"ზელენსკი სიტუაციის მოგვარებას დიდად არ უწყობს ხელს. შესაძლოა, უკრაინისთვის დროა, სამშვიდობო მოლაპარაკებებზე ზელენსკის ნაცვლად სხვა კანდიდატურა წარადგინოს" - ტრამპი

1792485167

"ჩვენ ნამდვილად გვჭირდება მომავალ წელს დამატებით მინიმუმ 70 მილიარდი ევრო", - დასძინა ზელენსკიმ.მედიის ცნობით, ზელენსკის მიმართვამ ევროკავშირის ლიდერებზე გავლენა მოახდინა. მათ ევროკომისიას დაავალეს, შეისწავლოს დაფინანსების დეფიციტის შევსების გზები. ეს დეფიციტი გაცილებით დიდია, ვიდრე ბრიუსელი მანამდე ვარაუდობდა.აქამდე ევროკავშირი უკრაინის მხარდაჭერას 90 მილიარდი ევროს ოდენობის სესხზე აფუძნებდა, რომლის გამოყოფაზეც ლიდერები გასული წლის დეკემბერში შეთანხმდნენ. სესხი განკუთვნილი იყო იმისთვის, რომ 2026 და 2027 წლების განმავლობაში უკრაინის ფინანსური და სამხედრო საჭიროებების ორი მესამედი დაეფარა, ხოლო დარჩენილი ერთი მესამედი სხვა მოკავშირეებს უნდა აეღოთ საკუთარ თავზე.მნიშვნელოვანია, რომ ევროკომისიამ ეს სესხი იმ ვარაუდით შეიმუშავა, რომ ომი 2026 წელს დასრულდებოდა. ამის ნაცვლად, მოსკოვმა შეტევები გააძლიერა, მათ შორის, დღის საათებში ახორციელებს იერიშებს, რომელთა მიზანიც უკრაინის ისედაც მყიფე ეკონომიკის პარალიზებაა.

1792480808

ამასთან, ჯეი დი ვენსმა განაცხადა, რომ უკრაინამ რუსეთის ენერგეტიკულ ინფრასტრუქტურაზე დარტყმები უნდა შეწყვიტოს. მისი თქმით, კიევსა და ვაშინგტონს "გარკვეული გაგებით, დროდადრო განსხვავებული ინტერესები აქვთ"."მაგალითად, მიმაჩნია თუ არა, რომ მათ რუსული დიზელის ობიექტები უნდა დაბომბონ, რაც ამერიკელებისთვის ენერგომატარებლების ფასს ზრდის? - არა", - აღნიშნა აშშ-ის ვიცე-პრეზიდენტმა.მისი თქმით, აშშ უკრაინასთან გარკვეულ საკითხებზე მუშაობს და მომავალშიც იმუშავებს."თუმცა, ვფიქრობ, მათ რუსების დაბომბვა უნდა შეწყვიტონ", - აღნიშნა აშშ-ის ვიცე-პრეზიდენტმა.

1792480776

ძალოვნებსა და დემონსტრანტებს შორის მომხდარი დაპირისპირების შედეგად, სხვადასხვა სახის დაზიანება ასობით მოსწავლემ, სტუდენტმა, პედაგოგმა და სამართალდამცველმა მიიღო.ხელისუფლება ძალადობის ორგანიზებაში ულტრამემარცხენე ჯგუფებსა და კრიმინალურ დაჯგუფებებს ადანაშაულებს და, საჭიროების შემთხვევაში, საგანგებო მდგომარეობის გამოცხადებასაც არ გამორიცხავს.ამასთან, საფრანგეთის პრემიერ-მინისტრმა განაცხადა, რომ სამართალდამცველები აქტიურად იმუშავებენ იმ პირების გამოსავლენად, რომლებსაც მაროდიორობის დროს ნიღაბი არ ეკეთათ."ალბათ, სოციალურ ქსელებში შეამჩნიეთ, რომ ბევრი მაროდიორი ნამდვილი "გენიოსია" - მათ აზრადაც არ მოსვლიათ ბალაკლავების ან ნიღბების გაკეთება. შესაბამისად, დღეიდან ვიწყებთ უმნიშვნელოვანეს, მასშტაბურ სამართლებრივ ოპერაციას. მხოლოდ პარიზის რეგიონში პოლიციის პრეფექტურის დაახლოებით 200 გამომძიებელი ფოტო და ვიდეომასალის ანალიზზე იმუშავებს. პოლიცია და ჟანდარმერია თავის საქმეს ურთულეს გარემოში, მკაცრად გაწერილი პროცედურების დაცვით ასრულებს", - განაცხადა სებასტიან ლეკორნუმ.

1792479984

"როდესაც საფრანგეთში დამწვარ სამრეკლოებსა და მძვინვარე ხანძრებს ხედავთ, უბრალოდ გახსოვდეთ, რომ ზუსტად ამის გაკეთება სურთ ამერიკაში რადიკალ დემოკრატებს. მათ ამის გაკეთება აქვთ განზრახული, მაგრამ მიზანთან ახლოსაც ვერ მივლენ.ევროპამ საზღვრები ჩაკეტა - დიახ, მათ საზღვრები ჩაკეტეს, მაგრამ ეს პოლიტიკა ჩავარდა, რადგან სუსტები აღმოჩნდნენ და საზღვრები მალევე ხელახლა გახსნეს. ჩვენ კი ჩვენი საზღვრები ჩავკეტეთ და ჩვენი ქვეყნის ისტორიაში ყველაზე მტკიცე საზღვრები გვაქვს.იმ ადამიანებს, ვინც იქ ჩადის, საფრანგეთი არ უყვართ. მათ არ უყვართ ის ხალხი, ხელოვნება, არქიტექტურა და შენობები. მათ არ უყვართ არაფერი, რაც გარს აკრავთ", - განაცხადა დონალდ ტრამპმა.

1792424049

ატალი ამჟამად პრეზიდენტ ემანუელ მაკრონის პოლიტიკურ პარტიას ხელმძღვანელობს. მედიის ინფორმაციით, მისი წინადადების განხორციელებას, შესაძლოა, სამართლებრივი დაბრკოლებები შეექმნას.2024 წელს, როდესაც ატალი პრემიერ-მინისტრის თანამდებობას იკავებდა, საფრანგეთის ხელისუფლებამ მასშტაბური საპროტესტო აქციების ფონზე ახალ კალედონიაში "ტიკ ტოკთან" წვდომა დაბლოკა. მოგვიანებით, საფრანგეთის უმაღლესმა ადმინისტრაციულმა სასამართლომ ეს გადაწყვეტილება უფლებებისა და თავისუფლებების არაპროპორციულ შეზღუდვად მიიჩნია. გარდა ამისა, მიმდინარე წლის ზაფხულში საფრანგეთის საკონსტიტუციო საბჭომ დაბლოკა კანონპროექტი, რომელიც 15 წლამდე მოზარდებისთვის სოციალური ქსელების გამოყენების აკრძალვას ითვალისწინებდა. საბჭომ დაადგინა, რომ ინიციატივა არასრულწლოვანთა გამოხატვისა და კომუნიკაციის თავისუფლებას არაპროპორციულად ზღუდავდა.Politico-ს ცნობით, სოციალური ქსელებისა და ინტერნეტის მსგავსი შეზღუდვები უფრო ხშირად გამოიყენება ჩინეთში, ირანსა და რუსეთში, ასევე, ინდოეთში. სტატიის ავტორი აღნიშნავს, რომ ზოგიერთ ამ ქვეყანაში გარკვეული პლატფორმები მუდმივად დაბლოკილია, ხოლო საპროტესტო აქციების დროს ხელისუფლება ზოგჯერ ინტერნეტზე წვდომასაც მთლიანად ზღუდავს.

1792424005

სამინისტროს ცნობით, დაკავებულია 2 397 ადამიანი. სამართალდამცავი ორგანოების 997 თანამშრომელი დაშავდა, მათგან 7 მძიმე მდგომარეობაშია.შინაგან საქმეთა მინისტრი მწვავე კრიტიკის ობიექტი გახდა, როგორც პოლიციის მხრიდან დემონსტრანტებთან მოპყრობის, ისე შაბათ-კვირას მომხდარი არეულობებისა და ძარცვის აღკვეთის უუნარობის გამო.მწვანეთა პარტიის ლიდერმა და საფრანგეთის პრეზიდენტობის შესაძლო კანდიდატმა, მარინ ტონდელიემ, ნუნეზი გააკრიტიკა და განაცხადა, რომ მან "მთელი ქალაქები ავაზაკების ანაბარა დატოვა, მაშინ როცა მშვიდობიან დემონსტრანტებს ძალადობრივად უსწორდებოდნენ".ორშაბათს დილით, შაბათ-კვირის არეულობის შედეგების განსახილველად, საფრანგეთის პრემიერ-მინისტრმა სებასტიან ლეკორნიუმ მთავრობის საგანგებო სხდომაც მოიწვია.

1792422556

ევროპელი პოლიტიკოსები ცდილობენ, შეამცირონ დამოკიდებულება ამერიკულ ტექნოლოგიებზე. ამის ერთ-ერთი მთავარი მიზეზია აშშ-ის პრეზიდენტ დონალდ ტრამპის პოლიტიკის არაპროგნოზირებადობასთან დაკავშირებული შეშფოთება, ასევე ის რისკები, რომელიც კრიტიკულად მნიშვნელოვანი ინფრასტრუქტურის ფუნქციონირების უცხოურ კომპანიებზე დამოკიდებულებას ახლავს.ევროკომისიამ წარადგინა კანონის პროექტი ღრუბლოვანი ტექნოლოგიებისა და ხელოვნური ინტელექტის განვითარების შესახებ (Cloud and AI Development Act), რომელიც სენსიტიური მონაცემების დამუშავებისთვის განკუთვნილი ღრუბლოვანი სერვისების პროვაიდერებს ციფრული სუვერენიტეტის მოთხოვნებს დაუწესებს. ამავდროულად, ინიციატივა მიზნად ისახავს ევროპული ტექნოლოგიური კომპანიების ზრდისა და გაფართოების ხელშეწყობას, რათა მათ შეძლონ ამერიკული ტექნოლოგიური გიგანტების ალტერნატივების შეთავაზება.პაზდერმა განაცხადა, რომ აღიარებს ევროპის უფლებას, დაიცვას მთავრობისთვის სენსიტიური ინფორმაცია, თუმცა გააფრთხილა ევროპული მხარე, რომ საკანონმდებლო რეგულაციები არ უნდა გამოიყენონ ადგილობრივი კომპანიებისთვის უპირატესობის მისანიჭებლად, ამერიკელი კონკურენტების საზიანოდ."თუ ამ კანონმდებლობის მიზანი შეერთებული შტატების კონკურენტუნარიანობის შემცირებაა, მიმაჩნია, რომ ეს ასეთი ტიპის საკანონმდებლო ინიციატივის ლეგიტიმური მიზანი არ არის. არ შეიძლება ევროპული კომპანიების კონკურენტუნარიანობის გაზრდა ამერიკული კომპანიების კონკურენტუნარიანობის შემცირების ხარჯზე", - განაცხადა პაზდერმა. 

1792421794

სტამბოლის გუბერნატორმა, დავუთ გიულმა ჟურნალისტებს განუცხადა, რომ სტამბოლში 6 ადამიანი დაიღუპა, მეგაპოლისის სამხრეთ-აღმოსავლეთ გარეუბანში წყალმა კიდევ 2 ცხედარი გამორიყა, რომლებიც მეზობელი პროვინციიდან იყვნენ.ოთხშაბათს მოსულმა ისტორიულად ძლიერმა ნალექმა, რომელიც, ოფიციალური პირების განცხადებით, 1942 წელს დაკვირვებების დაწყების შემდეგ ყველაზე ძლიერი იყო, ქაოსი და უეცარი წყალდიდობები გამოიწვია. გავრცელებულ კადრებში ჩანს, როგორ იტაცებდა სწრაფად მომდინარე წყალი ავტომობილებსა და ადამიანებს.მედიის ინფორმაციით, სტიქიით მიყენებული ზიანის აღმოსაფხვრელად, ქალაქში აქტიური სამუშაოები მიმდინარეობს.