ხორცპროდუქტით მოწამვლის შედეგად, 12 წლის გოგო გარდაიცვალა, კიდევ 7 მოზარდი მძიმე მდგომარეობაშია - შემთხვევა საფრანგეთში მოხდა

1750772113

საფრანგეთში, ჩრდილოეთ ქალაქ სენტ-კვენტენში, ხორცპროდუქტით მოწამვლის შედეგად, 12 წლის გოგო გარდაიცვალა, კიდევ 7 მოზარდი კი მძიმე მდგომარეობაშია.

მედიის ცნობით, მოზარდების მოწამვლის შემდეგ ქალაქში ორი მაღაზია დროებით დაიხურა, რომლებიც ხორცპროდუქტებს ყიდდნენ. მოწამლული 8 მოზარდი ხორცპროდუქტებს სწორედ ამ მაღაზიებიდან ყიდულობდნენ, ისინი 12 ივნისს მოიწამლნენ.

ხუთ მათგანს საკვებით გამოწვეული იშვიათი დაავადება აღმოაჩნდათ, რომელსაც ჰემოლიზური ურემიული სინდრომი (HUS) ეწოდება, მათ შორისაა, 12 წლის გოგონა, რომელიც გარდაიცვალა.

HUS-ი ყველაზე ხშირად E. coli, ბაქტერიის გადაყლაპვის შემდეგ ვლინდება, რომელიც ჩვეულებრივ გვხვდება ადამიანებისა და თბილ სისხლიანი ცხოველების ნაწლავებში. დაავადებათა კონტროლისა და პრევენციის ცენტრის თანახმად, HUS-მა შეიძლება გამოიწვიოს თირკმლის უკმარისობა, ჯანმრთელობის მუდმივი პრობლემები და სიკვდილიც კი.

"ამ ეტაპზე შეუძლებელია იმის დადასტურება, რომ ამ ორი დაწესებულებიდან პროდუქციის მოხმარება დაბინძურების წყარო იყო. მაგრამ ყველა ბავშვმა ჭამდა ხორცი ან ხორცპროდუქტები ამ ორ მაღაზიაში, სიმპტომების გამოვლენამდე რამდენიმე დღით ადრე“, - განაცხადეს ადგილობრივ ხელისუფლებაში.

სხვა სიახლეები

მამამ 2 წლამდე ბავშვი, მზიან ამინდში, პარკინგზე გაჩერებულ სატვირთოში დატოვა, რის გამოც პატარა დაიღუპა - შემთხვევა აშშ-ში მოხდა

1750855902

ადგილობრივი ხელისუფლების წარმომადგენლების თქმით, 33 წლის სკოტ ალენ გარდნერმა საშინელი უპასუხისმგებლობა და გულგრილობა გამოავლინა, როდესაც თავისი ვაჟი, სებასტიანი, სამ საათზე მეტი ხნით მაღალი ტემპერატურის პირობებში მანქანაში დატოვა.მედიის ცნობით, როდესაც მამაკაცმა სასწრაფო დახმარება გამოიძახა, ბავშვის სხეულის ტემპერატურა ძალიან მაღალი იყო და მისი გადარჩენა ვერ მოხერხდა.პოლიციის განცხადებით, მამაკაცი დაკავებულია. ის გაუფრთხილებლობით მკვლელობასა და ბავშვის მიმართ უყურადღებობაშია ბრალდებული, რამაც მძიმე სხეულის დაზიანება გამოიწვია. მას გირაოს შეტანის უფლება აკრძალული აქვს.

ბულგარეთში, შუმენის რეგიონში კერძო ზოოპარკიდან პანტერა გაიქცა - რეგიონში საგანგებო მდგომარეობაა გამოცხადებული

1750853054

რეინჯერებმა ტყის მასივებში მის ნაკვალევს მიაგნეს. ირკვევა, რომ ცხოველი აქტიურად ნადირობს. მოსახლეობისთვის შეზღუდულია ეროვნულ პარკებში და ნაკრძალებში შესვლა.შავი პანტერა, ქვეყანაში სავარაუდოდ არალეგალური გზით შეიყვანეს.

როგორია ორი წლის ბიჭის ჯანმრთელობის მდგომარეობა, რომელიც მოსკოვის აეროპორტში უცხო მამაკაცმა მთელი ძალით ძირს დააგდო

1750852833

ექიმის განმარტებით, ბიჭს ნეიროქირურგიული მკურნალობა არ სჭირდება, თუმცა მას თავის ქალის ღია მოტეხილობა, ხერხემლის მოტეხილობა და ჰემატომები აქვს. ბავშვი ხელოვნურ კომაში იმყოფება. ამასთან, ტვინის დაზიანების ხარისხის შესაფასებლად, ექიმები კომპიუტერული ტომოგრაფიის ჩატარებას გეგმავენ.ცნობისთვის, შერემეტიევოს აეროპორტში ბარგის აღების დროს ბავშვს ბელორუსის მოქალაქე მიუახლოვდა, ხელში აიყვანა და მთელი ძალით იატაკზე დააგდო. პოლიციამ მამაკაცი დააკავა. ის ნარკოტიკული თრობის ქვეშ იმყოფებოდა. დაკავებულს 20 წლამდე პატიმრობა ემუქრება.

მოსკოვის აეროპორტში ახალგაზრდა მამაკაცმა 2 წლის ბავშვი მთელი ძალით ძირს დააგდო, რის გამოც ის კომაში ჩავარდა

1750770163

მედიის ცნობით, მამაკაცის წინააღმდეგ განზრახ მკვლელობის მცდელობის მუხლით არის საქმე აღძრული.პოლიციის დეპარტამენტმა ინციდენტის დეტალები დააზუსტა. დანაშაულის ჩადენის დროს მამაკაცი ნარკოტიკული ზემოქმედების ქვეშ იმყოფებოდა. ინციდენტი აეროპორტის ჩამოსვლის ზონაში მოხდა. თავდამსხმელის მიერ ბავშვის დაზიანების შემდეგ, ის თვითმხილველებმა შეაჩერეს.მედიის ინფორმაციით, თავდამსხმელი 31 წლის ბელორუსის მოქალაქეა. ის ორი წლის ბიჭს მიუახლოვდა, აიყვანა და შემდეგ მთელი ძალით დააგდო იატაკზე. ფაქტის ამსახველი კადრები სათვალთვალო კამერებმა დააფიქსირეს.პირველადი დახმარების მიუხედავად, მცირეწლოვანი ბიჭი კომაში ჩავარდა. საავადმყოფოში, სადაც არასრულწლოვანია მოთავსებული, მას თავის ტვინის დაზიანება დაუდგინდა.დაკავებულ მამაკაცს 20 წლამდე ვადით პატიმრობა ემუქრება.

ესპანეთის სანაპიროსთან 6 ცხედარი იპოვეს, რომლებსაც ხელ-ფეხი შეკრული ჰქონდათ - დაწყებულია გამოძიება

1750769268

ადგილობრივი ხელისუფლების განმარტებით, ზოგიერთ ცხედარს სამაშველო ჟილეტი ეცვა. მათი განმარტებით, ფაქტები მიუთითებს, რომ ისინი, დიდი ალბათობით, მიგრანტები არიან.ბალეარის კუნძულების მთავრობის დელეგატმა, ალფონსო როდრიგეს ბადალმა, განაცხადა: "ამ ხელფეხშეკრული გვამების დანახვა ადასტურებს, რომ ჩვენ მიგრაციულ კოშმარში ვცხოვრობთ, რომლის უარყოფა და დაკნინება ზოგიერთის მცდელობაა".

კახა კალაძე: ოპოზიცია პარლამენტს აღიარებს თუ არა, ჩემთვის მნიშვნელოვანი არაა, რადგან მთავარი არის ჩვენი ქვეყნის მოსახლეობა და რას აღიარებს ის

1750755779

კახა კალაძის თქმით, კანონის დარღვევა არავის უნდა ეპატიოს, მით უმეტეს პოლიტიკოსს, რომელიც საზოგადოების წინაშე პასუხისმგებელია.„ყველამ კარგად ვიცით, რატომ არიან ეს ადამიანები დაკავებულები. მათ ჩვეულებრივ კანონი დაარღვიეს, არ გამოცხადდნენ პარლამენტის საგამოძიებო კომისიაზე. არ გამოცხადების შემთხვევაში იცით, ასეთ ფაქტებს რა ნაბიჯები მოჰყვება. ეს ყველაფერი კანონშია გაწერილი. შესაბამისად, პოლიტიკოსის სტატუსი ან ნებისმიერი რაიმე საქმიანობის სტატუსი ვერ იქნება კანონდარღვევის წამახალისებელი. პირიქით, პოლიტიკოსებს უფრო მეტი პასუხისმგებლობა გვაკისრია საზოგადოების წინაშე. კანონის დარღვევა არავის უნდა ეპატიოს. ხოლოთუ კანონს ვარღვევთ, ისიც უნდა გვქონდეს გააზრებული, რომ ამას სახელმწიფოს მხრიდან შესაბამისი რეაგირება ექნება. ასევე, ჩვენ, ხელისუფლების წარმომადგენლები და არა მხოლოდ ჩვენ, ვალდებულნი ვართ, პატივი ვცეთ ჩვენს კონსტიტუციას, კანონმდებლობას“, - აღნიშნა თბილისის მერმა.ჟურნალისტის კითხვაზე, თუ რატომ აკავებენ ოპოზიციონერებს მაშინ, როდესაც ისინი პარლამენტის უფლებამოსილებას არ აღიარებენ, კახა კალაძის თქმით, არსებითი მნიშვნელობა არ აქვს, ისინი რას აღიარებენ, რადგან მოსახლეობის უმრავლესობის მიერ არის აღიარებული.„პირადად ჩემთვის და დარწმუნებული ვარ ჩემი თანაგუნდელებისთვისაც ასეა - ჩვენთვის მთავარი არის ჩვენი ქვეყნის მოსახლეობა და რას აღიარებს ის. მოსახლეობის უმრავლესობამ მხარი დაუჭირა „ქართული ოცნება-დემოკრატიულ საქართველოს“. რაც შეეხება ამ მცირე რადიკალურ დაჯგუფებას, იცით, რომ ისინი გარედან იმართებიან, სრულად არიან დამოკიდებული გარე პატრონებზე. ამდენად, არსებითი მნიშვნელობა ნამდვილად არ აქვს, რას ფიქრობენ და რას აღიარებენისინი“, - განაცხადა დედაქალაქის მერმა.

გელა გელაძე: დავაკავეთ ნარკოტიკულ დანაშაულში მხილებული 18 პირი, რომელთაგან ნაწილს ნარკოტიკული საშუალებების რეალიზაცია, ხოლო ნაწილს კი უკანონო შეძენა-შენახვა ედებათ ბრალად

1750755240

"მოპოვებული მტკიცებულებებით დგინდება, რომ ნარკოტიკული საშუალების რეალიზაციისათვის დაკავებული პირები, სისტემატურად აორგანიზებდნენ ნარკოტიკული საშუალებების უკანონო რეალიზაციას - მათ შორის, სხვადასხვა ლოკაციაზე ნარკოტიკული საშუალებების განთავსებას და შესაბამისი შეტყობინებების გადაცემას, ნარკოტიკული საშუალების შეძენით დაინტერესებულ პირებზე; ასევე, ხორციელდებოდა ნარკოტიკების რეალიზაცია ე.წ. ხელიდან ხელში გადაცემისა, თუ სხვა მეთოდებით.პოლიციამ ნარკოტიკების უკანონო რეალიზაციის ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.ჩვენი თანამშრომლების მიერ, ნარკოდანაშაულის ბრალდებით დაკავებულების პირადი და საცხოვრებელი სახლების ჩხრეკისას, ნივთმტკიცებად ამოღებულია დიდი და განსაკუთრებით დიდი ოდენობით სხვადასხვა სახის ნარკოტიკული საშუალება.საგამოძიებო მოქმედებების შედეგად, ჩვენ მიერ, ნივთმტკიცებად, ასევე ამოღებულია დაკავებულების მიერ უკანონოდ გაყიდული ნარკოტიკული საშუალებები, ნარკოტიკული საშუალების დაფასოებისთვის საჭირო მასალები და სავარაუდოდ, ნარკოტიკის უკანონო რეალიზაციის შედეგად მიღებული თანხა.დანაშაული 20 წლამდე, ან უვადო თავისუფლების აღკვეთას ითვალისწინებს.როგორც მოგეხსენებათ, ჩვენი ხელისუფლების ერთ-ერთ უმნიშვნელოვანეს პრიორიტეტს წარმოადგენს ნარკოდანაშაულის წინააღმდეგ ბრძოლა – ამის დასტურიაბოლო პერიოდში საქართველოს პარლამენტის მიერ მიღებული საკანონმდებლო ცვლილებები, რომელმაც მნიშვნელოვნად გაამკაცრა სასჯელი ნარკოტიკებისრეალიზაციისთვის.შესაბამისად, ჩვენ, შინაგან საქმეთა სამინისტრო, სრული შემადგენლობით გავაგრძელებთ ქვეყანაში ნარკოტიკების უკანონო ბრუნვისა და გავრცელების წინააღმდეგ უკომპრომისო ბრძოლას და ნარკოდანაშაულში ბრალდებული პირების მიმართ, კანონით განსაზღვრული მკაცრი ზომების გატარებას.

სოზარ სუბარი: ფასდაუდებელია იმ ადამიანების ღვაწლი, რომლებმაც შეძლეს სააკაშვილის რეჟიმის დანაშაულთა დეტალური აღწერა და საკუთრების უფლების აღდგენისათვის დაუღალავი ბრძოლა

1750754580

„დილის 5 საათზე რომ შენობის ნგრევას იწყებდნენ, ამაზე მინდა გავაკეთო პატარა კომენტარი. ეს ხდებოდა 2004-2006 წლებში, როცა ადგილი ჰქონდა საკუთრების უფლების განსაკუთრებით მასშტაბურ დარღვევებს, როცა მოქალაქეებს უძრავ ქონებას არა მხოლოდ ართმევდნენ, არამედ ადამიანებს უნგრევდნენ და უნადგურებდნენ მათ საკუთრებას. როგორც წესი, ნგრევის პროცედურებს იწყებდნენ ღამის 4-5 საათზე, გამთენიისკენ, როცა ყველას სძინავს და როცა შესაძლებელია ხმაურისა და ხალხის პროტესტის თავიდან აცილება. კომისიის წინა სხდომებზე ჩვენ ვუსმენდით ჩვენს სამხედროებს, რომლებმაც თქვეს, რომ სამხედრო ოპერაციის დასაწყებად სწორედ დროის ეს მონაკვეთი - გამთენიის 4-5 საათია ყველაზე ხელსაყრელი, რადგან ეს ის პერიოდია, როცა მტერი ყველაზე მეტად არის მოდუნებული - სწორედ ამ დროს უნდა დაიწყოს შეტევა. ეს უკუღმართი სააკაშვილი და მისი ხელისუფლება კი ყველაფერს პირიქით აკეთებდნენ. როგორც აქ ითქვა, ცხინვალის ოპერაციის დაგეგმვა სწორედ გამთენიისას იყო დაგეგმილი, მაგრამ დაიწყო რამდენიმე საათით ადრე, რადგან სააკაშვილმა და მისმა პიარსტრატეგებმა ჩათვალეს, რომ საღამოს დაწყებული ოპერაცია უკეთ გაშუქდებოდა. ასეთ დილეტანტობას და დანაშაულებრივ ინფანტილიზმს კი არაერთი ადამიანის გაუმართლებელი მსხვერპლი და სამხედრო მოქმედებების ფიასკო მოჰყვა. სამაგიეროდ, საკუთარი მოქალაქეების წინააღმდეგ მიმართულ სპეცოპერაციებს სწორედ გამთენიისას იწყებდნენ ხოლმე - ადამიანების ქონებას ანადგურებდნენ ზუსტად იმ დროს, რაც სამხედრო ოპერაციების დაწყებისთვის არის ყველაზე ოპტიმალურად მიჩნეული. როგორც მტერს, ისე უყურებდნენ საკუთარ მოქალაქეებს,“ - განაცხადა სოზარ სუბარმა. პარლამენტის ვიცე-სპიკერმა საკუთრების უფლებების დარღვევის ფორმებზე საუბრისას გამოყო იმ ადამიანების ღვაწლი, რომლებმაც შეძლეს ქვეყანაში მომხდარი ამ ტიპის დანაშაულის აღწერა და საკუთრების უფლების აღდგენისათვის დაუღალავი ბრძოლა. „არ შემიძლია მადლობა არ ვუთხრა სახალხო დამცველის ოფისის სოციალური და ეკონომიკური უფლებების დეპარტამენტის მაშინდელ (2005-2009 წლების) ხელმძღვანელს სალომე ვარდიაშვილს, რომელიც რუსთავში ცხოვრობდა და რაც უნდა მომხდარიყო თბილისში, რომელი პატარა ჯიხურის ნგრევაც არ უნდა დაეწყო ხელისუფლებას, სალომე მაშინვე იქ ჩნდებოდა და ადგილზე ახდენდა ამ ყველაფრის მონიტორინგს. სწორედ ამიტომ გვაქვს ეს ყველაფერი დეტალურად აღწერილი ჩვენს მოხსენებებში და როგორც სალომე ვარდიაშვილის, ისე სახალხო დამცველის ოფისის არაერთი სხვა თანამშრომლის თავდაუზოგავი შრომით შესაძლებელი გახდა არაერთი ჩვენი მოქალაქის უფლებების დაცვა. სწორედ ისეთი ადამიანების, როგორიც სალომეა, როგორიც თქვენ ხართ [ვაჟა მანია, თორნიკე ნიორაძე, ვალტერ შაკაია, რიყის ტერიტორიაზე საკუთრების უფლების შელახვის ფაქტებზე დაზარალებულის სახით გამოკითხულები დროებით საგამოძიებო კომისიის სხდომაზე] თავდაუზოგავმა წინააღმდეგობამ განაპირობა ის, რომ ქვეყანაში საბოლოოდ რეჟიმმა თავი ვერ შეინახა და, რა თქმა უნდა, უნდა აღინიშნოს ბიძინა ივანიშვილის ღვაწლი, რომელმაც გვირგვინი დაადგა ამ ყველაფერს. ყველა ის ადამიანი, ვინც თქვენ გისმენთ, კიდევ ერთხელ დარწმუნდება, თუ რატომ არ შეიძლება სააკაშვილის სისხლიანი რეჟიმის დაბრუნება ქვეყანაში,“ - განაცხადა სოზარ სუბარმა.

სოკარის განახლებული შავი კონცეფციის მორიგი სადგური

1748505536 • ეკონომიკა

ძველ ვერსიაზე გადასვლა

ყველაზე კითხვადი

სამტრედიის ,,ქართული ოცნების” რაიონულ ოფისში სამუშაო შეხვედრა გაიმართა

1750511551

"მთელი ისრაელი ირანული რაკეტების ცეცხლქვეშაა" - ისრაელის თავდაცვითი ძალები

1749840579

"სამტრედიას მძიმე დღე დაუდგა... მთელი ქალაქი გლოვობს ორი ანგელოზის ტრაგიკული გარდაცვალების გამო... მივიღეთ გადაწყვეტილება, დროებით შევაჩეროთ გადაცემების ჩაწერა" - "სამტრედიის ამბები"

1749671532

განგაშის უმაღლესი დონე კუნძულ ბალიზე - ვულკანის ამოფრქვევის გამო, გაუქმებულია ავიარეისები

1750249998

ბრაზილიაში, 2 წლის ბიჭმა შემთხვევით დედა მოკლა

1750239831

სამართალი

1750755240

სუსმა ეკონომიკისა და მდგრადი განვითარების მინისტრის ყოფილი მოადგილე რომეო მიქაუტაძე დააკავა

1750491180

"2017 წლის 3 ოქტომბრიდან 2024 წლის 9 თებერვლამდე პერიოდში რ. მ.-ს სხვადასხვა მაღალი თანამდებობა, მათ შორის, სახელმწიფო-პოლიტიკური თანამდებობები, ეკავა.ჩატარებული გამოძიებით ამ ეტაპზე გამოვლენილია, რომ რ. მ. თანამდებობრივ გავლენას, სანაცნობო წრესა და გამოცდილებას პირადი სარგებლის მიღების მიზნით უკანონოდ იყენებდა ენერგეტიკულ სფეროში სხვადასხვა პირისთვის არამართლზომიერი უპირატესობის მისანიჭებლად. ამ პირებისთვის უკანონო დახმარების გაწევის სანაცვლოდ კი ის მათგან ენერგოკომპანიებში (ჰესებში) საწარმოს წილებს იღებდა, რომელთა რეალური მესაკუთრე თვითონ იყო, ხოლო წილები ოფიციალურად თავისი ნდობით აღჭურვილ პირებზე ჰქონდა გაფორმებული. აღნიშნული უკანონო საქმიანობის შედეგად რ. მ.-მ განსაკუთრებით დიდი ოდენობით შემოსავალი მიიღო.ამასთანავე, რ. მ. საქართველოს ეკონომიკისა და მდგრადი განვითარების სამინისტროს მაღალ თანამდებობაზე ყოფნის პერიოდში, საჯარო ინტერესის საწინააღმდეგოდ, თავისთვის ან სხვისთვის გამორჩენის ან უპირატესობის მისაღებად, სამსახურებრივ უფლებამოსილებას სისტემატურად ბოროტად იყენებდა, რამაც სახელმწიფოს კანონიერი ინტერესის არსებითი დარღვევა გამოიწვია; კერძოდ, პირადი სარგებლის მიღების მიზნით იგი უკანონოდ სარგებლობდა თავისი თანამდებობით ან/და მასთან დაკავშირებული შესაძლებლობით და სხვადასხვა პირს სახელმწიფო ან კერძო ორგანიზაციაში აფორმებდა (ის ამას ზოგჯერ ფიქტიურადაც ახორციელებდა), რის შედეგადაც იგი მატერიალურ სარგებელსა და ქონებრივ სიკეთეს იღებდა.ზემოაღნიშნული უკანონო საქმიანობის შედეგად რ. მ.-ს ოჯახის ქონებრივი მდგომარეობა შესაბამის თანამდებობებზე მისი განწესების შემდეგ მილიონობით ლარით გაიზარდა. არსებობს დასაბუთებული ვარაუდი, რომ იგი დიდი ოდენობით უკანონო, არადეკლარირებულ შემოსავალს იღებდა, რომელიც ოფიციალურ დოკუმენტებში, მათ შორის, ქონებრივი მდგომარეობის დეკლარაციებში, არ ასახულა. უკანონო ან/და დაუსაბუთებელი შემოსავლების წარმოშობის დაფარვის მიზნით რ. მ. მათი ნამდვილი ბუნების, წარმოშობის წყაროს, ადგილმდებარეობის, განთავსების, მოძრაობის, მათზე საკუთრების უფლებისა და მათთან დაკავშირებული სხვა უფლებების დამალვასა და შენიღბვას ახორციელებდა ქონების სხვა, ცრუმაგიერ პირებზე გაფორმების, ნაღდი ფულის თავისი და მისი ოჯახის წევრის საბანკო ანგარიშებზე სხვადასხვა ფიზიკური პირის მეშვეობით შეტანის/ჩარიცხვის, უძრავი ქონების ფიქტიური შეძენის ან რეალიზაციის ამსახველი ხელშეკრულებების გაფორმების, ხელშეკრულებებში ქონების ღირებულების ხელოვნურად გაზრდის ან შემცირებისა და სხვადასხვა ფინანსური ტრანზაქციის შესრულების გზით. მაგალითად, გამოვლენილია ესპანეთის დედაქალაქ მადრიდში მდებარე საცხოვრებელი ბინის ზემოაღნიშნული უკანონო და დაუსაბუთებელი შემოსავლით 600 000 ევროდ შეძენის ფაქტი. ამ თანხის უკანონო და დაუსაბუთებელი წარმომავლობის დამალვისა და შენიღბვის მიზნით რ. მ.-მ თავისი ოჯახის წევრის სახელზე რეგისტრირებულ უძრავ ქონებაზე 600 000 ევროს ღირებულების ნასყიდობის ფიქტიური ხელშეკრულება გააფორმა, რითაც აღნიშნული თანხისთვის კანონიერი სახის მიცემა სცადა. ამასთანავე, მან, მის მიერ მიღებული განსაკუთრებით დიდი ოდენობით უკანონო ან/და დაუსაბუთებელი ქონების წარმოშობის წყაროს დამალვისა და შენიღბვის მიზნით, მილიონ ლარამდე ღირებულების მქონე 2 ერთეული ავტომობილი მისი და თავისი ოჯახის წევრის ნდობით აღჭურვილ პირებზე გააფორმა.გამოძიების ამ ეტაპზე როგორც ვლინდება, რ. მ.-მ ზემოხსენებული მეთოდებითა და მასთან დანაშაულებრივ კავშირში მყოფი პირების დახმარებით განახორციელა რამდენიმე მილიონი ლარის უკანონო/დაუსაბუთებელი შემოსავლის ლეგალიზაცია.გამოძიება გრძელდება და გამოძიების პროცესში კიდევ უფრო დაზუსტდება როგორც რ. მ.-ს მიერ შემოსავლების უკანონო გზებით მიღების გარემოებები, ისე ამ შემოსავლების ლეგალიზაციის ეპიზოდები. ზემოაღნიშნულ დანაშაულებრივ ქმედებებთან დაკავშირებით გამოძიება მიმდინარეობს საქართველოს სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტითა და 332-ე მუხლის მე-2 ნაწილით, რაც სასჯელის სახით ითვალისწინებს 9-დან 12 წლამდე ვადით თავისუფლების აღკვეთას“, – ნათქვამია სუს-ის გავრცელებულ ინფორმაციაში.

მარიამ ტაბატაძე შსს მინისტრი მოადგილედ დაინიშნა

1749540382

მარიამ ტაბატაძე ბიზნეს ადმინისტრირების მაგისტრია. 2018 წლიდან იგი საქართველოს განათლების, მეცნიერებისა და ახალგაზრდობის სამინისტროს ეკონომიკური დეპარტამენტის უფროსის თანამდებობას იკავებდა. 2013-2018წლებში კი, საქართველოს განათლების, მეცნიერებისა და ახალგაზრდობის სამინისტროს საბიუჯეტო სამმართველოს უფროსი იყო. 2005-2013 წლებში მარიამ ტაბატაძე საქართველოს ფინანსთა სამინისტროში სხვადასხვა პოზიციაზემუშაობდა.შინაგან საქმეთა სამინისტროში კიდევ ერთი ცვლილება განსაკუთრებულ დავალებათა დეპარტამენტს შეეხო - აღნიშნული დეპარტამენტის დირექტორის თანამდებობაზე რომან ქარცივაძე დაინიშნა.

მოსამართლის მიმართ წყლის შესხმის ფაქტზე, შსს-მ ნიკა მელიას წინააღმდეგ გამოძიება დაიწყო

1748849428

როგორც MPRESS.GE-ს შინაგან საქმეთა სამინისტოში განუცხადეს, გამოძიება სისხლის სამართლის კოდექსის 366-ე მუხლით დაიწყო და სასამართლოს უპატივცემულობას გულისხმობს. რაც გამოიხატა სამართალწარმოების მონაწილის შეურაცხყოფით, –ისჯება ჯარიმით ან საზოგადოებისათვის სასარგებლო შრომით ვადით ას ოთხმოციდან ორას ორმოც საათამდე ანდა ტუსაღობით ვადით ორიდან ოთხ თვემდე.2025 წლის 30 მაისს თბილისის საქალაქო სასამართლოში მოსამართლე ირაკლი შვანგირაძემ, "კოალიცია ცვლილებებისთვის" ერთ-ერთი ლიდერს ნიკა მელიას,პარლამენტის დროებითი საგამოძიებო კომისიაზე გამოუცხადებლობის საქმეზე აღკვეთის ღონისძიების სახედ შეფარდებული გირაოს შეცვლაზე იმსჯელა და გირაოს გადაუხდელობის გამო, ნიკა მელიას პატიმრობა შეუფარდა„მოკლედ ვიტყვი, საზოგადოებამ რომ იცოდეს. საღამოს 09:00 საათზე ვიყავი ორი მანქანით ლისის მიმდებარედ, სოციალურ პლატფორმაზე გადაცემა არის და მივდიოდი მონაწილეობის მისაღებად. იქ მისვლამდე მოხდა ჩემი გატაცება და არა დაკავება. გაგვაჩერა საპატრულო პოლიციამ, მძღოლს სთხოვა მართვის მოწმობა და ცხადი იყო, რომ ყველაფერი აინტერესებდა, მოწმობის გარდა. ამ პროცესში მის რაციაში გაისმა ხმა, ობიექტი თუ იჯდა მანქანაში. 11 ადამიანი იყო სამარშრუტო ტაქსიში, ვინც გამიტაცა. არანაირი ნიშანი არ ჰქონდათ, რომ ისინი პოლიციელები იყვნენ. როცა პირს აკავებ, უნდა განუმარტო, რა ხდება. მე გამიტაცეს გუშინ, წამართვეს ტელეფონი. ერთ-ერთს ჰქონდა სურვილი, გაეხსნა ტელეფონი. არავინ ვიცით, რატომ მოხდა ეს. გუშინ თავი მოიკალით და დღეს ჩანიშნეთ პროცესი. ფორმალურად 12:00 საათამდე მქონდა გირაოს გადახდის ვადა, 09:00 საათზე გაიტაცეს ის ადამიანი, ვინც ახლა გელაპარაკებათ. ახლა მეკითხებით, რატომ არ ვიხდი გირაოს, მაგრამ არ გაინტერესებ, რატომ ვარ აქ? ან ვინ გამიტაცა? არათუ არ იღებდნენ გატაცების მომენტს, ჩემს ორივე მანქანაში არის ვიდეოჩამწერი, ოთხივე ჩამწერი არის გატეხილი და გატაცებული, რომ არ გენახათ ჩანაწერი. ეს არის რეალობა, რაც მოხდა და ახლა თქვენ უნდა იმსჯელოთ, ვინ არის მტყუანი და მართალი? რა სამართალი უნდა დაადგინოთ თქვენ? კითხვა არ გიჩნდებათ, როგორ აღმოვჩნდი აქ? ათასობით ადამიანი მოჰყავდათ აქ ნაცემი და დალეწილი, იმათ არ ეკითხებოდით, ვინ აწამა და ისე უშვებდით პატიმრობაში“, – განაცხადა ნიკა მელიამ სხდომათა დარბაზში მოსამართლე სხდომის დაწყებამდე ნიკა მელიას ჰკითხა, ჰქონდა თუ არა მისი აცილების შუამდგომლობა, რაზეც მელიამ უპასუხა: „უდიდესი სურვილია, ყველასი – თქვენი, მურუსიძის, ჩინჩალაძის. პროცესიდან არა, ზოგადად, სისტემიდან, ჯანდაბისკენ“.ნიკამელია მოსამართლეს წყლის ბითლიდან წყალი შეასხა, რის შემდეგ ის დარბაზიდან გააძევეს.

ნარკოდანაშაულის ბრალდებით 5 პირი დააკავეს, მათ შორის 4 ნარკორეალიზატორია

1748848699

განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ბრალდებით დაკავებული არიან: 1986 წელს დაბადებული გ.ს., 1980 წელს დაბადებული შ.კ., 1989 წელს დაბადებული ზ.ვ., 1968 წელს დაბადებული ზ.ტ. და 2000 წელს დაბადებული გ.მ.დანაშაულები 20 წლამდე ან უვადო თავისუფლების აღკვეთას ითვალისწინებს.შინაგან საქმეთა სამინისტროს თანამშრომლებმა მოსამართლის განჩინების საფუძველზე არაერთი ფარული საგამოძიებო მოქმედება ჩაატარეს, რითაც დადგინდა, რომ ბრალდებული ნარკორეალიზატორები ნარკოტიკულ საშუალებებს სისტემატურად ყიდდნენ.პოლიციამ ნარკოტიკების უკანონო გასაღებისთვის დაკავებული პირებისგან, რამდენჯერმე განახორციელა სხვადასხვა სახის ნარკოტიკული საშუალებების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.სამართალდამცველებმა ნარკოდანაშაულის ბრალდებით დაკავებული გ.მ.-სგან კი, განსაკუთრებით დიდი ოდენობით ნარკოტიკული საშუალება „კოკაინი“ ნივთმტკიცებად ამოიღეს.გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ფაქტებზე, სისხლის სამართლის კოდექსის 260-ე და 260-ე ტერცია მუხლებით მიმდინარეობს." - ნათქვამია შსს-ს გავრცელებულ ინფორმაციაში.

მსოფლიო