"ეუთოს საპარლამენტო ასამბლეამ ხაზი გადაუსვა საერთაშორისო სამართალს და რუსეთის მსგავსად, იქცა წესებზე დაფუძნებული საერთაშორისო წესრიგისთვის ძირის გამომთხრელად" - შალვა პაპუაშვილი

1783946275

მისივე თქმით, დღეს ქართველი ერი რომ არსებობს და ცოცხლობს, ეს მოციქულების ღვაწლისა და ქადაგების დამსახურებაა."დღეს ჩვენი ერი რომ არსებობს და ცოცხლობს, ეს მათი ღვაწლის, მათი ქადაგების დამსახურებაა. წელს ჩვენ აღვნიშნავთ საქართველოში ქრისტიანობის სახელმწიფო რელიგიად გამოცხადებიდან 1700 წლის თავს. ბედნიერნი ვართ, რომ ამ თარიღს აღვნიშნავთ - ეს არის სწორედ მათი ღვაწლისა და ქადაგების დამსახურება," - განაცხადა პატრიარქმა.

1783942733

ესმაილ ბაღაის თქმით, ირანის"თავდაცვითი დარტყმები" მიმართულია მხოლოდ იმ ბაზებისა და ობიექტების წინააღმდეგ, რომლებსაც აშშ ქვეყანაზე თავდასხმისთვის იყენებს."ჩვენ, თავდაცვის საკითხებში ყოყმანს არ დავიწყებთ", - განაცხადა ბაღიმ და დასძინა, რომ ირანი არ დაუშვებს აშშ-მ ჰორმუზის სრუტის სატრანზიტო მარშრუტი ქვეყნის სუვერენიტეტისა და უსაფრთხოებისთვის ზიანის მისაყენებლად გამოიყენოს.ბაღაიმ განაცხადა, რომ შაბათის მოლაპარაკებები მხოლოდ ამ სასიცოცხლოდ მნიშვნელოვან სრუტეზე იყო ორიენტირებული და დასძინა, რომ ირანის მიზანი გემების უსაფრთხო გადაადგილების უზრუნველყოფა იყო. თუმცა, მისი თქმით, ომანზე აშშ-ის ზეწოლა, ამ ძალისხმევას აფერხებს.ცნობისთვის, გემების გადაადგილების მონაცემების თანახმად, გუშინ საღამოდან სრუტე არცერთ გემს არ გაუვლია.

1783942448

"რაც შეეხება ეუთოს სადამკვირვებლო მისიას, ჩვენ დადასტურებულად ვიცით, მათ შორის, ეუთოს სადამკვირვებლო მისიის წარმომადგენლებისგან, რომლებმაც სხვადასხვა ფორმატში ამაზე ღიად ისაუბრეს, რომ 2024 წლის არჩევნების მეორე დღეს, როდესაც სადამკვირვებლო მისიას უნდა გამოექვეყნებინა პირველადი ანგარიშები, იყო თათბირი, სადაც მონაწილეობას იღებდნენ ეუთოს სადამკვირვებლო მისიასთან ერთად ევროსაბჭოს და ევროპარლამენტის სადამკვირვებლო მისიები და იყო პირდაპირი ზეწოლა ეუთოს სადამკვირვებლო მისიაზე, რომ მას გაეყალბებინა საკუთარი დასკვნები. ეს იყო ევროსაბჭოს და ევროპარლამენტის სადამკვირვებლო მისიების მხრიდან. იცით, რომ ევროპარლამენტის სადამკვირვებლო მისიას ხელმძღვანელობდა ბატონი ბულაი, რომელიც გახლავთ "ალდეს" წევრი, ტერორისტი "ლელო" რომ ჰყავთ წევრად. ის გამოირჩევა ანტიქართული განწყობებით, არაფერს ვამბობ უკვე ევროპარლამენტზე, მათი განზრახვები გასაგებია.კიდევ ერთე ხაზს ვუსვამ, საჭიროა ფიქრი იმაზე, მოიძებნოს მექანიზმი, რათა ჩატარდეს საერთაშორისო გამოძიება 2024 წელს ეუთოს სადამკვირვებლო მისიაზე ზეწოლის თაობაზე, როდესაც ცდილობდნენ, რომ ეიძულებინათ ეუთოს სადამკვირვებლო მისია, რომ გაეყალბებინა საკუთარი ანგარიში. ამაში ჩართული იყო ევროსაბჭოს სადამკვირვებლო მისია და ევროპარლამენტის სადამკვირვებლო მისია. ამიტომ, არ ვიცი რა მექანიზმი შეიძლება არსებობდეს, თუმცა საჭიროა დაფიქრება, რომ ამაზე ჩატარდეს საერთაშორისო გამოძიება, ვინაიდან ეს გახლავთ საერთაშორისო დონის დანაშაული, როდესაც სხვა ქვეყნის არჩევნებში, სუვერენიტეტში ჩარევა ხდება. მათ შორის, ხდება საერთაშორისო ორგანიზაციის მისიაზე ზეწოლა. ეს არის ფაქტი და ამაზე თვითონ სადამკვირვებლო მისიის წევრებს სხვადასხვა ფორმატში, მათ შორის, ჩემი თანდასწრებითაც არაერთხელ უსაუბრიათ", - განაცხადა შალვა პაპუაშვილმა.

1783933649

მედიის განმარტებით, ნავთობის ფასები კვლავ მნიშვნელოვნად დაბალია ომის დროინდელ პიკურ ფასებთან შედარებით, როდესაც Brent -ის ნავთობის ფასი ბარელზე 120 აშშ დოლარს აჭარბებდა.Deutsche Bank-ის ანალიტიკოსები განმარტავენ, რომ აშშ-სა და ირანს შორის დარტყმების გაცვლა "სულ უფრო მეტად ფოკუსირებულია ჰორმუზის სრუტეზე, რაზეც ირანი აცხადებს, რომ სრუტე ფაქტობრივად დაკეტილია და გემებს მისი დახურვის შესახებ აფრთხილებს. მიუხედავად ამისა, აშშ-ის ოფიციალური პირები ამტკიცებენ, რომ ის ღია რჩება და აქტიურად აცილებენ კომერციულ გემებს"."დაზიანებული გემების, ჩაჭრილი რაკეტებისა და დრონების, ასევე სპარსეთის ყურეში სამხედრო და ენერგეტიკულ ობიექტებზე თავდასხმების შესახებ ცნობები, კონფლიქტის მასშტაბების გაფართოებას უსვამს ხაზს", - აღნიშნულია Deutsche Bank-ის განცხადებაში.

1783930645

მთავრობის მეთაურის თქმით, პრეზიდენტი დონალდ ტრამპისა და ბრიტანეთის ყოფილი პრემიერ-მინისტრის, ლიზ ტრასის განცხადებები, ასევე სხვა პოლიტიკური ლიდერებისა და ანალიტიკოსების საჯარო გამოსვლები არაფორმალური ოლიგარქიული გავლენებისა და კორპორაციული მმართველობის საფრთხის შესახებ „დიპ სტეიტის“ არსებობისა და მისი გავლენის უტყუარობის შესახებ ყველა კითხვის ნიშანს აქარწყლებს.„მინდა ასევე შეგახსენოთ ამერიკის მოქმედი პრეზიდენტის, დონალდ ტრამპისა და ბრიტანეთის ყოფილი პრემიერ-მინისტრის, ლიზ ტრასის გამონათქვამები - „ან ჩვენ გავანადგურებთ დიპ სტეიტს ან დიპ სტეიტი გაანადგურებს ამერიკას“; „ჩვენ გვსურს ბრიტანული დიპ სტეიტის ჩამოშლა, რომელიც ამერიკულზე უფრო ძველი და ფესვგადგმულია“. ტრამპისა და ტრასის ეს სკანდალური განცხადებები, აგრეთვე სხვა პოლიტიკური ლიდერებისა და ანალიტიკოსების საჯარო გამოსვლები არაფორმალური ოლიგარქიული გავლენებისა და კორპორაციული მმართველობის საფრთხის შესახებ „დიპ სტეიტის“ არსებობისა და მისი გავლენის უტყუარობის შესახებ ყველა კითხვის ნიშანს აქარწყლებს.ამ ფონზე, ლოგიკურია ევროპელი პოლიტიკოსების ბრალდებებიც იმასთან დაკავშირებით, რომ ბრიუსელი და ზოგადად, ევროპული სტრუქტურები თუ ევროკავშირის წევრი ქვეყნების ხელისუფლებების უმრავლესობა ანგარიშვალდებულია არა საკუთარი ამომრჩევლის, არამედ სწორედ „დიპ სტეიტის“ წინაშე; შესაბამისად, მათ მიერ გატარებული პოლიტიკაც მთლიანად არაფორმალურ ოლიგარქიულ ინტერესებზეა აწყობილი“, - განაცხადა პრემიერმა.

1783930550

ევრობიუროკრატიის მიერ დემოკრატიული პრინციპების უგულებელყოფასა და საქართველოს პროქსი სახელმწიფოდ გამოყენების მცდელობაზე განცხადება პარლამენტის საპროცედურო საკითხთა კომიტეტის თავმჯდომარემ დავით მათიკაშვილმა გააკეთა."საქართველოსთან დაკავშირებული მათი სტრატეგია ეს არის ქართველი ხალხის ნება-სურვილის უგულებელყოფა, საქართველოს გადაწყვეტილებების უგულებელყოფა და იქ, სადაც სრულიად სამარცხვინოდ ხაზს უსვამენ, რომ მათ სურთ ქართველი ხალხის მხარდაჭერა და არ აქვთ კონტაქტი საქართველოს ხელისუფლებასთან, აქ ზუსტად ავლენენ იმ ანტიქართულ და ქართველი ხალხის წინააღმდეგ მიმართულ პოლიტიკას, რომელსაც სამწუხაროდ დღეს ევრობიუროკრატია ახორციელებს, რამეთუ სულ მცირე 1 200 000 საქართველოს მოქალაქის ნება და მათი გადაწყვეტილება არ არის საინტერესო ევრობიუროკრატიისთვის. ეს ნიშნავს იმას, რომ ისინი, ელემენტარულად, დემოკრატიას არ აღიარებენ. ცხადზე ცხადია იმ გადაწყვეტილებების ელფერი და შინაარსი, რაც ევრობიუროკრატიას სურს საქართველოსთან მიმართებით - საქართველოს, როგორც ტერიტორიის გამოყენება, საქართველოს, როგორც პროქსი სახელმწიფოდ გამოყენება. ეს ყველაფერი ერთმნიშვნელოვნად, პირდაპირ აჩქარებს და აღრმავებს საქართველოში ევროსკეპტიციზმს," - განაცხადა დავით მათიკაშვილმა.

1783930461

მედიის ინფორმაციით, დაღუპული ქალაქ მაჰშაჰრში, სასოფლო-სამეურნეო წყლის სატუმბი სადგურის ტერიტორიაზე იმყოფებოდა. გამოცემა იტყობინება, რომ გარდაცვლილი კომპლექსის დაცვის თანამშრომელი იყო.აშშ-ის ცენტრალური სარდლობის ცნობით, დარტყმების სამიზნე ირანის საჰაერო თავდაცვის სისტემები, სანაპირო რადარის სადგურები, სარაკეტო და უპილოტო საფრენი აპარატები და მცირე ზომის გემები იყო.

1783930427

არასამთავრობო ორგანიზაცია Urgewald-ის შეფასებით, ევროპამ ამ ტვირთებისთვის შესაძლოა 6 მილიარდ ევრომდე გადაიხადა. მონაცემების მიხედვით, ევროკავშირში რუსული გაზის მთავარი იმპორტიორები საფრანგეთი, ბელგია და ესპანეთი არიან.ექსპერტები ამ მაჩვენებლებს "შემაძრწუნებელს" უწოდებენ და აღნიშნავენ, რომ ეს ხდება მაშინ, როდესაც რუსეთი აძლიერებს იერიშებს უკრაინის სამოქალაქო და ენერგეტიკულ ინფრასტრუქტურაზე.Financial Times-ის ცნობით, 2027 წლის 1-ლი იანვრიდან ევროკავშირში რუსული LNG-ის გრძელვადიან იმპორტზე სრული აკრძალვა ამოქმედდება, რაც რუსეთს ალტერნატიული მარშრუტების ძიებას აიძულებს. მანამდე კი "იამალისთვის" ევროპული ბაზარი კვლავ კრიტიკულად მნიშვნელოვანია. ამავდროულად, აზიის მიმართულებით რუსული LNG-ის გადაზიდვები 74%-ით შემცირდა, რადგან საერთაშორისო გადამზიდი და სადაზღვევო კომპანიები ევროკავშირის სანქციების მოლოდინში რუსულ პროექტთან თანამშრომლობას ერიდებიან.სტატიაში ასევე ხაზგასმულია, რომ "იამალ LNG"-ის ტანკერები კვლავ დიდად არიან დამოკიდებულნი ევროპულ გემთსაშენებზე სარემონტო მომსახურებისთვის, რაც ევროპას ამ სექტორში რუსეთის მთავარი პროექტის მხარდამჭერ პოზიციაში აყენებს. პროექტის აქციონერები, მათ შორის ფრანგული "TotalEnergies", აცხადებენ, რომ ევროკავშირის რეგულაციების ბუნდოვანების გამო, შესაძლოა, პროექტიდან ექსპორტის შეწყვეტა მოუწიოთ.