ისრაელი სირიის არმიის შტაბ-ბინასა და პრეზიდენტის სასახლეზე თავდასხმებს ადასტურებს.
დამასკოში ისრაელის საჰაერო დარტყმების შედეგად სულ მცირე 18 ადამიანი დაიჭრა და ერთი დაიღუპა. საჰაერო დარტყმების კადრები მედიაში აქტიურად ვრცელდება.
აშშ-ის სახელმწიფო მდივანმა, მარკო რუბიომ, განაცხადა, რომ აშშ შეშფოთებულია სირიაში ისრაელის დარტყმებით.
"ჩვენ ყველა მხარესთან კონტაქტზე ვართ კონფლიქტის დასასრულებლად", - თქვა მან.
ისრაელმა ასევე დაარტყა სირიის სამხრეთ-დასავლეთით მდებარე ქალაქ დარაას.