საფრანგეთის 30-ზე მეტ ქალაქში საპროტესტო აქციები იმართება - იუსტიციის მინისტრის თქმით, სამართალდამცველების რეაგირება მკაცრი, მაგრამ მოზომილია

1791286189

"ამ კითხვაზე მარტივი "დიახ" ან "არა" პასუხი არ არსებობს, გარდა იმისა, რომ უკრაინის ნატოში გაწევრიანების საკითხი ამჟამად დღის წესრიგში არ დგას. მოგეხსენებათ, ამისთვის საჭიროა კონსენსუსი და ყველა წევრი ქვეყნის ერთსულოვანი თანხმობა.ამ ეტაპზე, უკრაინასთან დაკავშირებით, ჩვენი ყურადღება ძირითადად ამ კონფლიქტის დასრულებაზეა გამახვილებული - თუკი ეს შესაძლებელია. სამწუხაროა ამდენად მაღალი ადამიანური მსხვერპლი, თუმცა ჩვენ მკაფიოდ განვაცხადეთ: თუკი შეგვიძლია რაიმე წვლილი შევიტანოთ ომის დასრულებაში, გვსურს, ეს კონსტრუქციულად გავაკეთოთ," - განაცხადა მარკო რუბიომ.

1791285264

ზოგიერთ რაიონში პოლიციასთან შეტაკებები და დაპირისპირება მოხდა - მათ შორის, საფრანგეთის ჩრდილო-აღმოსავლეთში მდებარე ქალაქ სტრასბურგშიც.მედიის ცნობით, იქ პოლიციის თანამშრომლებს ფეიერვერკებს ესვრიან.ცნობისთვის, პროტესტის მიზეზი განათლების სისტემაში არსებული პრობლემებია. ქვეყნის მასშტაბით საგანმანათლებლო სექტორში საყოველთაო გაფიცვაა. განათლების რეფორმის წინააღმდეგ გამოსვლებია ბელგიაშიც.

1791281134

მედიის ინფორმაციით, აქციის მონაწილეებმა ბარსელონას ცენტრალურ რაიონებში მსვლელობა მოაწვეს. აქტივისტები ქირის მკვეთრ ზრდას და უძრავი ქონების ბაზარზე სპეკულაციებს აპროტესტებდნენ და საცხოვრებელზე ხელმისაწვდომობის უზრუნველსაყოფად შესაბამისი ზომების მიღებას მოითხოვდნენ.მომიტინგეების ერთ-ერთი მთავარი მოთხოვნა საბინაო საკითხთან დაკავშირებით საყოველთაო გაფიცვისკენ მოწოდება იყო. მსვლელობის დაწყებამდე, ორგანიზაციის Sindicat de Llogateres-ის წარმომადგენელმა კარმე არკარასომ განაცხადა, რომ აქციის მიზანი მობილიზაციის დაწყებაა, რომელსაც სხვა სექტორებთან კოორდინაციის შემთხვევაში "ქვეყნის პარალიზება" შეეძლება.ცნობისთვის, ესპანეთის პრემიერ-მინისტრმა პედრო სანჩებმა ვადამდელი საყოველთაო არჩევნები 29 ნოემბერს დანიშნა.კორუფციული სკანდალებისა და სეუტას მიგრაციული კრიზისის ფონზე, პრემიერ-მინისტრის წასვლა მას შემდეგ გახდა აუცილებელი, რაც პარლამენტმა საცხოვრებლის კრიზისის შესაჩერებლად წარდგენილი ორივე საკვანძო კანონპროექტი ჩააგდო.აღნიშნულ ინიციატივებს წინ უძღოდა ქვეყნის მასშტაბით დაწყებული მასობრივი პროტესტი, რომელიც 87 წლის მარიკარმენ აბასკალის ბინიდან გამოსახლებამ გამოიწვია.

1791277450

მედიის ცნობით, სავარაუდოდ, თანამდებობის დატოვების შემდეგ, ჰანინგი სადაზვერვო სააგენტოდან კონფიდენციალური დოკუმენტების მიღებას რამდენიმე წლის განმავლობაში განაგრძობდა. მისი ყოფილი ადმინისტრაციის უფროსი ამ მასალების გადაცემაშია ეჭვმიტანილი; როგორც ამბობენ, ისიც დააკავეს.Euronews-ი გაზეთ "ზიუდოიჩე ცაიტუნგზე" დაყრდნობით წერს, რომ ეს დოკუმენტები შეიცავდა გერმანიის კანცლერის ადმინისტრაციისთვის განკუთვნილ სადაზვერვო ანგარიშებს.გამომძიებლები ასევე ამოწმებენ, გადაეცემოდა თუ არა საიდუმლო ინფორმაცია უცხო ქვეყნებს.არსებული ინფორმაციის თანახმად, გამოძიება დაიწყო გერმანელი ბიზნესმენის, კრისტინა ბლოკის საქმის განხილვის დროს მიღებული ინფორმაციისა და კანცელარიიდან დოკუმენტების სავარაუდო გაჟონვის საფუძველზე.

1791275134

"მცირე ზიანს ყოველთვის მოჰყვება დიდი - ჯერ სანაგვე ურნა იწვის, შემდეგ ვითარება კონტროლიდან გამოდის, ჯერი ჭიშკარზე მიდგება, ბოლოს კი შეიძლება შენობაც დაზიანდეს. ძალადობის სპირალში შესვლისას ერთი რამ ცხადია: ვიცით, სად ვიწყებთ, მაგრამ არ ვიცით, სად გავჩერდებით. ცეცხლის დანთება გამართლებული ვერანაირად ვერ იქნება", - განაცხადა საფრანგეთის განათლების მინისტრმა დუარდ ჟეფრემ.საფრანგეთსა და ბელგიაში მოსწავლეების და სტუდენტების პროტესტი მასშტაბურ შეტაკებებში გადაიზარდა. არიან დაშავებულები. ქალაქ ლენსში, აქციის დაშლისას, 15 წლის მოსწავლემ ხელის მტევანი დაკარგა. ასობით ადამიანმა სხვადასხვა სიმძიმის დაზიანება მიიღო. საფრანგეთში, პროტესტის დაწყებიდან დღემდე, დაკავებულია 5 ათასზე მეტი პირი, უმრავლესობა არასრულწლოვანია.პროტესტის მიზეზი განათლების სისტემაში არსებული პრობლემებია ქვეყნის მასშტაბით საგანმანათლებლო სექტორში საყოველთაო გაფიცვაა.განათლების რეფორმის წინააღმდეგ, გამოსვლებია ბელგიაშიც.

1791274741

საფრანგეთში, პროტესტის დაწყებიდან დღემდე, დაკავებულია 5 ათასზე მეტი პირი, უმრავლესობა არასრულწლოვანია."ვფიქრობ, მოსწავლეების მიმართ ძალადობა აშკარაა. მედია პოლიციის სისასტიკეზე საკმარისად არ საუბრობს. სამართალდამცველებმა წესრიგი და მშვიდობა უნდა დაიცვან, თუმცა, ისინი ძალაუფლებას ბოროტად იყენებენ. დღეს დილით, 15 წლის მოსწავლემ აქციაზე ხელი დაკარგა. ბავშვისთვის ხელის მოგლეჯა მიუღებელია. ეს არ არის ჩვენი დამცველი პოლიციის ნორმალური ქცევა. გარდა ამისა, მრჩება შთაბეჭდილება, რომ მედია მოსწავლეების პრობლემებს სათანადოდ არ აშუქებს", - აცხადებს ელიეს ელ ბუჰტი, 17 წლის მოსწავლე.პროტესტის მიზეზი განათლების სისტემაში არსებული პრობლემებია ქვეყნის მასშტაბით საგანმანათლებლო სექტორში საყოველთაო გაფიცვაა.განათლების რეფორმის წინააღმდეგ გამოსვლებია ბელგიაშიც.

1791274675

აქტივისტი მარიამ მეყანწიშვილი წერს, რომ ვერ ხვდება რა ფენომენია მურთაზ ზოდელავასთვის და ლაშა ბერიძისთვის საპროცესოს გაფორმება."ზოდელავა და ბერიძე რომ აფორმებენ საპროცესოს ეგ რა ფენომენია?არაფერზე ამომიღია ხმა აქამდე და მაქსიმალურად ვცდილობ თავი შევიკავო.ჯერ ისედაც კონსპირაციულ გარიგებებზე ხმა არ ამოუღიათ და არ უსაუბრიათ!თქვენ მართლა მარიონეტები ხომ არ გგონივართ? როცა გინდათ მაშინ მოგვასაქმებთ თავზე და მერე მშვიდად გაივლით?!პასუხისმგებლობების საკითხს აღარ შევეხები, თუმცა თუ საჭირო გახდა ჩავშლი დეტალურად!"- აცხადებს მარიამ მეყანწიშვილი.ძალადობრივი აქციების ორგანიზატორებმა მურთაზ ზოდელავამ და ლაშა ბერიძემ დანაშაული გუშინ აღიარეს. საპროცესო შეთანხმებას ითხოვს 4 ოქტომბრის საქმეზე დაკავებული კიდევ რამდენიმე პირი.

1791274636

"მოლდოვა შთამბეჭდავი ტემპით მიიწევს ევროკავშირში გაწევრიანებისკენ. თქვენ მოწინავე კანდიდატ ქვეყანას შორის ხართ. ჩვენ მოლაპარაკების ორი კლასტერი უკვე გავხსენით. ველოდებით, რომ ძალიან მალე კიდევ ორ კლასტერს გავხსნით.ჩვენ ასევე მხარს ვუჭერთ თქვენს ძალისხმევას კანონის უზენაესობის მიმართულებით განსაზღვრული შუალედური ნიშნულების მისაღწევად. რეფორმები ყველა მიმართულებით წინ მიიწევს," - აცხადებს მარტა კოსი.ორმაგი სტანდარტი და უსამართლო დამოკიდებულების მორიგი გამოვლინება საქართველოს მიმართ, - ასე აფასებენ თბილისში კოსის განცხადებას - იხსენებენ ბრიუსელის მხრიდან საქართველოს მისამართით გაკეთებულ მწვავე და კრიტიკულ განცხადებებს და კოსს ახსენებენ საერთაშორისო ორგანიზაციების დასკვნებს, ინდექსებსა და სტატისტიკას, სადაც საქართველო მოლდოვას ყველა პარამეტრით უსწრებს. მათ შორის სიღარიბის მაჩვენებლებით, ეკონომიკური ზრდით, კორუფციის ინდექსით, უცხოური ინვესტიციებით, საკუთრების უფლებების, ბიზნესის, შრომისა და ვაჭრობის თავისუფლების შეფასებებით.