საუთჰემპტონის უნივერსიტეტის ოკეანოგრაფი, დოქტორი საიმონ ბოქსოლი აცხადებს, რომ "ბერმუდის სამკუთხედის" საიდუმლო ამოხსნა, რომელიც 500 წელზე მეტი ხნის განმავლობაში გემების ჩაძირვის, თვითმფრინავების ჩამოვარდნისა და პარანორმალური აქტივობების ადგილი იყო.

მეცნიერის განცხადებით, ატლანტის ოკეანის გეოგრაფიულად განუსაზღვრელი რეგიონი, რომელიც დიდი ხანია ზებუნებრივი სპეკულაციების საგანია, ბუნებრივი, მაგრამ ექსტრემალური ფენომენის მსხვერპლი გახდა.

ბოქსალის თქმით, გიგანტური ტალღები, რომლებიც ადამიანებს "ყლაპავდა", სიმაღლეში 30 მეტრს აღწევდნენ, რაც რეგიონში შტორმების შეერთებით იყვო გამოწვეული. მისი თქმით, ასეთი სიმძლავროს ტალღები გემებს შთანთქავდნენ, ზოგჯერ მათ შუაზე ამტვრევდნენ და თავიანთი ძალით ყველა მტკიცებულებას ანადგურებდნენ.

"სამხრეთსა და ჩრდილოეთში შტორმები ერთმანეთს ერწყმის, თუ ამას ფლორიდიდან წამოსულ შტორმებსაც დავუმატებთ, ამან შეიძლება პოტენციურად სასიკვდილო ტალღების ფორმირება გამოიწვიოს", - განმარტა დოქტორმა ბოქსალმა.

"ასე რომ, 10 მეტრიანი ტალღის ნაცვლად, 20 მეტრიან ტალღას ვიღებთ. თუ სამ სხვადასხვა ტალღურ სისტემას გააერთიანებთ, 30 მეტრიან ტალღას მივიღებთ", - დასძინა მან. მეცნიერის განმარტებით, ასეთი სიტემისგან შექმნილ ტალღას, დიდი სატვირთო გემის ჩაძირვაც კი შეუძლია.