"ირანს შეუძლია თავს დაესხას ამერიკულ ნავთობობიექტებს" - ღალიბაფი ჰეგსეთის განცხადებას პასუხობს

1788795122

როგორც სვავები ვერ გადაეჩვევიან სისხლის სმას, ისე ვერ გადაეჩვევა "ნაცი" თავის საქმიანობას - ადამიანური ტრაგედიებით საკუთარი პოლიტიკური მომავლის შექმნის მცდელობას.ტრაგიკომედიაა, როდესაც "ნაციონალური მოძრაობა" მიმართავს პროკურატურას, იმ პროკურატურას, იმ სამართალდამცავ ორგანოებს და იმ სისტემას, რომელიც ჩვენი გუნდის ძალისხმევით გაჯანსაღდა, არაერთი კონსტიტუციური, საკანონმდებლო და საკადრო ცვლილებებიდან გამომდინარე.საზოგადოებას, კიდევ ერთხელ შევახსენებ, რომ სტრასბურგის სასამართლოს მიერ დადასტურებულია, რომ "ნაციონალურ მოძრაობას" ჰქონდა შექმნილი მწამებლური სისტემა და ამ სისტემის წარმომადგენლები ახლა საუბრობენ ადამიანების უფლებებზე.მეგის ქარდავა რომ ადამიანის უფლებებზე დაიწყებს ლაპარაკს, ან ახალაიები რომ დაგვიწყებენ საუბარს - ადამიანების წამება არ შეიძლება და ასეთი რამე არ მომხდარაო, მათი ოჯახის წევრები და ახლობლები, რომ გვესაუბრებიან პედესტალიდან მაღალ მატერიებზე, ეს მათსავე ტრაგიკულ მდგომარეობას უსვამს ხაზს", - განაცხადა არჩილ გორდულაძემ.

1788794090

გაფიცვამ გავლენა ასევე მოახდინა მაღალსიჩქარიან და საქალაქთაშორისო მატარებლებზე და რეგიონული მატარებლებისგან განსხვავებით, მათ მომსახურების გარანტირებული დრო არ აქვთ. ამიტომ, მგზავრებს ურჩევენ, წინასწარ შეამოწმონ მგზავრობის სტატუსი.როგორც მედია განმარტავს, მგზავრებს შეუძლიათ სრული თანხის დაბრუნება მოითხოვონ, თუმცა მოთხოვნის წარდგენის ვადები მომსახურების ტიპის მიხედვით განსხვავდება.Frecce-სა და Intercity-ის მატარებლებისთვის თანხის დაბრუნების მოთხოვნის წარდგენა შესაძლებელია გაფიცვის გამოცხადების მომენტიდან მატარებლის დაგეგმილ გამგზავრებამდე.რეგიონული მატარებლებისთვის მოთხოვნები წარდგენილი უნდა იყოს გაფიცვის წინა დღის შუაღამემდე.ამასთან, თანხის დაბრუნების ალტერნატივად, მგზავრებს ასევე შეუძლიათ სხვა მარშრუტით იმავე პირობებით იმოგზაურონ, თუ ბილეთები იქნება ხელმისაწვდომი.euronews-ის ინფორმაციით, პროფკავშირები გაფიცვას მართავენ უკეთესი სამუშაო პირობების, გაუმჯობესებული უსაფრთხოებისა და სარკინიგზო სექტორში უკეთ ორგანიზებული ცვლების მოთხოვნით.

1788786285

"პოლონეთის პოლიციამ მიმდინარე წლის პირველ ნახევარში უკრაინელების მიმართ ეთნიკური სიძულვილით მოტივირებული დანაშაულების 180 შეტყობინება დააფიქსირა, რაც 30%-იანი ზრდაა გასული წლის ანალოგიურ პერიოდთან შედარებით", - წერს Politico.2026 წლის თებერვლიდან ივნისამდე პოლონელმა პროკურორებმა სასამართლოში სიძულვილით მოტივირებული დანაშაულების 283 საქმე შეიტანეს. ამ საქმეების 80%-ზე მეტ შემთხვევაში მსხვერპლი უკრაინელები იყვნენ - შედარებისთვის, 2014 წელს ეს მაჩვენებელი მხოლოდ 4% იყო."ომის ბოლო ოთხი წლის განმავლობაში პოლონელების დამოკიდებულება უკრაინელების მიმართ მკვეთრად შეიცვალა". მიუხედავად იმისა, რომ 2022 წელს პოლონელების 51%-მა გამოხატა სიმპათია უკრაინელების მიმართ, 2026 წლის იანვრისთვის მხოლოდ 29%-მა გამოხატა ეს სიმპათია."ანტიპათია 38%-დან 43%-მდე გაიზარდა", - აღნიშნავს გამოცემა.პოლონელები ურთიერთობების გაუარესებას ისტორიულ დავებს (45.4%) და უკრაინელებისთვის განკუთვნილ სოციალურ შეღავათებს (36.4%) მიაწერენ. მემარჯვენე პოლიტიკოსები არჩევნების წინ აქტიურად იყენებენ ამ განწყობებს. ერთმა უკრაინელმა ქალმა, რომელიც პოლონეთში 10 წელია ცხოვრობს, გამოცემასთან ინტერვიუში აღიარა: "მეშინია საჯარო ადგილებში უკრაინულად საუბრის და ვნერვიულობ ჩემს მეგობრებზე და ოჯახის წევრებზე, რომლებიც აქ ცხოვრობენ ან სტუმრად მოდიან".კიდევ ერთმა უკრაინელმა განაცხადა, რომ მეზობელი მას ლიფტში თავს დაესხა და უყვირა:"დაბრუნდი უკრაინაში და აუხსენი ზელენსკის, რომ ეს არ უნდა გაეკეთებინა".ასევე, სტატიაში აღნიშნულია, რომ ივლისში, ორი მამაკაცი  უკრაინელების ცემის ფაქტზე დააკავეს.

1788786226

კახა კალაძის განცხადებით, ახალი ტრამვაის ხაზი თბილისის თანამედროვე სატრანსპორტო ქსელის განვითარების დასაწყისი უნდა გახდეს. მისი თქმით, პროექტის განხორციელებას შესაძლოა გარკვეული დროებითი დისკომფორტი ახლდეს, თუმცა მერია მოსახლეობას სამუშაოების შესახებ ინფორმაციას წინასწარ მიაწვდის და მისი შემცირების მიზნით მაქსიმალურად იმუშავებს."რასაკვირველია, ერთი ტრამვაის ხაზი თბილისის ყველა სატრანსპორტო გამოწვევას ვერ გადაწყვეტს და ამის თქმას არც ვაპირებ, მაგრამ დიდი ცვლილებები ყოველთვის პირველი ნაბიჯით იწყება. გვინდა, რომ ეს ხაზი გახდეს თანამედროვე ტრამვაის ქსელის განვითარების დასაწყისი და თბილისის სატრანსპორტო სისტემის ახალი ეტაპი. წინ რთული სამუშაო პროცესი გველოდება. ასეთი მასშტაბის პროექტს აუცილებლად ახლავს გარკვეული დისკომფორტი. ამიტომ, დღესვე მინდა, თბილისელებს ვუთხრა, ყველა ეტაპზე მაქსიმალურად ღიად ვიქნები პირადად მეც, ჩემი თანაგუნდელებიც და წინასწარ მოგაწვდით ინფორმაციას სამუშაოების შესახებ და ყველაფერს გავაკეთებთ, რათა დისკომფორტი მაქსიმალურად შევამციროთ. როდესაც ქალაქი მომავალს აშენებს, ზოგჯერ დროებითი დისკომფორტის გავლაც გვიწევს, მთავარია, რა რჩება ამ პროცესის დასრულების შემდეგ. დღეს ჩვენ ხელს ვაწერთ არა უბრალოდ ხელშეკრულებას, დღეს ვიწყებთ პროექტს, რომელმაც თბილისის სატრანსპორტო ისტორიაში ახალი ფურცელი უნდა დაწეროს. მინდა, წარმატებები ვუსურვო თურქულ კომპანიას, ჩვენს სატრანსპორტო კომპანიას, ყველა იმ ადამიანს, ვინც მონაწილეობას მიიღებს ამ მასშტაბური პროექტის განხორციელებაში და იქნება ჩართული. ჩვენ დავპირდით თბილისელებს ტრამვაის დაბრუნებას, დღეს ამ დაპირების შესრულების კონკრეტულ ეტაპს ვიწყებთ. შემდეგი მთავარი დღე იქნება ის, როდესაც პირველი ტრამვაი ამ ხაზზე მგზავრებით გაივლის. მინდა, წარმატებები ვუსურვო ყველა იმ ადამიანს, ვინც კეთილ საქმეს აკეთებს ჩვენი ქალაქისთვის", - განაცხადა კახა კალაძემ.

1788786072

"როცა ხედავენ, რომ "დიფ სთეითის" წარმომადგენლები ვერ იმარჯვებენ ქვეყანაში, ცდილობენ, ბინძური ხერხებით დაამარცხონ კონკრეტული პოლიტიკური პარტიები. გავიხსენოთ რუმინეთის მაგალითი, პრეზიდენტმა გაიმარჯვა არჩევნებში, რიგი ბრალდებები წაუყენეს და მეორე ტურში მონაწილეობის უფლებაც არ მისცეს. ეს ვიცით, რაზეც მიანიშნებს. თუმცა, ევროპაშიც დაიწყო ხალხმა გამოღვიძება. კარგად ხედავენ, რა გამოწვევებია. შესაბამისად, მათთვის სასიკეთო გადაწყვეტილებებს იღებენ“, - განაცხადა კახა კალაძემ.

1788785885

"ჩვენ არ ველოდით, რომ მოვლენები ასე განვითარდებოდა. რა თქმა უნდა, მოგვიწევს ამ შედეგის მიღება. ეს არის ჩვენი დემოკრატიის წესი, მაგრამ გუშინდელი დღის შემდეგ ყველაფერი შეიცვალა არა მხოლოდ საქსონია-ანჰალტში, არამედ მთელ გერმანიაში. ამ შედეგს საერთაშორისო მასშტაბის გავლენა ექნება. ამის დასტურია ის მილოცვებიც, რომლებიც გუშინ სხვადასხვა ქვეყნიდან გაისმა.გუშინდელმა შედეგებმა ნათლად აჩვენა, რამხელა ყურადღება მიიპყრო ამ არჩევნებმა. ამომრჩეველთა მაღალი აქტივობის ფონზე, დაახლოებით 60%-მა ხმა მისცა პარტიას, რომელიც ჩვენს ქვეყანაში მოქმედ დემოკრატიულ ინსტიტუტებს კითხვის ნიშნის ქვეშ აყენებს. ეს არის შედეგი, რომლის შემდეგაც შეუძლებელია მოვიქცეთ ისე, თითქოს არაფერი მომხდარა. ჩვენ ბევრი ვისაუბრეთ ამ შედეგებზე. როგორც პიროვნება, მეც ღრმად ვარ შეშფოთებული. ეს არის ყველაზე მძიმე მარცხი, რაც კი ქრისტიან-დემოკრატიულ კავშირს განუცდია ბოლო ათწლეულების განმავლობაში", - აღნიშნავს მერცი.ცნობისთვის, გერმანიის საქსონია-ანჰალტის მხარეში ჩატარებულ ადგილობრივ საპარლამენტო არჩევნებში მთავარმა ოპოზიციურმა პარტიამ "ალტერნატივა გერმანიისთვის" გაიმარჯვა.

1788527459

როგორც POLITICO წერს, კიევის მხრიდან ამ საკითხზე მოწოდების განახლება, უკრაინისთვის დამატებითი თანხების მოძიების მიზნით, მზარდ ზეწოლას ასახავს, რადგან ქვეყანას ბიუჯეტში სერიოზული დეფიციტი აქვს, რაც რუსეთის სრულმასშტაბიანი შეჭრით არის გამოწვეული."ევროკავშირმა და უკრაინამ სხვა ვარიანტები უნდა განიხილონ, მაგალითად, განსხვავებული ციფრები, როგორც პირველი ნაბიჯი, რათა რუსული აქტივების ნაწილობრივი გათავისუფლება მაინც მოხდეს", - განაცხადა ჩენცოვმა POLITICO-ს კითხვაზე საპასუხოდ, თუ როგორ შეიძლება ბელგიამ შეცვალოს თავისი აზრი."ევროპას ასევე სჭირდება ახალი იდეები იმის შესახებ, თუ როგორ უზრუნველვყოთ ამ ინსტრუმენტის ეფექტურობა. შესაძლოა, არა მხოლოდ ევროკავშირმა, არამედ სხვა მოთამაშეებმაც შეძლონ ჩართვა და ბელგიის შეშფოთებასთან დაკავშირებულ საკითხებზე პასუხის გაცემაში დახმარება. ამიტომ მნიშვნელოვანია, რომ ამ საკითხზე მუშაობა კვლავ დავიწყოთ და გამოსავალი ვიპოვოთ", - დასძინა ჩენცოვმა.

1788525909

"30 აგვისტოს, დაახლოებით 23:40 საათზე, თბილისში, ერთ-ერთ რესტორანში თამაზ ელიზბარაშვილი და ერთ-ერთი დაზარალებული შემთხვევით შეხვდნენ ერთმანეთს, რა დროსაც, მათ შორის წარმოიშვა სიტყვიერი კონფლიქტი წარსულში თამაზ ელიზბარაშვილის მიერ ამ უკანასკნელის და მისი ოჯახის მიმართ სოციალურ ქსელში დაწერილ კომენტართან დაკავშირებით.მომხდარი სიტყვიერი კონფლიქტის დროს, თამაზ ელიზბარაშვილი დაემუქრა დაზარალებულს და მასთან ერთად მყოფ პირებს. კერძოდ, უთხრა, რომ ამ საქმეს ასე არ დატოვებდა, დაბრუნდებოდა დაახლოებით 30 წუთში და არ დაეტოვებინათ რესტორნის ტერიტორია.დაზარალებულებმა ვითარების მეტად გამწვავების თავიდან ასარიდებლად რესტორნის ტერიტორია დატოვეს.31 აგვისტოს დაახლოებით 00:20 საათზე, თამაზ ელიზბარაშვილი, მუქარის აღსრულების მიზნით, შემთხვევის ადგილზე ბრუნდება, რა დროსაც ხელი დემონსტრაციულად აქვს ჩაყოფილი მოსაცმელის უბეში.ელიზბარაშვილი იყო შეიარაღებული და ცდილობდა რესტორანში შეჭრას. ასევე, განაგრძობდა მუქარასა და გინებას დაზარალებულების მისამართით. დაცვის თანამშრომლების აკრძალვის მიუხედავად, თამაზ ელიზბარაშვილი მაინც შევიდა რესტორნის ტერიტორიაზე. მას შემდეგ, რაც დარწმუნდა, რომ დაზარალებულები იქ აღარ იმყოფებოდნენ, დატოვა მითითებული ტერიტორია", - აღნიშნულია პროკურატურის განცხადებაში.