1788367000

ბესენტმა მედიას განუცხადა, რომ "ფასები ამჟამად ძალიან მაღალია" ამერიკელებისთვის. მან თავდაპირველად პრეზიდენტ ჯო ბაიდენის დროს ინფლაციაზე მიუთითა, შემდეგ კი იმაზე ისაუბრა, თუ როგორ მოქმედებს გლობალური კონფლიქტები გლობალურ ენერგეტიკულ ბაზრებზე და საბოლოოდ ზეწოლას ახდენს ამერიკელ მომხმარებლებზე."ამჟამად ჩვენ ენერგეტიკულ შოკს განვიცდით უკრაინაში ომის გამო - უკრაინამ გადაწყვიტა გაანადგუროს რუსული ენერგეტიკული აქტივები და ნავთობპროდუქტები, რაც გლობალურ ბაზარზე ზეწოლას ახდენს, ასევე ზეწოლას ახდენს ირანში კონფლიქტი. ირანში კონფლიქტი დასრულდება და ფასები დაიწევს", - განაცხადა ბესენტმა.

1788363793

გერმანია თვლის, რომ აგვისტოს დასაწყისში, აეროპორტში უკრაინულ სატრანსპორტო თვითმფრინავზე დრონით თავდასხმის მცდელობის უკან რუსეთი იდგა.ბერლინის განცხადებით, ჰიბრიდულ თავდასხმას სერიოზული შედეგები მოჰყვება. განცხადების თანახმად, ბონში რუსეთის საკონსულო და ბერლინში "რუსული სახლი" დაიხურა, რომელიც, გერმანიის აზრით, ჯაშუშურ საქმიანობაშია ჩართული.რუსეთი ლაიფციგში მომხდარ თავდასხმასთან რაიმე კავშირს უარყოფს. როგორც ოფიციალური მოსკოვი განმარტავს, გერმანიის ელჩი ოთხშაბათს ანტირუსული ქმედებების გამო დაიბარეს.

1788359853

"უკრაინამ ოფიციალურად აცნობა ICAO-ს, რომ რუსეთის საჰაერო სივრცე გაზრდილი სამხედრო აქტივობის გამო სამოქალაქო ავიაციისთვის სახიფათოა. ჩვენ ყველას მოვუწოდებთ, თავი აარიდონ ამას", - განაცხადა სიბიჰამ.მისი თქმით, რუსეთი განზრახ უგულებელყოფს არსებულ საფრთხეებს, რომლებიც უკრაინის წინააღმდეგ წარმოებულმა სრულმასშტაბიანმა ომმა შექმნა. სიბიჰას განცხადებით, ამ რისკებს ბოლო წლებში უკვე რამდენიმე საავიაციო ინციდენტი მოჰყვა."ჩვენი პასუხისმგებლობიანი გადაწყვეტილებაა, ვაცნობოთ ICAO-ს, ყველა ავიაკომპანიას და მთავრობას სიფრთხილის გამოჩენის აუცილებლობის შესახებ, მაშინაც კი, თუ რუსეთი უარს იტყვის ინფორმირების ვალდებულების შესრულებაზე. ჩვენ გვსურს თავიდან ავიცილოთ გაუთვალისწინებელი ინციდენტები", - განაცხადა სიბიჰამ.ოფიციალური შეტყობინება უკრაინის პრეზიდენტის, ვოლოდიმირ ზელენსკის გაფრთხილების მეორე დღეს გავრცელდა.ზელენსკიმ ავიაკომპანიები, სადაზღვევო კომპანიები და რუსეთის ძირითადი აეროპორტების მომხმარებლები გააფრთხილა, რომ უკრაინის მიერ შორ მანძილზე მოქმედი დრონების გამოყენების ოპერაციების გაფართოების ფონზე, რუსეთის საჰაერო სივრცე სულ უფრო სახიფათო ხდება.

1788356975

"ევროპელები მკაცრი სიმართლის წინაშე დგანან: ეს ახალი ნორმაა. ევროკავშირმა რუსეთის უპასუხისმგებლო და თავხედურ ქმედებებს უფრო სწრაფად და ეფექტურად უნდა უპასუხოს", - აღნიშნა ფონ დერ ლაიენმა.მისი განმარტებით, ევროპას უკვე ჰყავს "სწრაფი რეაგირების ჯგუფები", რომლებსაც ასეთ თავდასხმებზე რეაგირება შეუძლიათ და მზადაა რუსეთის წინააღმდეგ არსებულ პაკეტს ახალი სანქციები დაამატოს. ამასთან, საგარეო საქმეთა მინისტრები ირლანდიაში შეხვდნენ ერთმანეთს, რათა შეთავაზებული დამატებითი სანქციები განეხილათ.ფონ დერ ლაიენმა დასძინა, რომ ევროპელებმა ყოველდღიური ინფრასტრუქტურა თავდაცვის პირველ ხაზად უნდა მიიჩნიონ და შესაბამისად დაიცვან იგი."ჩვენ ევროპული უსაფრთხოების ახალ ეპოქაში შევედით", - თქვა მან.რუტემ ფონ დერ ლაიენის შეფასებას მხარი დაუჭირა და განაცხადა, რომ უკრაინაში სრულმასშტაბიანი შეჭრის გაგრძელების ფონზე, რუსეთი უფრო და უფრო თავხედურად მოქმედებს, ხოლო საფრთხე უკვე ევროპის და ნატოს ტერიტორიაზეც ვრცელდება."რუსეთის მიერ შექმნილი საფრთხე აშკარაა", - განაცხადა რუტემ.

1788355498

აფეთქების შემდეგ, მთავარ სადგურთან კიდევ ერთი საეჭვო ნივთი აღმოაჩინეს, რის გამოც სატრანსპორტო კვანძის მუშაობა დროებით შეჩერდა. ადგილზე ბავარიის სახელმწიფო კრიმინალური პოლიციის ექსპერტები მუშაობდნენ.მოგვიანებით, პოლიციამ განაცხადა, რომ საეჭვო ნივთი უსაფრთხო იყო და რკინიგზის სადგურის მუშაობა განახლდა."შეგვიძლია საფრთხე დასრულებულად გამოვაცხადოთ - მთავარი რკინიგზის სადგურის წინ ნაპოვნი ობიექტი უსაფრთხო იყო და სადგურის მუშაობა განვაახლეთ", - განაცხადა პოლიციის წარმომადგენელმა ტიმო კუფნერმა.

1788349162

საპასუხო ზომების ფარგლებში, ბერლინი ხურავს რუსეთის გენერალურ საკონსულოს ბონში და ე.წ. "რუსულ სახლს".ამასთან, მკაცრდება რუსეთის მოქალაქეებისთვის გერმანიაში შესვლის წესები.მოსკოვში ბრალდებებს უარყოფენ და მტკიცებულებების არარსებობაზე საუბრობენ.ერთი თვის წინ, ლაიფციგის აეროპორტში, უკრაინული სატვირთო თვითმფრინავის სიახლოვეს ასაფეთქებელი მოწყობილობით აღჭურვილი დრონი იპოვეს.

1788347067

ისლამური რევოლუციის გუშაგთა კორპუსისა (IRGC) და სამხედროების მიერ ნახსენებ ბაზებს შორისაა ტაბრინის ბანაკი და პრინც ჰასანის ბაზა იორდანიაში. IRGC-მ განაცხადა, რომ ტაბრინის ბანაკზე სარაკეტო დარტყმის შედეგად რამდენიმე ამერიკელი სამხედრო მოსამსახურე დაიღუპა, თუმცა აშშ-ის ცენტრალურმა სარდლობამ ეს ინფორმაცია უარყო.მედიის ცნობით, ირანის შეიარაღებულმა ძალებმა ასევე განაცხადეს, რომ ღამით შეტევები განახორციელეს ერაყის ჩრდილოეთ ნაწილში, ერბილში მდებარე ვრცელ სამხედრო ბაზებზე, ქუვეითში - ალი ალ-სალემის ავიაბაზაზე, ბაჰრეინში მდებარე აშშ-ის მნიშვნელოვან საზღვაო ბაზაზე, ასევე არაბთა გაერთიანებულ საამიროებში - ალ-დაფრასა და ალ-მიჰადის სამხედრო ბაზებზე.აშშ-ის სამხედროებმა არ დაადასტურეს, რომ ირანული რაკეტები რომელიმე ბაზას მოხვდა. ბაჰრეინმა და იორდანიამ განაცხადეს, რომ რაკეტები და დრონები ან ჩაჭრეს, ან ისე ჩამოვარდნენ, რომ რაიმე ზიანი არ გამოუწვევიათ.

1788290381

„აგრესორებს მკაცრი სასჯელი ელოდებათ; შეერთებული შტატები ინანებს თავის ახალ თავდასხმებს“, - განაცხადა ისლამური რევოლუციის გუშაგთა კორპუსის წარმომადგენელმა ჰოსეინ მოჰებიმ.მედიის ცნობით, მოჰებიმ განცხადება მას შემდეგ გაავრცელა, რაც ჰორმუზის სრუტის გასწვრივ და აღმოსავლეთით, რამდენიმე რაიონში, აფეთქებების ხმა გაისმა.ამასთან, დონალდ ტრამპი ირანს აფრთხილებს, რომ თუ დარტყმებს უპასუხებენ, მათ კიდევ უფრო ძლიერი თავდასხმა ელით წინ.

1788289686

"გვსურს, გავაფრთხილოთ თითოეული ავიაკომპანია, რომელიც რუსულ საჰაერო სივრცეს იყენებს, თითოეული მზღვეველი და ყველა, ვინც ჯერ კიდევ სარგებლობს რუსეთის საკვანძო აეროპორტებით - რუსეთის ცა სრულიად სახიფათო ხდება. უკრაინა საფრთხეს არ უქმნის სამოქალაქო ავიაციას, როგორც ასეთს - არცერთ სამოქალაქო თვითმფრინავს. უბრალოდ, რუსეთის ცაში დრონები იფრენენ და ეს მხედველობაში უნდა იყოს მიღებული. მიუხედავად იმისა, რომ რუსეთის ხელისუფლება ამის შესახებ სათანადოდ არ იუწყება, რუსული ცა დე ფაქტო დაიხურება: რუსეთის მიერ წამოწყებული ომი მისსავე ცას კეტავს... უკრაინის საგარეო საქმეთა სამინისტრო და ჩვენი შესაბამისი ინსტიტუტები საერთაშორისო სტრუქტურებს სრულ ინფორმაციას მიაწვდიან რუსულ საჰაერო სივრცეში არსებული საფრთხეების შესახებ. სამოქალაქო ავიაციის ადგილი დრონებს შორის არ არის", - განაცხადა უკრაინის პრეზიდენტმა.

1788289637

მისივე განმარტებით, თუ ირანი ამ დარტყმების საპასუხო ზომებს მიიღებს, მათ კიდევ უფრო ძლიერი დარტყმებით უპასუხებენ.„თუ ირანის დანგრეული სახელმწიფო ამ სრულიად გამართლებულ დარტყმებს უპასუხებს, მას კიდევ ერთი დარტყმა ელის, გაცილებით ძლიერი და მასშტაბური, მაგრამ ეს არ იქნება ყველაზე დიდი დარტყმა, რომელიც გველოდება. როდესაც ეს ყველაფერი დასრულდება, ირანის ისლამური რესპუბლიკისგან თითქმის არაფერი დარჩება!“ - აღნიშნა ტრამპმა.ცნობისთვის, კვირას, აშშ-ის ოფიციალურმა წარმომადგენელმა განაცხადა, რომ აშშ-მა ირანის რაკეტების გამშვებ ობიექტებს დაარტყა და განაცხადა, რომ "ისლამური რევოლუციის გუშაგთა კორპუსი" საზღვაო ნაღმებით აღჭურვილ რაკეტებს ამზადებდა. ამის შემდეგ, ირანმა იორდანიასა და არაბთა გაერთიანებულ საემიროებზე მდებარე ამერიკულ ბაზებს დაარტყა.