ირანელი მაღალჩინოსნის განცხადებით, შეერთებულ შტატებთან ომის განახლება გარდაუვალია - Cbs News

1780400300

"ოპოზიცია არის უკიდურესად დასუსტებული ყველა თვალსაზრისით. იცით, რომ მათ არ აქვთ ხალხის ნდობა. ინსტიტუციურად ისინი არიან აბსოლუტურად დასუსტებულები, პარტიულად საერთოდ არაფერს წარმოადგენენ, ასეთი საერთო სისუსტის ფონზე, ეს დაპირისპირებები არის აბსოლუტურად ლოგიკური. არის პერსონალური დაპირისპირებები, ჩვენ ამას შორიდან ვადევნებთ თვალყურს. ქართული დემოკრატიის გაჯანსაღებისთვის და დემოკრატიული სისტემის საბოლოოდ ჩამოყალიბებისთვის ეს პროცესები არის ძალიან კარგი, მნიშვნელოვანი, თუმცა ვფიქრობ, რომ ესეც არ არის საკმარისი. ჩვენ აუცილებლად ყურადღებით უნდა მოვეკიდოთ იმ სარჩელს, რომელიც შეტანილია საკონსტიტუციო სასამართლოში და აუცილებლად განსაკუთრებული გულისყურით წარვადგენთ ამ სარჩელს საკონსტიტუციო სასამართლოს წინაშე", - განაცხადა პრემიერ-მინისტრმა.

1780398169

"ზოგადად, მოხარული ვართ, რომ ახალი ადმინისტრაციის მიდგომა არის განსხვავებული. მათ შორის, მიდგომა ამგვარი საკითხების მიმართ არის განსხვავებული. თქვენ იცით, რომ წინა ადმინისტრაცია, პირიქით, ყველაფერს აკეთებდა იმისთვის, რომ ოპოზიციას არ ესარგებლა საკუთარი მანდატებით. ეს ხდებოდა 2020 წლის საპარლამენტო არჩევნების შემდეგ, 2024 წლის არჩევნებისთვისაც ასე შეამზადეს პროცესები და საბოლოო ჯამში, ამან გამოიწვია ის, რომ ერთ შემთხვევაში დაგვჭირდა მთელი მოლაპარაკებები, დაგვჭირდა შეთანხმების ხელმოწერა და ამის შემდეგაც არ შემოდიოდა ოპოზიციის ნაწილი პარლამენტში. 2024 წელს, 4-დან 3 ბარიერგადალახული პარტია არ შემოვიდა პარლამენტში. ამას პირდაპირ უწყობდა ხელს წინა ადმინისტრაცია.მოხარული ვართ, რომ ახალი ადმინისტრაციას მიდგომა არის განსხვავებული. ზოგადად, ყველა პარტიამ პატივი უნდა სცეს საკუთარი ამომრჩევლის არჩევანს, საკუთარი ამომრჩევლის მიერ მიკუთვნებულ მანდატს, რაც წინა შემთხვევებში არ გააკეთა ოპოზიციამ. კიდევ ერთხელ ვიტყვი, რომ ეს იყო მაშინდელი ამერიკული ადმინისტრაციის უშუალო ჩარევის შედეგი და ეს იყო ევროპული ბიუროკრატიის უშუალო ჩარევის შედეგი, როგორც ერთი ისე მეორე შემთხვევაში. მოხარული ვართ, რომ ახალი ადმინისტრაციის მიდგომა არის განსხვავებული", - განაცხადა ირაკლი კობახიძემ.

1780398083

„დღეს პატარა ხარვეზი იყო, მაგრამ ძალიან სწრაფად გამოვასწორე, როგორც, ალბათ, უკვე შენიშნეთ“, - თქვა ტრამპმა.პრეზიდენტის თქმით, პრობლემა ის იყო, რომ ირანელები უკმაყოფილო იყვნენ ისრაელის ლიბანზე თავდასხმებით.„ამიტომ, ველაპარაკე "ჰეზბოლას" და ვუთხარი, რომ სროლა აკრძალულია, ასევე ვესაუბრები ბიბის [ისრაელის პრემიერ-მინისტრის ბენიამინ ნეთანიაჰუს] და ვუთხარი, რომ სროლა არ მომხდარიყო და ორივემ შეწყვიტა ერთამენთის მისამართით სროლა“, - აღნიშნა ტრამპმა.ტრამპმა განმარტა, რომ ირანთან სამშვიდობო შეთანხმება შეიძლება „სამხედრო გამარჯვებაზე უკეთესიც კი იყოს“.სრუტის ხელახლა გახსნის შესახებ ურთიერთგაგების მემორანდუმის დასრულებისა და შეთანხმების ვადებთან დაკავშირებით, ტრამპმა განაცხადა: "ვფიქრობ, საუბარი მომავალ კვირაზე მიდის“.

1780397886

მედიის თქმით, ეს მიუთითებს მოლაპარაკებების განახლებაზე მას შემდეგ, რაც სახელმწიფოსთან დაკავშირებულმა საინფორმაციო სააგენტო "ტასნიმმა" გაავრცელა ინფორმაცია, რომ ლიბანზე ისრაელის მიერ განხორციელებული თავდასხმების გამო, მოლაპარაკებები შეჩერდა.ამასთან, ირანის მთავარმა მომლაპარაკებელმა, მოჰამედ ბაგერ ღალიბაფმა X-ზე გამოქვეყნებულ პოსტში განაცხადა, რომ ირანი დიპლომატიის ფარგლებს გასცდება და ისრაელთან კონფრონტაციაში შევა, თუ ლიბანზე მისი დარტყმები გაგრძელდება."მე ხაზგასმით აღვნიშნე, რომ თუ ლიბანში სიონისტური რეჟიმის დანაშაულები გაგრძელდება, ჩვენ არა მხოლოდ შევაჩერებთ მოლაპარაკებებს, არამედ მათ წინააღმდეგაც წავალთ", - განაცხადა ღალიბაფმა.

1780395868

„სწორედ ამ ხედვიდან გამომდინარე, საქართველო აქტიურად განაგრძობს სტრატეგიული ინფრასტრუქტურის განვითარებას - მათ შორის ანაკლიის ღრმაწყლოვანი პორტის მშენებლობას, საერთაშორისო აეროპორტების გაფართოებასა და მოდერნიზაციას, ავტომაგისტრალებისა და სარკინიგზო ქსელის განახლებას. ეტაპობრივად იზრდება შესაბამისი სატრანსპორტო და ლოგისტიკური შესაძლებლობები, რაც კიდევ უფრო აძლიერებს ჩვენი ქვეყნის, როგორც ევროპისა და აზიის საიმედო და ეფექტიანი დამაკავშირებლის როლს.საერთაშორისო სატრანსპორტო მარშრუტების განვითარების მიმართულებით საქართველოს მრავალწლიანი, მჭიდრო და ნაყოფიერი თანამშრომლობა აკავშირებს როგორც თურქეთსა და აზერბაიჯანთან, ისე სომხეთთან, ცენტრალური აზიის ქვეყნებთან და სხვა პარტნიორ სახელმწიფოებთან. სწორედ, ამ სამაგალითო თანამშრომლობის შედეგია დღევანდელი წარმატებაც.მადლობას ვუხდი ჩვენს პარტნიორებს აზერბაიჯანიდან და თურქეთიდან და ყველა იმ ადამიანს, ვინც წვლილი შეიტანა ამ უმნიშვნელოვანესი პროექტის განხორციელებაში.გილოცავთ ბაქო-თბილისი-ყარსის რკინიგზის სრულად ამოქმედებას და ჩვენს ქვეყნებს კიდევ უფრო მეტ წარმატებას და კიდევ უფრო მეტ განვითარებას ვუსურვებ!,“- განაცხადა პრემიერმა.

1780393463

"ზოგიერთმა ქართველმა ზუსტად იცის რა არის ევროკავშირი და რას ნიშნავს მასში გაწევრიანება, რა უფლებებსა და პრივილეგიებს, აგრეთვე ვალდებულებებს მოიცავს, რომლებიც ამას მოჰყვება", - ამის შესახებ საქართველოში გერმანიის საგანგებო და სრულუფლებიანმა ელჩმა, პეტერ ფიშერმა განაცხადა.მისი თქმით, საქართველოს მოქალაქეების ნაწილი ევროკავშირში ინტეგრაციას კონკრეტული სარგებლისა და ვალდებულებების გათვალისწინებით უჭერს მხარს, ხოლო ნაწილი ევროპულ არჩევანს ქვეყნის იდენტობასა და მომავლის ხედვას უკავშირებს."ზოგიერთმა ქართველმა ზუსტად იცის რა არის ევროკავშირი და რას ნიშნავს მასში გაწევრიანება, რა უფლებებსა და პრივილეგიებს, აგრეთვე ვალდებულებებს მოიცავს, რომლებიც ამას მოჰყვება. სხვები უბრალოდ ამბობენ - "მე ვარ ქართველი, მაშასადამე ვარ ევროპელი", მსურს ევროპული მომავალი ჩემი შვილებისა და შვილიშვილებისთვის და ამასთან, არ გამაჩნია უკეთესი ალტერნატივა, არ მსურს ვიყო რუსი, ან თურქი, ირანელი ან აზერბაიჯანელი. მხოლოდ სომხეთთან ერთად ყოფნა, შესაძლოა, არასაკმარისი იყოს", - აცხადებს გერმანიის საგანგებო და სრულუფლებიანი ელჩი საქართველოში.

1780393116

მოსამართლე დემეტრე ჯინჯოლიამ, დღეს ახსენა, რომ გიგა ავალიანი იყო სრულად უდანაშაულო. დემეტრე ჯინჯოლიამ, ახალგაზრდა მოსამართლემ, უშიშრად, სამართლიანი სიტყვით, ღირსეულად დაიცვა ღირსებული ახალგაზრდის - გიგა ავალიანის ღირსება. მე მას სხდომათა დარბაზში პირადად ვუთხარი მადლობა და კიდევ ერთხელ, დიდი მადლობა მას ჩემგან. მან არა მარტო ჩემი შვილის ღირსება დაიცვა, არამედ საქართველოს მომავალიც დაიხსნა გარკვეულწილად. მე საქმის მასალებით ვიცი, ვინ არიან ესენი. საქმე იმდენად მოცულობითია, ყველაფრის თქმა წარმოუდგენელია. მე ვიცი ვინ არიან ესენი. დიახ, დემეტრე ჯინჯოლიამ თქვენც დაგიცვათ დღევანდელი უშიშარი სიტყვით", - აღნიშნა ეკა კუპატაძემ.შეგახსენებთ, გიგა ავალიანის საქმეზე მკვლელობის მომზადებაში ბრალდებულ დემეტრე ჩიქოვანს 9 წლითა და 9 თვით პატიმრობა მიესაჯა. ხოლო დანაშაულის შეუტყობინებლობისთვის დაკავებულ ანა ნასყიდაშვილს 5 წლით და 3 თვით თავისუფლების აღკვეთა შეეფარდა. განაჩენი დღეს გამოცხადდა.ამასთან, ავალიანის საქმეზე ალექსანდრე გაბაშვილს და გიორგი რიკაძეს 14-14 წლით თავისუფლების აღკვეთა აქვთ მისჯილი.

1780390450

"მერამდენე შემთხვევაა, როდესაც ბიძინა ივანიშვილის ოჯახი და საქველმოქმედო "ფონდი ქართუ", ჩვენი ქვეყნის სასიკეთოდ, ჩვენი ქვეყნის მოსახლეობისთვის, ჩვენი შვილებისთვის, ახალი თაობისთვის სასიკეთო ნაბიჯებს დგამს, როგორც საკუთარი თანხებით გამოსყიდვა კონკრეტული კერძო საკუთრებიდან მიწის უზარმაზარი ნაკვეთისა და შემდეგ გადაცემა სახელმწიფოსთვის, სადაც უნდა მოეწყოს შემდეგ პარკი, რომელიც გახდება "ციცინათელას" შემადგენელი ნაწილი.ჩვენ გვესმოდა იგივე "ციცინათელასთან" დაკავშირებით, იმავე ხასიათის განცხადებები, იგივე იყო დენდროლოგიურ პარკთან დაკავშირებით. ახლა ვისმენთ, რომ თითქოს ფულის გათეთრების რაღაც სქემა კეთდება.ფულის გათეთრების სქემა ზუსტად ისეთივე სიმართლეა, როგორც დენდროლოგიურ პარკთან დაკავშირებით ამბობდნენ, რომ ბიძინა ივანიშვილს უნდა გადაუხადონ თანხები, ისე ვერავინ ვერ მოხვდება ამ პარკშიო და ხომ ხედავთ, რომ პარკი არის უფასო და საქართველოს ყველა მოქალაქეს, ყველა ტურისტს შეუძლია თავისუფლად შევიდეს ამ პარკში და სარეკრეაციო სივრცით ისარგებლოს.რა თქმა უნდა, მავნებლობას, ცრუპენტელობას საზღვარი არ აქვს, მათ შორის ამ კუთხითაც. ყველაფერი კარგი რაც არის ჩვენი ქვეყნისთვის, ჩვენი მოსახლეობისთვის და ჩვენი ქვეყნის მომავლისთვის, ეს შავბნელად ესახება კოლექტიურ ნაცმოძრაობას და ამიტომაც ამ ცრუპენტელობაში არიან გადასულები. მაგრამ, ვინ უსმენს უკვე მათ. მათ პროპაგანდისტულ არხებსაც ვხედავთ, რომ საზოგადოების მინიმალური ნდობა აქვთ", - აცხადებს არჩილ გორდულაძე.შეგახსენებთ, საუბარია შეკვეთილის მიწის ნაკვეთზე, რომელიც "ქართუ ფონდმა" სახელმწიფო ქონების ეროვნულ სააგენტოსთან შეთანხმების შესაბამისად, შეიძინა შპს "აკვა ცენტრისგან" და ის სრულიად უსასყიდლოდ გადასცა სახელმწიფოს, იმისთვის, რომ მოეწყოს ადგილზე რეკრეაციული სივრცე. თუმცა, ამის მიუხედავად, ოპოზიციონერი პოლიტიკოსები რამდენიმე კვირაა ამტკიცებენ, თითქოს ეს საეჭვო ტრანზაქციაა.