კონკრეტული პუნქტების შესრულებაზე. ჩვენ ვმუშაობთ იმისთვის, რომ მოლაპარაკებების დაწყებისთვის აუცილებელი ყველა წინაპირობა შესრულდეს. ამ პუნქტების ნაწილი უკვე განხორციელებულია, ხოლო ნაწილი ჯერ კიდევ შესრულების პროცესშია.“- აცხადებს ესმაილ ბაღაი.

1782218023

"მე მინდა დამოუკიდებლობა შეიარაღების ინდუსტრიაში. მე ღრმად ვაფასებ იმ მხარდაჭერას, რომელიც მივიღეთ და რომელიც, ასევე მოვიპოვე წლების განმავლობაში ჩვენი ამერიკელი მეგობრებისგან. დღეს მე ვამბობ: ჩვენ უნდა გვქონდეს ჩვენი, საკუთარი, დამოუკიდებელი შეიარაღების სისტემა. ჩვენ უნდა ვაწარმოოთ ჩვენი, საკუთარი იარაღი", - განაცხადა ნეთანიაჰუმ.ცნობისთვის, სექტემბერში ნეთანიაჰუმ აღიარა, რომ ისრაელი "ერთგვარი იზოლაციის" წინაშე დგას, რომელიც შეიძლება წლების განმავლობაში გაგრძელდეს და თქვა, რომ ისრაელი განავითარებს საკუთარ იარაღის ინდუსტრიას და გახდება "ათენი და სუპერ-სპარტა ერთად აღებული".აღსანიშნავია, რომ 2018 წელს ხელმოწერილი 10-წლიანი ურთიერთგაგების მემორანდუმის თანახმად, ისრაელი, ყოველწლიურად, შეერთებული შტატებისგან 3.8 მილიარდ დოლარს იღებს სამხედრო დახმარების სახით და ის ვალდებულია ამ თანხის დიდი ნაწილი ამერიკელ იარაღის მწარმოებლებთან დახარჯოს.