ფრიდრიხ მერცი: მივმართავ რუსეთის პრეზიდენტს, შეწყვიტეთ ეს ომი. ჩვენ შეგვიძლია მოლაპარაკება, მაგრამ მხოლოდ მაშინ, როდესაც იარაღი გაჩუმდება. ეს ბარბაროსული თავდასხმები უკრაინის მშვიდობიან მოსახლეობაზე უნდა დასრულდეს

1791119679

ჰეგსეთის თქმით, ისინი ძალიან ძლიერ პოზიციაში არიან და ირანმა სწორი არჩევანი უნდა გააკეთოს."ჩვენ ვთვლით, რომ ძალიან ძლიერ პოზიციაში ვართ. ირანმა სწორი არჩევანი უნდა გააკეთოს. თუ ასე არ მოიქცევა, პრეზიდენტს მოქმედებისთვის ყველა საჭირო ვარიანტი ექნება. თუმცა, ის არ აპირებს სიტუაციის ზედმეტად გაჭიანურებას. მას ესმის ამოცანის ბუნება და ჩვენ მზად ვართ შევასრულოთ იგი, როდესაც შესაბამისი ბრძანება გაიცემა", - დასძინა ჰეგსეთმა.ჰეგსეთმა ასევე განაცხადა, რომ ტრამპს ხაზგასმით აქვს გადაწყვეტილი ხელი შეუშალოს ირანს ბირთვული იარაღის შეძენაში."მესიჯი ძალიან მარტივია: ირანს არასდროს, არანაირ ვითარებაში არ ექნება ბირთვული იარაღი. პრეზიდენტი ტრამს მტკიცედ აქვს გადაწყვეტილი, რომ ეს არ დაუშვას და ის ამას არც დაუშვებს", - თქვა ჰეგსეთმა.

1791109165

ამერიკის შეერთებული შტატები იმედოვნებს, რომ ევროპელი მოკავშირეები უფრო აქტიურ როლს შეასრულებენ საკუთარი უსაფრთხოების უზრუნველყოფაში. მედიის ცნობით, პენტაგონი ამჟამად ევროპაში აშშ-ის სამხედროების განლაგების მიმოხილვას ატარებს, რომლის დასრულებაც, სავარაუდოდ, დეკემბერში იგეგმება.გამოცემა Deutsche Welle-ს ინფორმაციით, სექტემბერში NBC News-მა გაავრცელა ინფორმაცია, რომ აშშ-ს შეეძლო ევროპიდან თავისი სამხედრო კონტინგენტის თითქმის მესამედის გაყვანა, რაც 25 000-ზე მეტ ამერიკელ ჯარისკაცს წარმოადგენს. არხმა აღნიშნა, რომ ვაშინგტონი ასეთ მასშტაბურ ზომებს განიხილავს ნატოს მოკავშირეების გაფრთხილებების მიუხედავად, რომელიც ევროპაში რუსული აგრესიის მზარდ საფრთხეს ეხება.

1791106460

თბილისის მერის განმარტებით, გავრცელებულ კადრებში ჩანს, რომ მსჯავრდებულის მიმართ არანაირ გადაცდომას ადგილი არ ჰქონია."ეს არის ჩვეულებრივი, დაგეგმილი ფაქტი, როგორც ხდება ხოლმე. ერთი რამ არის საინტერესო - ეს ვითომ გაუპატიურების მცდელობის ფაქტი მოხდა 2025 წელს, როგორც არის საუბარი. ამდენი ხნის განმავლობაში რა ხდებოდა? აქ მეორე მთავარი უბედურებაა ის, რომ კონკრეტული ადამიანი, პატიმარი, ვნებს საკუთარ ღირსებას და თავს ამ ტიპის განცხადებებით. რაც ყველამ დაინახა, ის ვნახე მეც - არანაირ გადაცდომას ადგილი არ ჰქონია. ეს არის სიმართლე. ის, რაც არ არსებობს ბუნებაში, რაც არ უნდა იწვალოთ, ვერ იქნება. ის, რაც ხდებოდა 2012 წლამდე, უამრავმა ადამიანმა გამოსცადა საკუთარი ოჯახის წევრებზე, თუნდაც ბიზნესის რეკეტი, არაადამიანური მოპყრობა ციხეებში. არაერთი ვიდეომასალა გვაქვს ნანახი, თუ როგორ უსწორდებოდნენ პატიმრებს, როგორ გამოყავდათ, აკრავდნენ მანქანაზე და რა ხდებოდა მერე, ყველას კარგად გვახსოვს. დამთავრდა, მორჩა, ეს ყველაფერი ჩაბარდა წარსულს. დღეს ქვეყანაში არის თავისუფლება, დემოკრატია, დაცულია ადამიანის უფლებები. რაც მთავარია, დაცულია ადამიანის ღირსება, სიტყვისა და გამოხატვის თავისუფლება", - აღნიშნა დედაქალაქის მერმა.

1791105014

ზოგიერთმა მომიტინგემ სერიოზული დაზიანებები მიიღო, მათ შორის თვალის, ასევე თავის არეში მიღებული დარტყმები აღენიშნებათ.შინაგან საქმეთა მინისტრმა ლორან ნუნეზმა სიტუაციას "ძალადობის მიუღებელი ატმოსფერო“ უწოდა და აქციის მონაწილეებს წესრიგისკენ მოუწოდა.პროტესტი პარიზის გარეუბნებში დაიწყო, სადაც სიღარიბის მაღალი მაჩვენებელია, შემდეგ კი თავად პარიზსა და საფრანგეთის სხვა ქალაქებში, მათ შორის მარსელში, სტრასბურგში, ტურსა და ლილში გავრცელდა.სკოლის მოსწავლეები კლასობრივ უთანასწორობას და გარეუბნების განათლებაში არასაკმარის ინვესტიციებს აპროტესტებენ. საუბრობენ მოძველებული ინფრასტრუქტურის შეცვლის აუცილებლობაზე და აკადემიური პერსონალის სიმცირეზე.

1791103855

თითოეულმა ადამიანმა იცოდა თუ სად მიდიოდა, წინასწარ დღეების განმავლობაში, თვეების განმავლობაში დაანონსებული იყო, რომ ამ დღეს ჩვენ უნდა მივიდეთ და დავამხოთ ხელისუფლება. ანუ, მათი განზრახვა, მათი მიზანი, დიახაც რომ შეჭრა, დიახაც რომ დამხობა, დიახაც რომ არეულობა იყო.სახელმწიფოს პოზიცია არის მკაცრი და მომავალშიც იქნება მკაცრი ყველა იმ დანაშაულებრივი ქმედების მიმართ, რომლის მიზანიც არის, რომ ქართველი ხალხის გადაწყვეტილება უგულებელყოს", - განაცხადა არჩილ გორდულაძემ.შეგახსენებთ, რომ ხელისუფლების დამხობის მიზნით ოპოზიცია აქტივისტებთან ერთად თავისუფლების მოედანზე შეიკრიბა, ძალადობრივი მოვლენები კი ათონელის რეზიდენციასთან განვითარდა, როდესაც პრეზიდენტის სასახლეზე შტურმი მიიტანეს. კონსტიტუციური წყობილების დამხობის მცდელობა, სტრატეგიული ობიექტების ხელში ჩაგდება ან ბლოკირება. ჯგუფური ძალადობის ორგანიზება და მასში მონაწილეობა - სისხლის სამართლის პასუხისგებაში სულ 64 პირი მიეცა.დააკავეს ორგანიზატორებიც. მათ ვინც ბრალი აღიარა, დანაშაული მოინანია, პროკურატურასთან ითანამშრომლა და პრეზიდენტს შეწყალების თხოვნით მიმართა საპატიმრო უკვე დატოვეს.

1791101336

ჩვენ მაშინაც ვაფრთხილებდით ყველას - სახელმწიფო სიმბოლოებით თამაში და არარსებული ორხელოსუფლიანობის განცდის შექმნა უწყინარი პოლიტიკური თეატრი არ არის. ასეთი სიმბოლოები ადამიანებს შეიძლება რეალური მოქმედებისკენ უბიძგებდეს.ამიტომ, 4 ოქტომბერს პრეზიდენტის სასახლე შემთხვევით არ გამხდარა სამიზნე. და შემთხვევითი არც ის იყო, რომ მარცხის შემდეგ, ზურაბიშვილის და დიპლომატების არცერთი "თათბირი" აღარ გვინახავს. თუმცა, დღემდე ბრიუსელისგან ასევე ვერ მოვისმინეთ პრეზიდენტის სასახლეზე თავდასხმის დაგმობა და მოძალადეებისგან მკაფიო გამიჯვნა.არშემდგარი დამხობიდან ერთი წლის შემდეგ განსაკუთრებით კარგად ჩანს, რომ 4 ოქტომბერს დამარცხდა არა მხოლოდ კონკრეტული ძალადობრივი გეგმა, არამედ საბოლოოდ დამარცხდა წლობით გაღვივებული წარმოდგენა, რომ საქართველოში ხელისუფლების შეცვლა, არჩევნების ნაცვლად, ქუჩის ძალადობით და უცხოური პოლიტიკური მხარდაჭერით შეიძლება.ეს არის 4 ოქტომბრის მთავარი გაკვეთილი - საქართველოს ბედს წყვეტს ქართველი ხალხი, არჩევნებით და არა შტურმით.დაბოლოს, ერთი წლის თავზე კვლავ მოვუწოდებ ბრიუსელს:დაგმოს 2025 წლის 4 ოქტომბერს პრეზიდენტის სასახლეზე ძალადობრივი თავდასხმა,უარი თქვას მომავალში რადიკალური ჯგუფების პოლიტიკურ და ფინანსურ მხარდაჭერაზე,გააუქმოს საქართველოს სუვერენიტეტის შემლახველი რეზოლუციები", - წერს შალვა პაპუაშვილი.

1791099085

ცნობისთვის, ავარიული ნაჯახი არის ინსტრუმენტი, რომელიც პილოტების კაბინაში ინახება და საგანგებო სიტუაციებში გამოსაყენებლადაა განკუთვნილი.არაბთა გაერთიანებული საემიროების გენერალური პროკურორის, ჰამად საიფ ალ-შამსის თქმით, FlyDubai-ის FZ1073 რეისის მეორე პილოტმა თვითმფრინავის კონტროლის ხელში ჩაგდება სცადა.euronews-ი არაბთა გაერთიანებული საემიროების სახელმწიფო საინფორმაციო სააგენტო WAM-ზე დაყრდნობით წერს, რომ გამოძიება გრძელდება "ინციდენტის ყველა გარემოების, მისი მოტივებისა და მასთან დაკავშირებული ნებისმიერი კავშირის გასარკვევად, ასევე ფიზიკური და ციფრული მტკიცებულებების ტექნიკური შემოწმებისა და ანალიზის დასასრულებლად"."გამოცემა Associated Press-ის წყაროების ცნობით, მეორე პილოტი, რომელმაც თელ-ავივის მიმართულებით მიმავალი რეისის ჩამოგდება სცადა, ომანის მოქალაქე ჰამამ ალ-ჰამამია. იგივე წყაროები და ასევე The Wall Street Journal-ი იუწყებიან, რომ ომანის ხელისუფლებამ მას ადრე ფრენის უფლება შეუჩერა მისი რადიკალური იდეოლოგიური შეხედულებების გამო. არაბთა გაერთიანებული საამიროების ხელისუფლებას და FlyDubai-ს ოფიციალურად ჯერ არ დაუსახელებიათ მეორე პილოტის ვინაობა, რადგან ინციდენტის გამოძიება გრძელდება" - წერს euronews-ი.

1791097748

გამოძიებით დადგინდა, რომ ბრალდებულმა მარნეულის მუნიციპალიტეტში თანასოფლელებს, თანხის გამოძალვის მიზნით, პირადი ცხოვრების ამსახველი ფოტომასალა სოციალურ ქსელში გაუვრცელა, ფოტოების წაშლის სანაცვლოდ კი გარკვეული ოდენობის თანხის ელექტრონულ ანგარიშზე ჩარიცხვა მოსთხოვა.მოქალაქეებისთვის მიყენებულმა ზარალმა ჯამში 2 000 ლარამდე შეადგინა.სამართალდამცველებმა, ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი ბრალდებულის სახით დააკავეს.გამოძიება საქართველოს სისხლის სამართლის კოდექსის 181-ე მუხლის პირველი ნაწილით მიმდინარეობს, რაც 4 წლამდე ვადით თავისუფლების აღკვეთას ითვალისწინებს.